2 Reyes 3:13 - Biblia Dc en Mixe de Quetzaltepec

¹³ e ja Elisejë tyaa t'ëtsooy ja Israel yajkutujkpë: ¿Ëjts tii winma'anyës yam n'ëkmëët'ajtyp mëët mijts? ma nëjkx yë'ë xykya'ixy ja ja'ayëty mëti'ipë ijty ja mteety xëmë winë yajtëëpyën. E ja yajkutujkpë ni'ikyë tjanty y'ënëëmë ja käjpxynyajxpë: Ka'ap, jä'ä ko Wintsënës të xyajmintë ets ëëtsëty nitëkëëk yë Moab ja'ayëty xyaj'ooktëty.

Biblia Mixe de Quetzaltepec

¹³ e ja Elisejë tyaa t'ëtsooy ja Israel yajkutujkpë: ¿Ëjts tii winma'anyës yam n'ëkmëët'ajtyp mëët mijts? ma nëjkx yë'ë xykya'ixy ja ja'ayëty mëti'ipë ijty ja mteety xëmë winë yajtëëpyën. E ja yajkutujkpë ni'ikyë tjanty y'ënëëmë ja käjpxynyajxpë: Ka'ap, jä'ä ko Wintsënës të xyajmintë ets ëëtsëty nitëkëëk yë Moab ja'ayëty xyaj'ooktëty.

2 Reyes 3:13 ပူးပေါင်းရင်းမြစ်များ

1 Reyes 22:6

Ënet ja yajkutujkpë twoowmujktaay ja Wintsën ja myëtuunpëtëjk, jä'ä nyiwinë'atë nimajktaxk mëko'px ets tyajtëëy: ¿Wi'ix oyës yë Ramot nitsiptunëtyë, ëkë ka'apë? Ets yë'ëjëty y'ëtsoowtë: Oy, nitsiptun, jä'ä ko yë Wintsën tëë tkë'ëyäky.

1 Reyes 18:19

Yë'ë yam mijts ntuk'ënëëmëjäämpy ets xykyäxëty yë mja'ay wä'än tyajtu'ukmujkta'ay yë ja'ay jam ma kopk txëëwatyën Carmel ets jam näjyëtu'un nyäwya'këxë'ëkëtëty yë ja'ayëty nimajktaxk mëko'px ja wëxtyikxy majkpë mëti'ipë yë Baal myëtuuntëpën ets näjyëtu'un yë nimajktaxk mëko'px ja wëxtyikxy majkpë ja ja'ayëty mëti'ipë myëtuuntëpën yë Aserá, mëti'ipë yë Jezabel myëët'ajtypyën ets yajkääpy yaj'ukpyën.

2 Reyes 3:10

Ënet ja Israel yajkutujkpë y'ënäny: Aa tëëtëm ënät ja Wintsën xytyuknimi'inëm kanaak yajkutujkpë ets tëkëëk të tim yajminy, tä ënät ja Moab ja'ayëty yë'ë ëxëëk xytyu'unmëty ets xymyëmëtakmëty.

2 Corintios 6:15

Ka'ap tjëkyepy yë Kristë nyëmyäyëtëty mëët yë mëjku'u, ëkë yë mëpëjkpë mëët mëti'ipë ka'ap myëpëkyën.

2 Corintios 5:16

Paaty ëëtsëty ka'apës ja njëëky nmëku'uk jëtu'un n'ëk'ijxnëtë ijxtëm ja naaxwiinyëtë ja'ayëtyën, oy ijty tëëyëp ja Kristë n'ixtës ijxtëm yë naaxwiinyëtë ja'ayëtyën, tyam ka'apës jëtu'un ja winma'any n'ëkmëët'ajnëtë.

Juan 2:4

Ënet ja Jesús y'ëtsooy: Nanë, ¿tiis ko jëtu'un xy'ënëëmë? Ka'anëm tpaaty ja nyixëëw maas winë ntunëtyën.

Mateo 8:29

Ets tyëjkëtyë yaxpë jojkpë: Këtii nëkoo yaa miny ma ëëtsëtyën etsës xymyëmayëtëty, Dios mijts m'u'unk'ajtëp. ¿Ëkë yë'ë mnimiimpy ets xyaj'ëyowa'antësë? Tyam ka'ap ja xëëw po'o tpaatynyëm.

Oseas 6:1

Mintë ni'ëmukë ets tsojk Wintsën niwinpijtëmë. Yë'ë atëj awäxë të xytyu'unëmë nän yë'ë mayanëp ets xyajtsokmëty; ojts xyajtsëtyujtëmë je'eyëp ko ojts näjyëtu'un xyajtsokëmë.

Proverbios 1:28

Jääts nëjkx xyjyamëkajpxtës, e ëjts ka'apës jää n'ëtsowa'any. Nëjkxëpës xyjya'ixtaaynyëtë, e ka'apës nëjkx ma xypyaatë.

Rut 1:15

Tä ja Noemi t'ënëmaay ja Rut: Ëk'ix u'unk maay, yë m'ojy tëë nyëjkxnë ma nyaax kyajpnën ets ma ja tyios t'ëwtatën. Panëjkx yë mmëku'uk.

Jueces 10:14

Nëjkx yë'ë amëtowtë yë putëjkën ja tiosëty mëti'ipë miits kë'ëm të xywyin'ixtën. Wä'än yë'ë myajtso'okëtë ma tyam amaayjoty jotmayjoty myajpaatën.

1 Reyes 17:18

Ënet ja ku'ookytyo'oxy t'ënëmaay ja Elías: ¿Tii tsipës ëjts mëët mijts nmëët'ajtyp, mijts mëti'ipë Wintsën myëtuumpyën? ¿Ëkë je'eyës mijts nëkoo ja nnëë npoky xypyaye'eyanë etsës ja n'u'unk nmaay y'ookëty tyëkoytyë?

2 Reyes 3:12

Yë'ë jyëkyejpy xytyuk'ëwa'anëmëty wi'ix ja Wintsën y'ënä'änyën, jëtu'un y'ëtsooy ja Josafat. Ënet ja Israel yajkutujkpë mëët yë Josafat ets Edom tsyo'ontë ënätyë ets ojts tninëjkxtë ja Elisejë;

Jeremias 37:19

¿Maa ënät tyam yajpaatë ja käjpxynyajxpëtëjkëty mëti'ipë ojts y'ëna'antën ko ka'ap yë Babilonyë yajkutujkpë tnitëkëja'any ya'atë kajpn?