2 Reyes 25:9 - Biblia Dc en Mixe de Quetzaltepec

⁹ ets tjëën ixko'onëtyë ja tsajptëjk, ja akujktëjk ets tëkokyë ja jëën tëjk mëti'ipë ënety jam kajpnjotm yajpatëpën; jä'ä nyino'ktë jëyëjp ja tyëjkëty ja wintsëntëjkëty,

Biblia Mixe de Quetzaltepec

⁹ ets tjëën ixko'onëtyë ja tsajptëjk, ja akujktëjk ets tëkokyë ja jëën tëjk mëti'ipë ënäty jam kajpnjotm yajpatëpën; jä'ä nyino'ktë jëyëjp ja tyëjkëty ja wintsëntëjkëty,

2 Reyes 25:9 ပူးပေါင်းရင်းမြစ်များ

Amós 2:5

Paatykyëjxmës nyajnitooytya'aja'any yë Judá kajpn ets tääpë jëën yë'ë nyo'okäämpy yë kutujkëntëjk mëti'ipë jamën Jerusalén.

Miqueas 3:12

E paatykyëjxm, mëët ko miitsëty ka'ap tii oy xytyuntë, yë Jerusalén kajpn, mëti'ipë yajtijpën Sión kopk, jëtu'un jyata'any tä ja'ay yë kyam tnëëtu'utajta'ayën ets xit ko'ow jyata'any ets ja Sión kopk nëjkx wyinyo'onëtyä'äy, ujtsjoty nëjkx y'awinpity.

Salmos 79:1

Mijts Dios, yë ja'ayëty mëti'ipë y'ëwtajtëpën ka'apë tiosëtyën, tëë tniwa'kta'atë tëkokyë mëti'ipë mijts mjä'ä'ajtypyën, tëë tyajma'ta'atë yë mtsajptëjk ets xit ko'ow të tuunta'atë yë Jerusalén kajpn.

2 Crónicas 36:19

Ojts tno'oktë ja tsajptëjk, nyajijtutaaytyë ja Jerusalén kajpn ets tjëën ixkä'tsëtyë ja akujktëjk.

1 Reyes 9:8

E ya'atë tsajptëjk xit ko'ow nëjkx jyajta'ay, tëkokyë ja ja'ayëty mëti'ipë ënety jam najxtëpën ko t'ijxtëty je'eyë kuyjaam kyo'ownaaynyë ma ja tsajptëjkën, tääts nëjkx je'eyë tjaaknimon tjaaknituktë ets nyäyajtëwëtëty: ¿Wi'ixën ko yë Wintsën yë naax kajpn jëtu'un të tuny ets tsajptëjk xit ko'ow të jyajtaaynyë?

Jeremias 52:13

ets tno'ktëkooy ja tsajptëjk ets ja kutujkëntëjk ets ja jëën tëjk jampë kajpnjotm yajpaatyën, yë'ë ni'ik ja wintsëntëjkëty ja jyëën tyëjkëty mëti'ipë ënety mëj'äämpy të y'itën;

Jeremias 37:10

Oy jeexyë miitsëty mjatimmyëtaktëpë ets jeexyë Caldeo ja'ayëty may xyjyayaj'o'ktëpë, ja mëti'ipë wë'ëmtëpën juuky, mëti'ipë je'eyë tsëtyujtëpën jam tsipjotm, yë'ë pëtë'ëkantëp ets ëxëëk mtuna'anëtë ets tjëënmo'oja'antë ja naax kajpn.

Jeremias 37:8

Ja Caldeo ja'ayëty nyitëkëjantëp ja Jerusalén kajpn ets tjëënmo'oja'antë ets tyajtooytyëkoya'antë.

Jeremias 34:22

Ntuk'ënä'ämäämpyës ets jatëkok tnitëkëtëty ya'atë naax kajpn ets tjëënmo'otëty. Ets ëjts kë'ëm ntuknipëjktaakëjäämpy ets Judá kajpn y'awinpitëty aanë'ëk tëëtsë'ëk ma nitu'uk ja'ay jam kyatsëënëtyën. Ëjts Wintsën, ëjts ënaanp.

Lamentaciones 2:7

Ka'ap të tkupëky yë wintsë'këntyakn, ka'ap të tkupëky yë tsajptëjk; yë mëtsip të tukkë'ëtëjkëtyä'äy yë potsy mëti'ipë ijty nyapots'ajtypyën yë naax kajpn. Jëtu'un jap tsajptëkoty ja'ay yaxnëtë jyojknëtë tä jeexyë jap xyëëwtuntën.

Lamentaciones 1:10

Tëë yë mëtsip tjä'äpëjkta'ay mëti'ipë Jerusalén jyä'ä'ajtypyën. Ojts yë naax kajpn t'ixy wi'ix kyajpntëjkëtyë yë ja'ayëty mëti'ipë wiink tios y'ëwtajtëpën, ja ja'ay mëti'ipë mnikajpxën ets ka'ap nijëna'a jap tyëkëtëty ma mjëën mtëjkën ma nätyu'ukmukë y'ityën.

Jeremias 39:8

Yë Caldeo ja'ayëty ojts tjëënmo'otë ja kutujkëntëjk ets ja ja'ay ja jyëën tyëjkëty mëti'ipë jamën kajpnjotm, ojts tjijtë'kta'atë ja potsy mëti'ipë ja Jerusalén kajpn nyapots'ajtypyën.

Jeremias 26:9

¿Ma jëtu'unpë winma'any xypyiky ko m'ëna'any ko ya'atë tsajptëjk mëti'ipë Wintsën tyëjk'ajtypyën jëtu'un jyata'any tä jyäjtyën jam Siló ets ko m'ëna'any ko ya'atë naax kajpn kyutëkoyä'äny ets tukwa'ats wyë'ëma'any ets ko ka'ap yaa pën tsyëënëja'any? Tä ja mayjyä'äy myujkpejty ets ojts tyajnatuktë ja Jeremías.

Jeremias 7:14

Paatykyëjxm, näjyëtu'un tä ntuunyën ja Siloé tsajptëjk, jëtu'unës ntuna'any ya'atë tsajptëjk mëti'ipës të nyajtuknipëjktaakën, miits ojts njamo'otë ets m'ap m'okëty, mëti'ipë miitsëty mtuk'ijxpäjtëpën.

Jeremias 17:27

E pën miitsëty ka'ap mja'akyukëtë ets ka'ap xypyatuntë ja n'ënä'ämënës ets po'kxënxëëw ka'ap xypyo'kxtë. Pën mënajxtëp ja tsëmy kë'ëy, ja juy tooky jam ma ja tëjkëtyaknën, ma ja naax kajpn yajnitëkën, ëjts njëënmo'ojäämpyës tääpë naax kajpn, nyajnitooyäämpyës yë Jerusalén yë tyëjk aaw ets ko ënety jëtu'un ntunyës, ni pën nëjkx kyamayë tyajpi'itsëty ja jëën.

Jeremias 41:5

ënät jyajtë nimajkta'px yë ja'ay. Jam tsyoontë Siquem, Siló ets Samaria. Tëë je'eyë nyäy'awaayjyäjpta'ajëtë, këëts këëts ja wyit mëti'ipë myëmiintëpën ets tëë ja jyot nyini'kx tyajtsëtyujta'atë. Tam tmëmintë yë aaypyajk ujtspajk ets poom mëti'ipë tyukwintsë'ëkëjantëpën ja Wintsën.

Ezequiel 16:41

Nëjkxëp yajjëën'ixkonë ja mtëjk ets nëjkx mnitukë ma ënety jam may ja to'oxytyëjk të nyiye'eypyätën. Nyajkutëkoyäämpyës jëtu'unpë ja mtuunk ets ka'ap nëjkx xy'ëkpatnë ja ye'etyëjk mëti'ipë mëjuyëpën ets mëëtko'knëtëty.

Amós 6:11

Jä'ä ko ja Dios kyäxäämpy ja nätyiytyunë ma ja jëën tëjkën mëjatyëtypë ets mutskjatyëtypë ets nëjkx jyajta'ay axit ako'owë.

1 Reyes 9:7

ëjts nëjkxëpës n'ëxwojpta'atë ja Israel ja'ayëty ma ja nyaax kyajpnëtyën mëti'ipës ënety të njamo'otën. Ya'atë ja tsajptëjk mëti'ipës tyam të nkënu'kxyën nän nëjkxëpës nja'atyëkooynyë ets njo'tsnë ja nxëëwës ma yë'ëjën ets ja naax kajpn wiinkëtypë je'eyë nëjkx nëëxik tukxiknëtë ja Israel kajpn, kajpxpäjn nëjkx je'eyë twanëtë.

Esdras 5:12

Näyjyëtu'un të nikajpxtë ko ojts ja y'ap y'okëty ja Tyios tyajjoot'anpëktë mëjwiin këjää, paaty ojts kyë'ëyakëtë ma ja yajkutujkpën Nabucodonosor jampë Babilonyë yajkutukyën, ma Caldeo ja'ayëtyën; e yë'ëts ojts tjijtë'ëky ya'atë tsajptëjk ets ja mayjyä'äy yaj'ëxwojptaay.

Isaías 64:9

Wintsën, këtii janty nëkooyë mtimjyoot'anpëky ets xëmë xytyimja'amyetsy ëëts ja ntuuntëko'oy nkajpxtëko'oyënëty. Ëk'ix, ëëts mijts xykyajpn'ajtëp.

Jeremias 34:2

Ëjts, mëti'ipë Wintsën'ajtpën, mëti'ipë yë Israel ja'ayëty Tyios'ajtëpën, mijts ntuknipëjkpy ets nëjkx xy'ënëëmë yë Sedequías yajkutujkpë, mëti'ipë jam Judá ënä'ämpën: Jëtu'un yë Wintsën y'ënä'äny: Ëjts nyajkutukäämpy ets Babilonyë yajkutujkpë myinëty ma mnaax mkajpnën ets tjëënmo'ojëty yë mkajpn.

Lamentaciones 5:18

Yë Sión kopk tsaanipiyën je'eyë kyëxë'knë; yë wax je'eyë najxnëtëp tëjkënëtëp.

Ezequiel 10:2

Ets ja Wintsën t'ënëmaay ja ja'ay linë wit mëëtpë: Tëkë jap ma kepy wintëkäämpë ye'eypyäjnën, mëti'ipë tyuktënaaytyëpën yë tsajpjotmëtë kukäjpxy ets xynyu'kpëtsëmëty yë jëënpajk mëti'ipë itkujky yajpatpën ma tsajpjotmëtë kukexyën ets xywëjtëwëty jam kajpnjotm.