2 Reyes 24:7 - Biblia Dc en Mixe de Quetzaltepec

⁷ Ja yajkutujkpë mëti'ipë jap tuunpën Egiptë ka'ap ojts maa y'ëknëjkxnë, jä'ä ko ja yajkutujkpë mëti'ipë jam ënä'ämpën Babilonyë tëë ënety ja naax kajpn tniwaanta'ay mëti'ipë të tnitsiptunyën; jampaat ënety të tjä'äpëky ma ja wokën mëti'ipë Egiptë ja'ay jyä'ä'ajtëpën ets tyimja'ty ja ma ja mëjnëëjën mëti'ipë yajtijpën Éufrates.

Biblia Mixe de Quetzaltepec

⁷ Ja yajkutujkpë mëti'ipë jap tuunpën Egiptë ka'ap ojts maa y'ëknëjkxnë, jä'ä ko ja yajkutujkpë mëti'ipë jam ënä'ämpën Babilonyë tëë ënäty ja naax kajpn tniwaanta'ay mëti'ipë të tnitsiptunyën; jampaat ënäty të tjä'äpëky ma ja wokën mëti'ipë Egiptë ja'ay jyä'ä'ajtëpën ets tyimja'ty ja ma ja mëjnëëjën mëti'ipë yajtijpën Éufrates.

2 Reyes 24:7 ပူးပေါင်းရင်းမြစ်များ

Jeremias 46:2

Jëtu'un ojts yë Egiptë kajpn yajnikäjpxy ets yajkutujkpë Necao mëët yë tsyiptuunpëtëjk, ma ënety mëmajktaxk jëmëjt ëka'any yajkutukyën yë Joaquim, yë Josías yë myaank mëti'ipë jam Judá ënä'ämpën; ojts tsyiptuny jam Carquemis mëët yë Nabucodonosor, yë Babilonyë yajkutujkpë, jam winkon ma ja Éufrates mëjnëëjën. Yë Carquemis ka'ap ojts myëtä'äky.

Génesis 15:18

Jä'ä xëëw ojts ja Dios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

Isaías 27:12

Jä'ä xëëw ja Wintsën nëjkx ja myëj'ajtën tyaj'ixyë, tyimtso'ontä'äky jam Éufrates ets tyimja'ty jam Egiptë. Jëtu'un tuna'any tä ja'ay tsajpmok tyajpajk'atyën; je'eyëp ko miitsëty Israel ja'ayëty tu'ukjaty nëjkx myajwinwoptë.

1 Reyes 4:21

Yë Salomón wäänë mëj ijty muum ja kyutujkën yajnikäjpxy, këtiinëm jyëtu'unëty ja wiinkëtypë ja kutujkëntëjk; jampaat ja kyutujktakn y'ëwtijty ma nëëjoy yajtijyën Éufrates ets nyäxy ma ja filistejë ja'ayëtyën; tyimja'ty jam Egiptë. Tëkokyë ja ja'ayëty aak ayajk aak ako'onëtyëp ijty mapaat ja Salomón yajkutujkyën.

Josue 15:4

Ja tsëpa'an mëti'ipë jam najxë'kpën jëtu'un ijty tyimnëjkxy ets jyä'ty ma txëëwatyën Asmón ets jam tukpëtsëmy ja wokjot mëti'ipë tso'onpën Egiptë ets jyëjpkëxy ma ja mejyën naax'akujkpë. Ya'atë të yajnikäjpxyën yë'ë ijty tsëpa'an ëpa'tkë'ëmtsowpë.

Ezequiel 30:22

Paaty ëjts maas nWintsën'atyën, jëtu'unës n'ëna'any: Ëjts mëtsipës yam n'awinpity ma yajkutujkpën, mëti'ipë jap Egiptë ënä'ämpën. Ntëjjäämpyës yam mäjtskëty yë kyë'ë, tu'uk yë oypyë ets tu'uk mëti'ipës të ntëjyën ets jëtu'un tmajtstu'utëty yë tyiypyujxn.

Jeremias 46:6

Ka'ap tjëkyepy kyä'äktëty mëti'ipë pe'tymyëtyën, ja'ay mëti'ipë jotmëkëtyën ka'ap tjëkyepy maa nyëjkxtëty. Jam anëkëjxmtsow ma Éufrates mëjnëëjën, jam të y'anäpëtë ets të kyëtawtë.

Ezequiel 30:21

Ëjts yë yajkutujkpë kyë'ë të ntëjë, mëti'ipë jap Egiptë yajkutujkpën ets ka'ap ni pën të yajtsooypyetyë ets ja tsyëtyut të pyijt të myojtsxëty ets jeexyë nyiwijy ets jatëkok ja tyiypyujxn t'ajëpipëty.