2 Reyes 24:8 - Biblia Dc en Mixe de Quetzaltepec

⁸ Joaquín jä'ä ënety jyëmëjt majkmokx tëkëëk ko tyëjkëy yajkutujkpë ets tëkëëk jëmëjt jam yajkutujky Jerusalén. Jä'ä ja tyaak ijty xyëëwajtyp Nehustá, yë'ë nyëëx yë Elnatán, jam kyukajpnëty Jerusalén.

Biblia Mixe de Quetzaltepec

⁸ Joaquín jä'ä ënäty jyëmëjt majkmokx tëkëëk ko tyëjkëy yajkutujkpë ets tëkëëk jëmëjt jam yajkutujky Jerusalén. Jä'ä ja tyaak ijty xyëëwajtyp Nehustá, yë'ë nyëëx yë Elnatán, jam kyukajpnëty Jerusalén.

2 Reyes 24:8 ပူးပေါင်းရင်းမြစ်များ

2 Crónicas 36:9

Tëkëëk ënety yë jyëmëjt yë Joaquín ko tyëjkëy yajkutujkpë ets tëkëëk po'o ja majk xëëw ojts yajkutuky jam Jerusalén. Yë'ë ka'ap ojts oy winë tuny ma Wintsënën.

1 Crónicas 3:16

Joaquim, jä'ä y'u'unk y'ëna'k xyëëwajtë: Jeconías ets Sedequías.

Jeremias 37:1

Yë Nabucodonosor, mëti'ipë jam Babilonyë ënä'ämpën, yë'ë ojts jam Judá yë Sedequías tpëjktä'äky yajkutujkpë, yë Josías yë myaank, jëtu'un tä jeexyë yë'ë Jeconías yajkutukyën, yë Joaquim yë myaank.

Jeremias 24:1

Tëë ënety yë Nabucodonosor yajkutujkpë jam Babilonyë tyajnëjkxy tsumy ja Jeconías, yë Joaquim yë myaank mëti'ipë jam Judá yajkutujkpën, mëët yë kopktëjkëty mëti'ipë jam Judá mëj'äämpy ijtëpën ets ja'ayëty mëti'ipë kojtëpën taktëpën ets mëti'ipë pujxn atsaaymyujktëpën, ko ojts yë Wintsën xytyuk'ixyës mäjtsk yë katsy ujtsëty mëët yë higo tëëm, jam kyiiynyë tsajptëjk'ëkë'ëm.

Jeremias 22:28

¿Wä'än yë Jeconías jyëtu'unëty tä tu'uk yë tu'tsën mëti'ipë pu'ujënë, ëkë tä tu'uk yë texyën ëkë a'ukën mëti'ipë ka'ap pën tsyokyënë? ¿Wi'ix jëtää ko jam të yajnajtswojpëtya'atë wiink naax wiink kajpn ma ka'ap pën t'ixy'ätyën?

Jeremias 22:24

Jëtu'un ja Wintsën t'ënëmaay ja Jeconías, yë Joaquim yë myaank mëti'ipë jam Judá yajkutujkpën: Yë njuukyajtënës kë'ëm ntukajpxpejtyp etsës n'ëna'any: Oyxyëp jeexyë mijts jëtu'un mtimyajpatpë nkë'ëkëjxyës tä tu'uk kë'ëjiitsën mëti'ipë ja'ay tyuknokytsyääpyën, mijts je'eyëm njëpëka'any maajës yë nkë'ëjën

Jeremias 22:26

Ets jam nnajtswopëja'antë atsip mëët yë mtaak ma ja it naaxwiinyëtën ma ka'ap ojts mmëxu'unk'atën, jam nëjkx nimäjtsk m'ooktë.