2 Reyes 25:6 - Biblia Dc en Mixe de Quetzaltepec

⁶ Ja caldeo ja'ayëty ojts tmatstë ja yajkutujkpë Sedequías ets ojts tukninëjkxtë ja yajkutujkpë jampë tyunyën Babilonyë, jam ënety yajpaaty Riblá, ma ja Hamat nyaaxjotmën. Jam ja Nabucodonosor tyajnitujkëy ja Sedequías,

Biblia Mixe de Quetzaltepec

⁶ Ja caldeo ja'ayëty ojts tmatstë ja yajkutujkpë Sedequías ets ojts tukninëjkxtë ja yajkutujkpë jampë tyunyën Babilonyë, jam ënäty yajpaaty Riblá, ma ja Hamat nyaaxjotmën. Jam ja Nabucodonosor tyajnitujkëy ja Sedequías,

2 Reyes 25:6 ပူးပေါင်းရင်းမြစ်များ

2 Reyes 23:33

Ja yajkutujkpë Necao, ja Egiptë ja'ay, ojts tsum yaj'ityë jam Riblá, ma ja y'itjotmën ja Hamat; këtiipë jam yë'ë yajkutukëty Jerusalén ets tukupëjky atsip ja naax kajpn ets tyaktëty ja këpäjtën; tëkëëk mil ja tëkëëk mëko'px tsim ja poop pujxn ets i'px majktëkëëk tsim ja pu'ts pujxn.

Jeremias 52:9

Ja Caldeo ja'ayëty ojts tmatstë ja Sedequías yajkutujkpë ets ojts tmënëjkxtë ma ja Babilonyë yajkutujkpën, jam ënety yajpaaty Riplá, ma Hamat nyaaxjotmën. Jam yë Nabucodonosor ni'ënä'ämëy yë Sedequías,

Jeremias 38:23

Ets Jeremías tjaakënëmaay yë yajkutujkpë: Tëkokyë yë to'oxytyëjktëjkëty ets yajkutujkpë yë y'u'unk y'ëna'k, yë'ë nëjkx yajkë'ëmo'otë yë Caldeo ja'ayëty; mijts yajkutujkpë ka'ap nëjkx mmayë mkä'äkëty, nëjkxëp myajkë'ëyäky ma ja Babilonyë yajkutujkpën ets nëjkxëp yë Jerusalén kajpn tno'oktë.

Jeremias 32:4

ets Sedequías yajkutujkpë ka'ap nëjkx myäyë tkukä'äkëty yë caldeo ja'ay, nëjkxëp yë Babilonyë yajkutujkpë myätsyë ets kwanë nëjkx twinkuwa'akë.

Jeremias 21:7

Yë Sedequías, mëti'ipë jam Judá yajkutujkpën mëët yë tyuunpëtëjk ets jyä'äy, ok nkë'ëyaka'antës ma Nabucodonosor yajkutujkpën; mëti'ipë ënety juuky të wyë'ëmtën, yuu ets pa'am ëyo'on nëjkx yaj'ookëtë ets tam mëti'ipë kupuxy ookaanpën, nijënu'un nëjkx kyayajpa'ëyowtë. Ëjts Wintsën, ëjts ënaanp.

2 Crónicas 33:11

Paatykyëjxm yë Wintsën tyukniwoowpäjtëtë ja Asiria ja'ayëty ets tmajtstë ja Manasés ets tsumy xoty ojts tyajnëjkxtë jam Babilonyë, mëët pujxntejpxy.

2 Reyes 25:5

E ja tsiptuunpëtëjkëty, ja Caldeo ja'ayëty ojts tpapo'otë ja yajkutujkpë Sedequías ets jam naspatëtyë ma ja jyoyjotmën ja Jericó. Ja tsyiptuunpë jëtu'unyë nyikäktaayë ja jyä'äy.

Jeremias 34:3

Mijts ka'ap nëjkx tjëkyepy mkä'äkëty; nëjkxëp myajmatsy ets nëjkx jam myajkë'ëyäky, nëjkxëp myajmënëjkxy tsumy matsy jam Babilonyë.