2 Reyes 4:20 - Biblia Dc en Mixe de Quetzaltepec

²⁰ Ënet ja tyuunpë tsä'änë'ky ja mëxy u'unk ets ojts tmënëjkxy ma ja tyaakën, ja tyaak tu'k'akujky xyëëw jam myë''ënyääyë, tä y'o'ky.

Biblia Mixe de Quetzaltepec

²⁰ Ënät ja tyuunpë tsä'änë'ky ja mëxy u'unk ets ojts tmënëjkxy ma ja tyaakën, ja tyaak tu'k'akujky xyëëw jam myë''ënyääyë, tä y'o'ky.

2 Reyes 4:20 ပူးပေါင်းရင်းမြစ်များ

Lucas 7:12

Ko tmëwinkoony ja kajpn, ënät ojts t'ijxpaaty ko tu'uk ja o'kpë yajmënëjkxy ets tyajnaaxtëkëja'antë. Tu'kpajkpë tmaank'atyën tu'uk ja ku'ookytyo'oxy. May ja ja'ay jam pyanëjkxyë.

Juan 11:14

Ënet ja Jesús ojts mëtëy myëkajpxëtë: Tëë ja Lázaro y'ooky.

Juan 11:5

Oy ënety ja Jesús ni'ik tjatsoky ja Marta mëët ja myëkä'äxtëjk Maria ets Lázaro,

Juan 11:3

Ënet ja Lázaro ja myëkä'äx nimäjtsk ojts tnikäxëtë ja Jesús: Wintsën, pëjkëp ja mmëku'uk mëti'ipë ni'ik mtsojkpyën.

Lucas 2:35

jëtu'un yajnijawëty wi'ix ja ja'ay nitu'ukjaty myäytyën tyajtën. E mijts jëtu'un ya'atë tu'kë'ëyë xyjyawëja'any ijxtëm jeexyë ja mja'awën tyuknaxyë tu'uk ja tsujkn.

Isaías 66:13

Tä tu'uk yë taak tyajyaxmonyën yë y'u'unk myääy, jëtu'un miitsëty ntsoka'an njawëja'antë, ets jam Jerusalén ja jotkujk'ajtën xypyaatëty.

Isaías 49:15

¿Wä'än jëtää tu'uk u'unktaak tja'atyëkoyëty yë y'u'unkë ëkë ka'ap t'ëktsojknëtyë? Pën jyä'äytyëkoopy ëjts ka'apës mijts nja'atyëkoyä'äny.

1 Reyes 17:17

Tu'kxëëw tu'ktsuu ojts ja ku'ookytyo'oxy ja y'u'unk pya'ampety, mëk yajxon ja pa'am myajtsë, ojts y'o'ktso'oky.

Génesis 37:5

Tu'kxëëw ojts yë José wyinkuma'ay ets ojts tukmëmëtya'ak ja y'äjtyëjk, e ja y'äjtyëjkëty ni'ikë ojts jyänty myëtsiptsoonëtë.

Génesis 37:3

Yë Jacob mëk ijty tsoky yë José këtiinëm jëtu'un ja wiinkëtpyë ja y'u'unk y'ëna'k. Jä'ä ko yë'ë ënety ok të jyaak miny naaxwiiny, ko ja Jacob ënety të myëjja'ayënë. Paaty ojts tu'uk yë nyijän janty oypyë t'oytyuunë kë'ëyenypë.

Génesis 22:2

Tää yë Dios y'ënëmaayë: Wow yë Isaac, mëti'ipë oy xytsyokyën ets nëjkx ma ja Moriah naaxjotmën, jamës xymyo'ojëty yë nwintsë'kënës ma ja kopkën, mëti'ipë ntuk'ënä'ämäämpyën.

2 Reyes 4:19

ënät mëk y'ënaantäky: Nëkoos yë nkëpajk y'ëkpëjknë. Wiinkëmës yë nkëpajk pyëjknë. Ënet ja tyeety ënätyë t'ënëmaay tu'uk ja tyuunpë: Tun mëyajtën nëjkx ya'atë tyaak mo'o.

2 Reyes 4:21

E ja to'oxytyëjk japts ojts tmëpa'tëkë ja myaank ma ja käjpxynyajxpë jap ja jya'ajtaknën, jap tyajku'ëtujky ets pyëtsiimy, yajxon je'eyë ja tëjk tyaj'ëtujky.