2 Reyes 25:4 - Biblia Dc en Mixe de Quetzaltepec

⁴ Ënet jam potsy'ëjxm tu'uk t'oytyuuntë ja najxtakn, ja caldeo ja'ayëty oy jap kajpnpë'ajp jyakëwent'atë, ka'ap t'ijxtë ko ja yajkutujkpë kyeky mëët ja tsyiptuunpëtëjkëty, tsu'umkujk kyäktë. Jamtsow ojts kyäkpëtsëmtë potsy'akujkm ma ja tëjk'aawën mëti'ipë ënety ja Nabucodonosor ja jyä'äy këwent'ajtëpën ets tpëjktë ja tu'u mëti'ipë jam najxpën ma ja pëjykyamën mëti'ipë ja yajkutujkpë jyä'ä'ajtypyën; jamtsow jyënajkë'ktë ma ja Jordán nëë yajninëjkxyën.

Biblia Mixe de Quetzaltepec

⁴ Ënät jam potsy'ëjxm tu'uk t'oytyuuntë ja najxtakn, ja caldeo ja'ayëty oy jap kajpnpë'ajp jyakëwent'atë, ka'ap t'ijxtë ko ja yajkutujkpë kyeky mëët ja tsyiptuunpëtëjkëty, tsu'umkujk kyäktë. Jamtsow ojts kyäkpëtsëmtë potsy'akujkm ma ja tëjk'aawën mëti'ipë ënäty ja Nabucodonosor ja jyä'äy këwent'ajtëpën ets tpëjktë ja tu'u mëti'ipë jam najxpën ma ja pëjykyamën mëti'ipë ja yajkutujkpë jyä'ä'ajtypyën; jamtsow jyënajkë'ktë ma ja Jordán nëë yajninëjkxyën.

2 Reyes 25:4 ပူးပေါင်းရင်းမြစ်များ

2 Reyes 25:5

E ja tsiptuunpëtëjkëty, ja Caldeo ja'ayëty ojts tpapo'otë ja yajkutujkpë Sedequías ets jam naspatëtyë ma ja jyoyjotmën ja Jericó. Ja tsyiptuunpë jëtu'unyë nyikäktaayë ja jyä'äy.

2 Crónicas 32:5

Ezequías ni'ikyë jyotmëkpëjky ets tnakojtaay ja nyaax kyajpn mëët mëjëtypë potsy, ojts mëjpotsy tkojy këjxmëtypë ma ja naax kajpn yajkëwent'atëtyën. Ojts yajxon tyajta'tspëky ja David ja nyaax kyajpn ets t'oytyuuny oyëtypë ti'pxn ets ku'umën.

Nehemías 3:15

Salum, myaank yë Colhoze, mëti'ipë jam yajkutujkpën Mizpá, yë'ë ojts tyaj'oyë ja tëjk'aaw ma jam ja nëë'awookën: Ojts yajxon tnikojy ets tkukëëy tkupëjky, yaj'o'oyëtyääy ja nyitëjk'aaw mëët ja nyipujxn nyikepy mëti'ipë mëët yajxon y'ëtukëtyën, ojts näjyëtu'un tkoj oyë ja nëë'apojtsë'ëky mëti'ipë tyijtëpën Siloé jampë winkon yajpaatyën ma ja ujtskamën mëti'ipë ja yajkutujkpë jyä'ä'ajtypyën, jampaat tyajajty ma ja tu'u jam yajnijënajkë'ëkyën ets kyëtä'äky ma ja David ja kyajpnën.

Isaías 22:11

Poty itkujky ojts xypyotstë ja nëë apëjkën ma xyajnipäta'antën ja nëë, je'eyëp ko ka'ap ojts xynyijawëtë pën ënety jëtu'un tëëyëp të tuknipëjktaakë.

Isaías 22:3

ja mwintsëntëjk mëti'ipë ja tsip ijty nyikopk'ajtëpën, ni'ikyë ojts kyäknëtë pyujnëtë; ko të kyä'äktë ni'ikyë të twinkukääkëtë ja myëtsipëty ets yajtsuum yajmajtstë. Ja mjotmëktëjk oy nëkooyë jyakäk jyapujtë je'eyëm ojts yajmatstë ets yajtsuumtë.

Jeremias 32:4

ets Sedequías yajkutujkpë ka'ap nëjkx myäyë tkukä'äkëty yë caldeo ja'ay, nëjkxëp yë Babilonyë yajkutujkpë myätsyë ets kwanë nëjkx twinkuwa'akë.

Jeremias 34:3

Mijts ka'ap nëjkx tjëkyepy mkä'äkëty; nëjkxëp myajmatsy ets nëjkx jam myajkë'ëyäky, nëjkxëp myajmënëjkxy tsumy matsy jam Babilonyë.

Jeremias 38:18

E pën mijts ka'ap mnäkyë'ëyäkyë ma Caldeo ja'ayëtyën, yë'ëjëty jyëënmo'ojantëp ya'atë kajpn ets nëjkx wyintooykyëtä'äky, e mijts ka'ap nëjkx tii mëk'ajtën xy'ëkmëët'ajnë wi'ix mkä'äkëtyën.

Jeremias 4:17

Jëtu'un yë Judá nyatuka'any tä ja'ay kam tkëwent'atyën, mëët ko tëëjës xykyäjpxy kyumëtoownaxy. Ëjts Wintsën, ëjts ënaanp.

Jeremias 4:29

Jëtu'unyë ja'ay kyäkpëtsëëmta'atë ko tmëtowtë ja mëtsip myiny kwaaykyijxy ets aakmëët ja tyi'pxnëty; jam ujtsjotm kyukäkëtya'atë ets mëti'ipë jam tsaatunkëjxm. Tëë ja naax kajpn tukpëyë'ktuta'atë; ka'ap jam pën y'ëktsënaaynyë.

Jeremias 44:30

Nkë'ëyakäämpyës yë Hofra, Egiptë yajkutujkpë, ma myëtsipën mëti'ipë ëxëëk tsë'ëkën, jëtu'un ijxtëmës nkë'ëyäjkyën ja Sedequías, Judá yajkutujkpë, ma ja myëtsipën Nabucodonosor, Babilonyë yajkutujkpë mëti'ipë ënety ëxëëk tsë'ëkën.

Jeremias 5:10

Wä'än yë myëtsip tëkëtë ets wä'än naxmëtäänëtë yë tsatymyon oy tkatimyajkutëkoytyëty. Wä'än tnëtëjta'atë yë xye'enty, jä'ä ko ka'ap y'ëjtsëty n'ëkjä'ä'ajnë.

Lamentaciones 1:3

Ëyoop mëtuunp Judá tyam, tsumy matsy yajpaaty wiink naax wiink kajpn. Mëti'ipë ijty naax kajpn y'ëne'empyën, tyam ka'ap pyo'kxy. Mëti'ipë të yajpapo'oyën tëë yajnajtspaatë ma y'axu'utstëkën.

Lamentaciones 1:6

Tëë tyëkooytyä'äy ja y'oy'ijxën ja Sión kajpn; yë wyintsëntëjk jëtu'un tyam jyëtitë tä jëtsyu'ujën mëti'ipë jë'kxy'ixtaaytyëpën; je'eyë tyeky tjaak winpajëxoxtë ko tkukä'äktë mëti'ipë matsanëpën.

Ezequiel 12:12

Ja ja'ay mëti'ipë yaj'ënä'ämtëpën kopkpëky ko nëjkx nyätyukejkyjyëpipëty yë tyim kyi'iy ets koots tsu'um nëjkx jam nyäxy potsyjutjoty ma ënety jam ja ja'ay të t'atajtu'utën. Winkupä'änë nëjkx tsyoony këtiipë pën y'ixëtëty ets näjyëtu'un yë'ë këtiipë ja naax kajpn t'ixëty.

Ezequiel 12:14

Taxkpëky nëjkx jëtu'unyë nyajkääkwä'kxyës ja këwent'ajtpëtëjkëty mëti'ipë ënety kuwanëpën ets näjyëtu'un nëjkx jyatë wiinkëtypë tsyiptuunpëtëjk, mëët yë tëypyujxn nkë'ëkëjxmës n'ixjëtita'an mpajëtita'antës.

Ezequiel 12:4

Xëëny ets ijxnë kä'äxnë jap xyajpëtsëmëty winë ma mjëën mtëjkën jëtu'un tä ja'ay tsumy matsy yajmënëjkxa'anyën wiink naax wiink kajpn; näjyëtu'un ënät jënäkyxyëëw mtsoonëty tä yajmënëjkxyën yë ja'ay tsumy matsy wiink naax wiink kajpn.

Ezequiel 33:21

Ma myëkoxk anyën ja mëmajkpo'opë, ma majkmäjtsk jëmëjt kyä'pxyën ma ënety tsumy matsy të nyajmënëjkxëmën wiink naax wiink kajpn, jääjës tu'uk yë ja'ay xynyimiiny jam tsyoony Jerusalén ets xytyukmëmëtyäkyës ko tëë ënety ja mëtsip tnitëkë ja naax kajpn.

Zacarías 8:19

Ko ja ayuu'ajtën y'itëty ma ja mëmajktaxk po'opën, mëmëkoxk po'opën, mëwëxtujk po'opën ets ja mëmajkpo'opë, jä'ä nëjkx y'awinpity tu'uk xoontakën, tu'uk yë xëëw ma y'itëtyën ja jotkujk'ajtën ets xyi'iktëty y'ëwë'ëktëty ja Judá ja'ayëty. Miitsëty yë'ë mtsoktëp mjawëtëp yë mëtëypyë ets jotkujk'ajtën.

Deuteronomio 28:25

ets mnakëty. Ko ja mëtsip xyanitsoonëty, je'eyë xywyinku'ixëty ko nimay mniminyë, tääts poj'am mkä'äkëty, mijts ko ënety ëxëëk'o'ktëy mjajnë mkëpäjnë, yë'ë nëjkx ja wiink naax wiink kajpn xytyuk'atsë'ëk xytyuk'ajawë.

Deuteronomio 32:30

Tu'uk je'eyë ja myëtsip mëti'ipë nitu'kmil yajkekpyën ja myëtsip. ¿Wi'ix jëtää ko jyëtu'unëty? E ja mäjtskpë ja myëtsip majk mil tyajke'eky. ¿Näy wi'ix ko jyëtu'unëty? E ¿tiikyëjxm ko jëtu'un jyajnëtë kyëpäjnëtë? Yë'ë ko Wintsën jëtu'un të tuknipëjktaakë, mëti'ipë ijty këwent'ajtëtëpën. E tyam jä'ä ko tëë y'ëxmajtsënëtë, paaty o'ktëy jyajnëtë kyëpäjnëtë ma ja myëtsipëtyën.