2 Reyes 3:25 - Biblia Dc en Mixe de Quetzaltepec

²⁵ Ojts ja naax kajpn tyaj'atëkoytyë, ojts ja naax kamtëjk tsaawinko'owëtya'atë; ja nëëjut ojts naaxtukko'owëtë ets ja nëëwooky ets ja aay kepy ujts mëti'ipë ja tyëëm yajë'kxpën wa'ats tpujxkëtaawtaaytyë. Yi'iyë ojts ka'ap tyajkutëkoytyë ja kajpn mëti'ipë xyëëwajtypyën Quir-haréset. Je'eyëp ko ja ja'ayëty myiintë mëti'ipë myëtsiptuuntëpën ja tsaawëtu'un tä tyajnatujktë ets ja kajpn tmëmëtaktë.

Biblia Mixe de Quetzaltepec

²⁵ Ojts ja naax kajpn tyaj'atëkoytyë, ojts ja naax kamtëjk tsaawinko'owëtya'atë; ja nëëjut ojts naaxtukko'owëtë ets ja nëëwooky ets ja aay kepy ujts mëti'ipë ja tyëëm yajë'kxpën wa'ats tpujxkëtaawtaaytyë. Yi'iyë ojts ka'ap tyajkutëkoytyë ja kajpn mëti'ipë xyëëwajtypyën Quir-haréset. Je'eyëp ko ja ja'ayëty myiintë mëti'ipë myëtsiptuuntëpën ja tsaawëtu'un tä tyajnatujktë ets ja kajpn tmëmëtaktë.

2 Reyes 3:25 ပူးပေါင်းရင်းမြစ်များ

Jeremias 48:36

Nmëmoompy nmëtujkpyës yë Moab ja'ayëty ets Quir-heres ja'ayëty, paatyës ntukwinxu'uxy yë tsajpkäpny xuxn, jä'ä ko tëë tyëkooytyä'äy ja wit meeny mëti'ipë të tjanipëjkpätën.

Jeremias 48:31

paatykyëjxmës nnijë'ëja'any nniya'axa'any yë Moab ja'ayëty ets Quir-heres ja'ayëty, jä'ä ko ëxëëk jyata'antë.

Isaías 16:7

Paatykyëjxm ja Moab ja'ayëty mëj këjää tnijë'ëja'an tniya'axa'antë ja nyaax kyajpnëty; je'eyë nëjkx tnimon tnituktë wi'ix ënety o'ktëy jyajnëtën kyëpäjnëtën yë Quir-haréset ja'ayëty.

2 Reyes 3:19

ets miits nëjkx xyjyijta'atë ja potsy mëti'ipë ja nyaaxëty kyajpnëty tyuknapots'ajtëpën; nëjkxëp xypyujkxë'kta'atë ja aay kepy mëti'ipë tëëmpäjtpën; nëjkxëp xyaj'ëtujkta'atë ja nëëwooky ets nëjkxëp ja nyaaxëty kyamëty xytsyaawinpi'iwëtya'atë.

Isaías 16:11

Jëtu'unës yë njot nwinma'any tsyëtyuy tä tu'uk yë kow y'ënaankëtä'äkyën mëët ko ja Moab ets ja Quir-haréset o'ktëy jyatë kyëpätë.

Isaías 15:1

Jä'ä tsu'um ma Ar kajpn kyutëkooyën, o'ktëy ojts jyäty kyëpety yë Moab; jä'ä tsu'um ma Quir kajpn kyutëkooyën o'ktëy, jyäjty kyëpejty yë Moab.

2 Crónicas 32:4

Ënet ja ja'ay myäymyujktë ets tyaj'ëtujktaaytyë ja nëëjut, yë'ëpaat mëti'ipë muum mu'tpën ets mëti'ipë naaxpa'atye'epyën, këtiipë nyëëpaatëty ja Asiria ja'ayëty ko ënety jyamëwinkonëtë.

2 Samuel 8:2

Ojts näjyëtu'un tyajkutëkoy ja Moab ja'ayëty: Ka'ap tyaj'oky ni'ëmukë, je'eyë ojts tkijpxy mëët tu'uk yë tejpxy; mëti'ipë wyinnajxypyën ja tejpxy jä'ä yaj'o'k e mëti'ipë naje'eyë patëpën ja tejpxy jä'ä juuky yajwë'ëm. Jëtu'un'äämpy ja Moab ja'ayëty ja David ka'ap yajmëta'akëtë ets ojts tyuk ënä'ämëtë nyäkyukëpätëtëty.

Jueces 9:45

Tu'kxëëw yë Abimélec ojts yajxon tsyiptuny jam ma ja Siquem kajpnën, koonëm tmëmëtäky. Ko tyaj'o'ktaay ja ja'ay jampë kyukajpn'atën ënät tjëën'ixko'onëy ja kajpn ets tnino'ky. Ko ja kajpn wyintooykyëtäky tääts ja kaan tukwinwëjëtyääy.

Deuteronomio 2:9

Ënet ja Wintsën xy'ënëmaayës: Këtii nëkoo xymyëmayëty ets xynyipëtë'ëkëty yë Moab ja'ayëty. Jä'ä ko yë'ë y'u'unk y'ok yë Lot, yë nyaax kyam mëti'ipë nyitënaaytyëpën nitii xykyajëjp'ixëty. Ëjts kë'ëm të nmo'otë ets tjä'ä'atëty tääpë it naaxwiinyëtë mëti'ipë xyëëwajtypyën Ar.

Génesis 26:18

Tä tyaj'ëwatstaay ja nëëjut jatëkok, mëti'ipë ënety ja tyeety Abraham të tyaj'ëwa'atsyën, ma ënety të jyuuky'ätyën. E ko ojts y'o'knë, ënät ja filistejë ja'ayëty ojts naaxtukjä'pëtya'atë. Yë Isaac je'eyëm jatëkok txëëwmooy ja nëëjut tä ënety ja tyeety të tijyën.

Génesis 26:15

Ma ënety ja tyeety Abraham jyaak juuky'ätynyëmën yë tyuunpëtëjk kanaak ojts yë nëëjut tyaj'ëwa'atstë. E ko jëtu'un y'ijnë jeky, tä ja filistejë ja'ayëty jatëkok naaxtuktsë'ëmëtyääytyë.

2 Reyes 3:24

E ko ja Moab ja'ayëty tyëjkëtyë ma ja Israel ja'ayëty ja jya'ajtaknëtyën, ënätyë nyipëtë'këtë ja Israel ja'ayëty. Yajxon yajkäk yajpujtëtë ets may yaj'o'këtë.

2 Reyes 3:26

Ko ja yajkutujkpë t'ijxy mëti'ipë Moab ja'ayën ko ja Israel wäänë mëk ënety ni'ik tsyiptuntë, ënät niwëxtujk mëko'px t'ënëmaay ja tsyiptuunpëtëjk mëti'ipë tekyye'epy tsiptuuntëpën ets tyaj'ëwa'atstëty ja äämjyot, tyaj'oyëtëty tu'uk ja tu'u mëti'ipë jam ja'tëpën ma yajpaatyën Edom yajkutujkpë. Je'eyëp ko ka'ap myääyëtë.