2 Reyes 3:3 - Biblia Dc en Mixe de Quetzaltepec

³ E jëtu'un tjatuuny, yë'ë poky ojts tuuntëkoy mëti'ipë tyuunën yë Jeroboam, yë myaank yë Nabat, mëti'ipë mëët tyajpokytyuunyën ja Israel ja'ayëty.

Biblia Mixe de Quetzaltepec

³ E jëtu'un tjatuuny, yë'ë poky ojts tuuntëkoy mëti'ipë tyuunën yë Jeroboam, yë myaank yë Nabat, mëti'ipë mëët tyajpokytyuunyën ja Israel ja'ayëty.

2 Reyes 3:3 ပူးပေါင်းရင်းမြစ်များ

1 Reyes 13:33

Ja aaw ayuk mëti'ipë ja Wintsën ja myëtuunpë jyakajpxën, Jeroboam kä'äpyëm t'ëxmajtsy ja y'ëxëëk winma'any, ni'ikyënëm ojts tpëjktä'äky ja teety jam tsajptëkotm maajaty ja awinax y'ityën ka'apë mëpaat yaj'ëwtatyën. Pënjatyëty ënety jëtu'unpë ja tuunk y'atsojkpyën, Jeroboam poj'am ja tyuunkmooyë ets kyënu'kxyë ets tyeety'atëty ma ja tsajptëjkën, ma jap myäy'itën ja awinax ka'apë mëpaat yaj'ëwtatyën.

1 Reyes 14:16

Yë Wintsën nëjkxëp jëna'a t'ayajk tkë'ëyajknë yë Israel ja'ayëty, mëëtkyëjxm ko ja Jeroboam ja nëë poky të tmëtëkë ets ko të tyajpokytyuny ja naax kajpn.

1 Reyes 14:9

Mijts ni'ik o'ktëy winë të xytyuny, këtiinëm ja mmëku'uktëjk mëti'ipë jëyëjp të tyuntën; mijts je'eyës nëkoo të xyajjoot'anpëky, ko tëkatsypë ja awinax të xyajkojy ka'apë jeexyë mëpaat xy'ëwtatën, aak pujxntsetsy, aak pu'ts pujxnpotsy ets ëjts jëkäm xypyëjktaknës.

1 Reyes 15:26

Je'eyëp ko ja tyuunk ka'ap ojts oy ja Wintsën t'ixy, jëtu'un winë ëxëëkjaty tuuny tä ja tyeetyën, je'eyë ojts tyajpokytyuny ja Israel kajpn.

1 Reyes 15:34

Je'eyëp ko Baasá ëxëëk ojts winë tuny jam Wintsën wintum, jëtu'un winë tuuny ijxtëm ja Jeroboamën, ko tyajpokytyuuny ja Israel kajpn.

1 Reyes 16:31

jä'ä ko yë'ë ka'ap ojts ninu'un tmëkjawë ko nän yë'ë ja poky tyuunpy mëti'ipë ja Jeroboam tyuunën, Nabat yë myaank. Ni'ik yë'ë, jä'ä ko ojts mëët pyiky ja Jezabel, yë nyëëx yë Et-baal, mëti'ipë yajkutujkpën jam Sidón ets ojts t'ëwtajnë ja Baal.

2 Reyes 13:11

Je'eyëp ko ja tyu'unën kyajpxën aak ëxëëk ojts ja Wintsën t'ixy, ka'ap t'ëxmajtsy ja nëë poky mëti'ipë ja Jeroboam ja Israel ja'ay tyuktuuntëkooyën, ni'ikyënëm ojts tpanëjkxtëkë.

2 Reyes 13:2

Je'eyëp ko yë'ë aak ëxëëkjaty winë tuuny Wintsën wyintuuy, yë'ë poky tyuuntëkooy mëti'ipë yë Jeroboam tyuunën, yë Nabat yë myaank; ojts ja Israel ja'ay tyajpokytyuny mëj këjää ets ka'ap ojts ninu'un jyootwinpity.

2 Reyes 13:6

Je'eyëp ko ka'ap ojts t'ëxmatstë ninu'un ja y'ëxëëktu'un y'ëxëëk kajpxënëty mëti'ipë ënety të tuunk'atën ja Jeroboam y'ok'u'unk y'ok'ëna'k mëti'ipë tyukyajtëkooytyën ja Israel ja'ayëty, ojts pyokytyuun'ëtë'ëtstë ets ja Aserá ja y'awinax je'eyëm jam y'ijty Samaria.

2 Reyes 14:24

Je'eyëp ko ja tyu'unën kyajpxën ka'ap ojts ja Wintsën oy t'ixy, jä'ä ko ka'ap t'ëxmajtsy ja pokytyu'un pokykyajpxën mëti'ipë ja Jeroboam, Nadab ja myaank tyuktuuntëkooyën ma ja Israel ja'ayëtyën.

2 Reyes 15:18

Je'eyëp ko ja tyu'unën kyajpxën ka'ap ojts ja Wintsën oy t'ixy, jä'ä ko ka'ap t'ëxmajtsy ja nëë poky mëti'ipë ojts ja Jeroboam, tuktuuntëkoyën ja Israel kajpn.

2 Reyes 15:9

Je'eyëp ko ja tyu'unën kyajpxën ka'ap ja Wintsën oy t'ijxy, nän yë'ë poky ojts tuny mëti'ipë ja y'apteety Jeroboam, yë myaank yë Nabat, të tukyajpokytyunyën ja Israel ja'ayëty.

2 Reyes 17:21

Ojts ja David ja kyutujkën yajpëjkë ma ja y'u'unk y'ëna'kën ets jä'ä nikajpxpäjtë ja Jeroboam yajkutukëty, yë Nadab, yë myaank, mëti'ipë yajpokytyunëtën.

2 Reyes 17:22

Jëtu'un'äämpy ja Israel ja'ayëty ojts pyokytyuntë, tä ja Jeroboam ënety të pyokytyunyën ets ëxëëk në'ë ëxëëk tu'u kä'äpyëm ojts t'ëxmatstë.

2 Reyes 17:23

Tä ja Wintsën ojts tim'ëxmajtsnë ja Israel kajpn, jëtu'un tä ënety të t'akäjpxyën mëët ja kyäjxynyajxpëtëjk, paaty ojts ja Israel ja'ayëty yajmënëjkxnëtë tsumy matsy jam Asiria, ma tyampaat yajpaatën.

2 Reyes 21:16

Ëpëky ja nëë poky mëti'ipë ja Manasés tyuktuunën ja Judá ja'ay ets mëti'ipë yë'ë kë'ëm tyuunën Wintsën wyintum; këjää ojts ja ja'ay tyaj'ok tyajtëkooynyë ka'apë tii poky tmëëtëtyën jam Jerusalén.

2 Reyes 23:15

E ja wintsë'këntyakn ets ja tëjk mëti'ipë jamën Betel, mëti'ipë ënety ja Jeroboam të tkojyën, yë Nabat yë myaank, mëti'ipë ojts ja Israel ja'ayëty tukyajpokytyunyën; ojts ja Josías wa'ats twojpë'kta'ay koonëm tyaj'awinpijtaay naaxwayën ets jëën tpëjktäky ets tnino'ktaay ja Aserá y'awinax.