2 Reyes 3:11 - Biblia Dc en Mixe de Quetzaltepec

¹¹ Tä Josafat tyajtëëy: ¿Yaa ka'ap maa ja'ay mëti'ipë Wintsën myëtuunpyënë, tääts jeexyë yë'ë nyajtë'ëwëm tii tunan jatanëp? Tääts ojts tu'uk ja ja'ay y'ëtsoy, yë'ë yajkutujkpë ja tsyiptuunpë wintsën: Tyaa yë Elisejë, yë myaank yë Safat, mëti'ipë ijty mëët jyëtityën yë Elías.

Biblia Mixe de Quetzaltepec

¹¹ Tä Josafat tyajtëëy: ¿Yaa ka'ap maa ja'ay mëti'ipë Wintsën myëtuunpyënë, tääts jeexyë yë'ë nyajtë'ëwëm tii tunan jatanëp? Tääts ojts tu'uk ja ja'ay y'ëtsoy, yë'ë yajkutujkpë ja tsyiptuunpë wintsën: Tyaa yë Elisejë, yë myaank yë Safat, mëti'ipë ijty mëët jyëtityën yë Elías.

2 Reyes 3:11 ပူးပေါင်းရင်းမြစ်များ

Génesis 18:4

Tyamës nëjkx yë nëë nyajtsoony ets mkë'ëpuj mtekpyujtëty. Tääts wäänë mwinpo'kxnaxtëty yaa kepypya'tkë'ëy ma nyiktuuyëtyën.

1 Reyes 19:21

Tä ja Elisejë ojts tpuwa'ktu'uty ja Elías ets ojts nyijkxy, ojts mäjtsk tsajpkaa tyaj'ooky ets jëën tyajmëjjëy mëët ja kepy mëti'ipë ënety yajtuumpyën ma ja tsajpkaa tyajyu'uyën; jamts tsaay ja tsu'utsy, tä tyajkaay tyaj'uky ja mayjyä'äy. Ko jëtu'un tyajkaaytyääy tyaj'uktaay ja ja'ay tä ojts tpanëjkxy ja Elías ets yë'ë tmëtuna'any.

1 Reyes 22:7

E ja Josafat ojts tyajtëy: ¿Ti këtii yaa maa tu'ukën yë Wintsën yë myëtuunpë mëti'ipë jeexyë näjyëtu'un nyajtë'ëwëmë?

2 Reyes 2:25

Jam ja Elisejë tsyo'ony ets ojts nyijkxy ma ja Carmel kopkën, jam jatëkok tsyo'ony ets wyimpijnë Samaria.

2 Reyes 3:10

Ënet ja Israel yajkutujkpë y'ënäny: Aa tëëtëm ënät ja Wintsën xytyuknimi'inëm kanaak yajkutujkpë ets tëkëëk të tim yajminy, tä ënät ja Moab ja'ayëty yë'ë ëxëëk xytyu'unmëty ets xymyëmëtakmëty.

2 Reyes 3:12

Yë'ë jyëkyejpy xytyuk'ëwa'anëmëty wi'ix ja Wintsën y'ënä'änyën, jëtu'un y'ëtsooy ja Josafat. Ënet ja Israel yajkutujkpë mëët yë Josafat ets Edom tsyo'ontë ënätyë ets ojts tninëjkxtë ja Elisejë;

2 Reyes 3:3

E jëtu'un tjatuuny, yë'ë poky ojts tuuntëkoy mëti'ipë tyuunën yë Jeroboam, yë myaank yë Nabat, mëti'ipë mëët tyajpokytyuunyën ja Israel ja'ayëty.

1 Crónicas 10:13

Jëtu'un ojts ja Saúl y'ooky tyëkoy, mëët ko ënety ka'ap oy winë të tuny, jä'ä ko myëtëjkëy ja poky, mëët ko tkamëmëtooy ja Wintsën ja y'ënä'ämën tyiyajtën ets mëët ko ojts ja najtsja'apë winë tyajtëëwnë

1 Crónicas 14:10

Ja David ojts ja Wintsën jëyëjp tyajtëy pën oy'ajtp twinkuwa'akëty ja myëtsip, jëtu'un y'ënäny: ¿Oy'atëp koos yë filistejë ja'ayëty mëët ntsiptuntëtyë, xyajmëta'akëpësë jëtääjë? Tä ja Wintsën y'ëtsoowë: Jëjpkuwa'akë, tyam nyajmëta'akëty.

1 Crónicas 14:14

Tä ja David tyajtëëy ja Dios, ets ja Dios y'ëtsoowë: Këtii xywyinkuwa'akëty wintuuytsyow, jëxkë'ptsow nëjkx xynya'ëwtity ets jëtu'un xymyëmëta'akëty, jää xynyipëtë'ëkëty ko ënety jam të mja'ty ma ja kepyjyotën.

1 Crónicas 15:13

jä'ä ko ojts tëkok jyayajmëtsoona'any, ka'ap myiitsëty xymyëtso'ontë, paaty yowë ojts yë Wintsën jyoot'anpëky ets ojts ja nmëku'uk'ajtëm y'o'knëtë jä'ä ko ka'ap ojts jëyëjp ja Wintsën yaj'amëtoy wi'ix yajtunëtyën.

2 Crónicas 18:6

Tä ja Josafat tyajtëëy: ¿Wi'ix ka'ap ma wiinkpë ja'aynyë mëti'ipë myëtuumpyën yë Wintsënë, mëti'ipë jeexyë näjyëtu'un nyajtë'ëwëmë?

Salmos 74:9

Ka'ap maa tii n'ëk'ijxnëtës ja mëti'ipë kënu'kxyën, ka'ap ma pën käjpxynyajxpënë mëti'ipë nyikajpxëpën tii ja Dios tyunäämpyën, ets ka'ap ëëtsëty nijawëtë mapaat jëtu'un y'ita'any.

Jeremias 37:17

Yë Sedequías yajkutujkpë ojts tni'ënä'ämë ets Jeremías yajmënëjkxëty jam ma kutujkëntëjkën. Ko jam jyä'äjty ma ja yajkutujkpën, ënät ame'tsyë yajtëëwë: ¿Jam tii ayuk xymyëëtëtyë mëti'ipë Wintsën të mmo'oyënë? Ets ja Jeremías y'ëtsooy: Tyapës ayuk nmëëtëty ets jëtu'unës yë Wintsën të xy'ënëëmë: Mijts jam myajkë'ëyaka'any ma Babilonyë yajkutujkpën.

Amós 3:7

Yë Wintsën ka'ap tii tuny ajotkumonë pën ka'ap jëyëjp të tuk'ëwaanë yë tyuunpë mëti'ipë käjpxynyajxpën.

Filipenses 2:22

E tëë xynyijawëtë wi'ix ja Timoteo oytyunyën ets wi'ixës ja Dios ja y'aaw y'ayuk oy mëët të nkajpxwä'kxyën; jëtu'un të xypyutëkë ijxtëmës jeexyë yë'ë nmaankëtyën.

1 Timoteo 5:10

Yajnija'awëp ko oy ënety winë tuny, pën tëë ja y'u'unk y'ëna'k tsuj tyajyeeky, pën tëë ja ja'ay oy tsuj tyajja'ty ma tyëjkën, pën tëë ja mëpëjkpëtëjk ja tyeky tpujë, pën tëë tputëkë mëti'ipë ëyo'onpatëpën. Ets pën tëë winë oy tuny.

Josue 1:1

Ko yë Moisés y'o'ky mëti'ipë yë Wintsën oy myëtuunën, ënät yë Wintsën ojts tmëkäjpxy yë Josué, Nun yë myaank, Moisés yë pyutëjkëpë ets t'ënëmaay:

Josue 9:14

Ja Israel ja'ayëty ojts tjanty y'ixtë ja jyi'kxy pyikyëty ja Gabaón ja'ayëty mëti'ipë myëmiintën ko janty jëtu'un ënety tä y'ëna'antën, ja Wintsën ka'ap ojts jëyëjp tyajtëwtë.

Jueces 20:18

Tä yë Israel ja'ayëty jam tsyo'ontë ets ojts nyëjkxtë jam Betel, yë'ë nyijawëjantë pën ja Dios ënety wyin'ijxyp ets tnitëkëty ja Benjamín ja'ayëty. Yë Wintsën yë'ë wyin'ijx yë Judá ja'ayëty ets tsyiptunëty mëët ja Benjamín ja'ayëty.