2 Reyes 25:3 - Biblia Dc en Mixe de Quetzaltepec

³ Ma tyaxtujk anyën ja mëmajktaxk po'opë, tääpë jëmëjt, ni'ik ojts ja yuu xëëw myëktaknë jam kajpnjotm, ja ja'ayëty ka'ap t'ëkmëët'ajnëtë tii jyë'kxtëp pyëktëpën.

Biblia Mixe de Quetzaltepec

³ Ma tyaxtujk anyën ja mëmajktaxk po'opë, tääpë jëmëjt, ni'ik ojts ja yuu xëëw myëktaknë jam kajpnjotm, ja ja'ayëty ka'ap t'ëkmëët'ajnëtë tii jyë'kxtëp pyëktëpën.

2 Reyes 25:3 ပူးပေါင်းရင်းမြစ်များ

Ezequiel 14:21

Ëjts Wintsën, jëtu'unës n'ëna'any: Ni'ik o'ktëy nëjkx yë Jerusalén kajpn jyäty kyëpety koos ntuknikäxëty ja majktaxkpë ëyo'on: Tsip, yuu, jëyujk ets pa'am ets y'ooktëty ja ye'etyëjk to'oxytyëjk ets jëyujkpaat.

Ezequiel 7:15

Jap tëja'p tsip jap tuunëp, tëkoty yuu pa'am jap. Mëti'ipë kajpnjoty yajpatëpën tsipjoty y'ooka'antë, e mëti'ipë kamjoty yajpatëpën yuu xëëw, yuu pa'am yaj'ookanëtëp.

Ezequiel 5:12

Tu'kpëky ma ja tëkëëk pëkpyën, yuu xëëwës ntukyaj'ookäämpy ets pa'am ëyo'on ets ja mëmäjtskpëkpyë nëjkxëp yë myëtsip yaj'ookëtë mëti'ipë ënety të yajnatukyën, e ja mëtëkëëk pëkpyë jëtu'unyës nwojpwa'xta'aja'antë naaxwiinyëtë apëtsëmy. Etsës mpapo'oja'antë mëët yë tëypyujxn nkë'ëkëjxmës.

Jeremias 52:6

Ma taxtujk y'änyën, ja mëmajktaxk po'opë, jää ojts ja ja'ay mëk tja'awënëtë ja yuu nëëtëëtsë jap kajpnjoty, ka'ap maa tiinë tii ja'ay jyë'kxtëpën.

Jeremias 38:2

Jëtu'un yë Wintsën y'ënä'äny: Mëti'ipë wë'ëmtëpën kajpnjoty, yë'ë nëjkx yaj'ookëtë jëën tsip, yuu xëëw ets pa'am ëyo'on. E mëti'ipë näkyë'ëyajkëtëpën ma Caldeo ja'ayëtyën, tämyëm jyaakwë'ëmtëty juuky.

Zacarías 8:19

Ko ja ayuu'ajtën y'itëty ma ja mëmajktaxk po'opën, mëmëkoxk po'opën, mëwëxtujk po'opën ets ja mëmajkpo'opë, jä'ä nëjkx y'awinpity tu'uk xoontakën, tu'uk yë xëëw ma y'itëtyën ja jotkujk'ajtën ets xyi'iktëty y'ëwë'ëktëty ja Judá ja'ayëty. Miitsëty yë'ë mtsoktëp mjawëtëp yë mëtëypyë ets jotkujk'ajtën.

Ezequiel 5:10

Ma miitsëtyën nëjkxëp yë taak teety yë y'u'unk y'ëna'k tsu'utstë, yë u'unk ëna'k nëjkxëp yë tyaak tyeety tsu'utstë. Ntukumëtowäämpy yë mpoky ets mëti'ipë juuky jaakwë'ëmtëpën taxkpëkyës nyajye'eywya'kxa'any.

Jeremias 39:2

Ma tyaxtujk anyën ja taxk po'opë, ma mëmajktu'uk jëmëjtpë tyu'uye'eyën, ma ënety yajkutukyën yë Sedequías, jää ojts tyëkë ja mëtsip jam ma Jerusalén kajpnën,

Jeremias 37:21

Ënet ja Sedequías yajkutujkpë ojts tni'ënä'ämë ets ja Jeremías jam tsumy y'itëty ma ja këwent'ajtpë y'itën ets tmo'otëty ja kyääky winjëpom, mëti'ipë tso'onpën ma yajtijyën Tu'u Jot Ma Ja Tsajpkääky Kyojyën. Jäpaat jyëtu'un'ajty mapaat jyaak jam'ajtyën ja kääky uuky jam Jerusalén. Yë Jeremías jam ojts y'ity tsumy matsy ma ja këwent'ajtpë y'itën.

2 Reyes 6:24

Ko jëtu'un y'ëkkëjxy y'ëknajxy, ja Ben-adad, jampë yajkutukyën Sirië, ënät tyajmujktaay nitëkokyë ja tsyiptuunpëtëjk ets tyajnatujktë ja Samaria kajpn.

2 Reyes 6:25

Jä'ä jëmëjt ojts jam y'ity tu'uk mëk yuu Samaria, jä'ä ko ja ja'ayëty ojts ja naax kajpn tyajnatujkta'atë, ojts jap tu'uk ja krukts tsyoowpatnë tëkë'px aakyë'ë poop pujxn meeny ets ojts näjyëtu'un jap tjuuynyëtë yë pak të'ëny mëti'ipë ojts tsyoowpatnën mëkoxk aak poop pujxn meeny.

2 Reyes 25:2

Ja naax kajpn jëtu'un ojts y'ity natuky, jäpaat ma myajktu'uk jëmëjtpetyën ma ja Sedequías yajkutujktsoonyën.

Isaías 3:1

Ja'aykyukëtë yajxon. Yë Wintsën jyëpëjkäämpy, ja ka'ayën ukën jam Judá ets jam Jerusalén, näjyëtu'un ja nëë tuu ets tëkokyë ja jë'kxy pëky.

Jeremias 19:9

Ëjts nyajkutukäämpy ets ja ja'ay tsu'utstëty ja kyë'ëm u'unk kyë'ëm ëna'k, ye'etyëjkpë to'oxytyëjkpë; nixim niyam nëjkx nyätsyu'tsënëtë ko ënety o'ktëy jyajnëtë ets kyëjxtaaynyë ja jë'kxy pëky mëët ko ja myëtsip të yajnatukëtë.