2 Reyes 4:1 - Biblia Dc en Mixe de Quetzaltepec

¹ Jam ijty tu'uk yë to'oxytyëjk, yë'ë tyo'oxytyëjk tu'uk ja käjpxynyajxpë mëti'ipë ënety të y'o'knën; ënät ojts tninëjkx yë Elisejë ets tmë'ëëna'any, tä t'ënëmaay: Mijts wa'ats xynyijawë ko niye'etyëjkës tëë y'o'knë ets ko yë'ë myëtuumpy ijty yë Wintsën. E tyam, jamts ja ja'ay xëmë myiny ma ëëtsëtyën, nmënu'kxy'ajtëpës, je'eyëp ko yë'ë nimäjtskës ja nmaank xytyim pëjkëjanë ets nyätyukmëtuna'anyë.

Biblia Mixe de Quetzaltepec

¹ Jam ijty tu'uk yë to'oxytyëjk, yë'ë tyo'oxytyëjk tu'uk ja käjpxynyajxpë mëti'ipë ënäty të y'o'knën; ënät ojts tninëjkx yë Elisejë ets tmë'ëëna'any, tä t'ënëmaay: Mijts wa'ats xynyijawë ko niye'etyëjkës tëë y'o'knë ets ko yë'ë myëtuumpy ijty yë Wintsën. E tyam, jamts ja ja'ay xëmë myiny ma ëëtsëtyën, nmënu'kxy'ajtëpës, je'eyëp ko yë'ë nimäjtskës ja nmaank xytyim pëjkëjanë ets nyätyukmëtuna'anyë.

2 Reyes 4:1 ပူးပေါင်းရင်းမြစ်များ

Génesis 22:12

Y'ënäny ja Dios kyukajpxpë: Këtii m'u'unk jëtu'un xytyuny, tëëjës nnijawë ko mijts mtsë'këpë Dios ets ka'apës mijts të xywyin'ëënyës, koos yë m'u'unk xymyo'oja'any xytyukwintsë'ëkëja'any.

1 Reyes 18:3

Ja Ahab, myëjwoow ja Abdías, mëti'ipë pujëtu'unëyëpën, yë'ë y'ëwtatyp ënety winë aaw winëjot yë Wintsën

1 Reyes 20:35

E jamts ojts tu'uk ja ja'ay pyëtsimy mëti'ipë ja Wintsën myëtuumpyën ets t'ënëmaay ja myëku'uk, tä ënety ja Wintsën të tyuk'ëne'emyën: Yajtsëtyujtkës, tun mëyajtën. Ja myëku'uk ka'ap ojts nyätyukmë'a'ixëty.

2 Reyes 2:15

Ja Wintsën ja kyäjpxynyajxpëtëjkëty mëti'ipë jam yajpatëpën Jericó, ko t'ijxtë ja Elías, tä y'ënantë: Ja Elisejë ja myëk'ajtën yë'ë tyam yajpatp ma ja Eliseën. Ënet ojts tninëjkxtë, ko tpatë tääts wyintak nyaxkoowtë ma yë'ëjën mëët tu'uk ja näywyinkutsë'kën,

2 Reyes 2:3

E ja ja'ayëty mëti'ipë ja Wintsën myëtuuntëpën jampë yajpaatën Betel, ojts ja Elisejë tjëjpaatë'ëktë ets t'ënëmaaytyë: ¿Mnija'ap ko mijts tyam yë mwintsën myajpëjkëja'anyë? Jëtu'un, nija'apës, jëtu'un y'ëtsooy yë Elisejë, je'eyëp ko miitsëty këtii tii xynyikajpxtëty.

2 Reyes 2:5

E ja ja'ayëty mëti'ipë ja Wintsën myëtuuntëpën, jampë yajpaatën Jericó, ojts tjëjpye'eyë'ëktë ja Elisejë ets t'ënëmaaytyë: ¿Mnija'ap ko yë mwintsën tyam myajpëjkëjanë? Jëtu'un, nija'apës, jëtu'un y'ëtsooy ja Elisejë, je'eyëp ko miitsëty këtii tii xynyikajpxtëty.

2 Reyes 2:7

E niwëxtyikxymyajk ojts yë Wintsën yë myëtuunpë jam jyëjpmëye'eyëtë ets jam jëkämtëkë wya'ak'o'oyëtyë; e ja Elías ets ja Elisejë jam wya'ak'o'oyëtyë ma ja Jordán nëëpa'ajën.

2 Reyes 4:38

Ko ya'atë jëtu'unpë ja mëj'ajtën tyuuntaay jyajtaayë, tä ja Elisejë ojts nyëjkxnë jam Guilgal. Tu'kxëëw tu'kjëmëjt, ma jampë ja itjotmën yuu ënety jam mëk jëtijtp, e jamts ënety yajpaatë aakyë'ë yë Wintsën yë tyuunpëtëjkëty, ko t'ënëmaay yë Elisejë ja tyuunpë Guehazí: Tun mëyajtën jam wäänë yë tu'ts xykyëxwitsëty jëënkëjxm ets tojkx xyaj'oyëty wä'än ya'atë Wintsën yë tyuunpëtëjk tkaytyë.

2 Reyes 6:9

Ënet ja Elisejë tnikäjpxykyäjxëy ja yajkutujkpë mëti'ipë jam ënä'ämpën ma ja Israel kajpnën, ma t'ënëmaayën ko këtii jam nyaxëty ma tääpë itjotmën, jä'ä ko ja sirië ja'ayëty jamtsow ënety yajpaata'antë.

Nehemías 10:31

E ko pën jyaminëty po'kxënxëëwëtë ajuuy ato'kpë ma ëëts nnaaxëty nkajpnëtyën, nitiijës nkajuyanëtë ets nitii ëëts nkatukmëtooka'antë, oy jyääjëty ma oytiixëëw ntuntësën; näjyëtu'un ko wyëxtujkjëmëjtpätëty ka'ap ëëts nyu'uja'an ntuna'antë ets ja naaxwiinyëtë pyo'kxëty ets nän nimä'kxantëp ëëts ja nyu'kxyëty mëti'ipë ënety të xymyëjuy të xymyënu'kxtësën.

Nehemías 7:2

Yë'ëjës ntuknipëjk yë nmëkä'äxës Hananí ets kyutuunk'atëty jam Jerusalén ets Hananías yë'ë kyutuunk'atëty jam ma ja mëj kajpnën mëti'ipë këwent'aty, ijtpën jä'ä ko yë'ë oy ënety jyä'äy'äty ets mëk ijty ni'ik twinkutsë'ëkë ja Wintsën. Tnikutuunk'atëty ja naax kajpn jam Jerusalén.

Salmos 103:11

mëjwiin këjää tsoky tjawë ja'ay mëti'ipë mëjpëjktakëpën, jëtu'un myëjwiin kyëjääjëty tä tsajpën.

Salmos 103:17

Yë Wintsën yë tsyojkën jya'awën xëmë y'ity ma ja'ayën mëti'ipë mëmëtoowëpën ets wiinkutsë'këyëpën; yë tyiyajtën ka'ap nijëna'a kyixy ma ja'ayëtyën jënu'un nyajtsmin nyaskä'äxëtën.

Salmos 115:13

Kyënu'kxäämpy mëti'ipë wiinkutsë'këyëpën, wä'än yë'ëjëty mëjpë mutskpë.

Salmos 147:11

mëti'ipë tyukjotkëtäkpyën yë'ë ko pën wyintsë'ëkëty ets myëmëtoyë, ets mëti'ipë tyuk'ijxpäjtëpën ja tsyojkën jya'awën.

Proverbios 22:7

Ma ja ëyoopëja'aytyëjkën, ja kumeenyjyä'äy jä'ä jam ënä'ämp; ets ma ja'ayëtyën mëti'ipë nu'kxtëpën, yë'ë jam ënä'ämp ja mëti'ipë yajnu'kxpën.

Eclesiastés 12:13

Jëtu'un jyëjpkëxy ja kë'ë ëma'ayën. Yë Dios yë'ë mmëjjaw mkënu'kxyjyawëp ets yë'ë mpatunëp yë y'ënä'ämën tyiyajtën, jä'ä ko yi'iyë jëtu'un mëpaat yë naaxwiinyëtë ja'ay tuny.

Eclesiastés 8:12

Jëtu'un'äämpy ja ja'ay mëti'ipë tuuntëkoopy kajpxtëkoopyën jeky jëna'ajëty jyuuky'äty. Yi'iyës njaaknija'ap ko yë ja'ay mëti'ipë yë Dios y'ëwtajtypyën oy jyuuky'äty;

Isaías 50:1

Jëtu'un ja Wintsën y'ënä'äny: Miitsëty këtii m'ëna'antëty ko paatyës ja Israel kajpn të n'ëxmatsy, mëti'ipë miits mtaak'ajtëpën ëkë paatyës të ntooky ma wiink kajpnën jä'äkyëjxm koos ënety pën nmënu'kxy'äty. Miitsëty paaty të myajtooktë wiink naax wiink kajpn jä'äkyëjxm ko të mpokytyuntë; ja Israel kajpn paaty të yaj'ëxmatsy jä'ä ko miitsëty je'eyë të mkäjpxykyumëtoownaxtë.

Jeremias 34:14

ets kom wëxtujk jëmëjt tyaj'ëwaatsëpëtsëmtëty tu'uk ja hebreo ja'ay mëti'ipë të myëtunëtën tëtujk jëmëjt ma jyëën tyëjkëtyën ko tii të tyajmëyäty. Je'eyëp ko yë y'ap y'okëty ka'ap jëtu'un tuuntë ets ka'apës xymyëmëtoowtë.

Malaquías 3:16

Ja ja'ayëty mëti'ipë myëtuuntëpën yë Dios ojts oy myäytyë tyajtë ets ja Wintsën ojts tmëtoy mëti'ipë ënety pyëjktsoowtëpën. E jam ma ja Wintsënën jam tu'uk noky yajjaay, mëti'ipë yajtukja'amyätstëpën ko yë Dios twintsë'ëkëtëty.

Malaquías 4:2

E miitsëty mëti'ipës xywyintsë'këtyëpën, mëti'ipë winë oy nyipaye'eytyëpën, yë mpaye'eyënës mëtëypyë jëtu'un nëjkx tyi'kxy jyäjy xëëwën, mëti'ipë yajtsokp yaj'akëtakpën. Ets nëjkx mnëpëkax mtsajpëkaxtë jëtu'un tä tsajpkaa u'unkën jam ma y'ijtaknën mëët ko ënety mxoonta'aktën.

Mateo 18:25

Ja ja'ay ka'ap ënety tii ja myeeny mëti'ipë tyukëpätëpën ja nyu'kxy. Tääts ja yajkutujkpë y'ënäny ets yajtookëty tääpë ja'ay mëët ja tyo'oxytyëjk, ja y'u'unk y'ëna'k ets tu'kë'ëyë mëti'ipë myëët'ajtypyën, jëtu'un ja nyu'kxy tyaj'ëtukëty.

Mateo 18:30

E ja tu'uk ka'ap tkupëjky, pujxn tëkoty ojts ja mëtuunpë tyajpëjktä'äkyë koonëm tkëpätëty ja nyu'kxy.

Mateo 18:35

Tääts ja Jesús jyaak'ënany: Näjyëtu'un ja nTeetyës tsajpjotmëpë tuna'any ja ja'ay ma miitsëtyën, pën jää miitsëty ka'ap ja mmëku'uk xynyimä'kxtë.

Hechos 13:26

Tääts ja Pablo jyaak'ënany: Mëku'uktëjkëty, Abraham yë y'u'unk y'ok, ets miitsëty ka'apë jyutiis'atën je'eyëp ko mmëpëjktaktëp ja Dios: ëëts jëtu'un ojts nyajtuknikäjxëm ja aaw ayuk mëti'ipë yajknitsokpën.

Santiago 2:13

Pën ja myëku'uk ka'ap tpa'ëyoy, näjyëtu'un ja Dios ka'ap pya'ëyowa'anyë; pën ja myëku'uk pya'ëyoopyën, yë'ë ja oyajtën pyatäämpy ko ënety ja paye'eyën y'ity.

Apocalipsis 15:4

¿Pën jëtää mkatsë'ëkëtëp, Wintsën, pën jëtää mkamëjjawëtëp mkajaantyjyawëtëp? Mijts tu'uk mwa'ats. Mmëjja'aw mjantyjya'awëyëp ni'ëmukë yë naaxwiinyëtë ja'ay, jä'äkyëjxm ko mtëyajtën xyaj'ixyë.

Apocalipsis 19:5

Ënet yajmëtooy ja ayuk ma ja kutujktaknën: Miitsëty, mëti'ipë myëtuuntëpën ets wyintsë'këtëpën ja Dios, mëjpë mutskpë, mëjjaw jaantyjyawëtë yë nTios'ajtëmë.

Rut 1:3

Ok ja Elimélec ojts y'o'knë, ja Noemi nyiye'etyëjk; tää ja Noemi ku'ooky wyë'ëmnë mëët nimäjtsk ja myaank.

1 Samuel 22:2

Tëkokyë ja ja'ayëty mëti'ipë ënety o'ktëy jajtëp këpäjtëpën ojts ja David tpuwa'këtya'atë ets mëti'ipë ënety jam ja nyu'kxëtyën ets näjyëtu'un ja mëti'ipë ënety ka'ap jyotkujk'atën, yë David yë'ë nikopk'ajtëtë. Ya'atë ja'ayëty mëti'ipë ja David pyuwa'këtyën, jä'ä nyiwinë'ajtë nimajktaxk mëko'px.