2 Reyes 24:3 - Biblia Dc en Mixe de Quetzaltepec

³ Paatykyëjxm jëtu'un ja Judá kajpn jyäjty kyëpejty, jä'ä ko ja Wintsën ënety jëtu'un të tuknipëjktaakë ets timjyëpëky yë'ë wyintuuy mëët ko ja Wintsën ka'ap t'ëkkupëjknë ja nëë poky mëti'ipë ja Judá ja'ayëty tyuuntëpën, ja poky mëti'ipë ënety ja Manasés të tyuktunëtën,

Biblia Mixe de Quetzaltepec

³ Paatykyëjxm jëtu'un ja Judá kajpn jyäjty kyëpejty, jä'ä ko ja Wintsën ënäty jëtu'un të tuknipëjktaakë ets timjyëpëky yë'ë wyintuuy mëët ko ja Wintsën ka'ap t'ëkkupëjknë ja nëë poky mëti'ipë ja Judá ja'ayëty tyuuntëpën, ja poky mëti'ipë ënäty ja Manasés të tyuktunëtën,

2 Reyes 24:3 ပူးပေါင်းရင်းမြစ်များ

Génesis 50:20

Miitsëty jëtu'un ojts mjamay mjatajtë ets nyätyijyë ëxëëk xytyuna'antës e yë Dios yë'ë të tyajtëkatsy yë ëxëëkpë mëët yë oypyë ets ntunëtyës mëti'ipë tyam m'ijxtëpën mkoowtëpën: ets jëtu'un tsyo'okëty may yë ja'ay yë jyuukyajtën.

2 Reyes 17:18

Paaty ojts ja Wintsën tukjoot'anpëjknë ja Israel ja'ayëty, tyajkutujknë ets o'ktëy jyajnëtëty; paaty ojts ja Wintsën y'ëxwojpënëtë jam ma ënety yajpaatën, yi'iyë jaakwë'ëmtë ja Judá ja'ay.

2 Reyes 17:20

Paatykyëjxm ja Wintsën ojts tim nyas'ijxënyë ja Israel ja'ayëty ets ëxëëk jyajtë kyëpäjtë, ma ëxëëk tyuunëtën ja mëti'ipë yajja'ay'o'ktëpën; koonëm jam y'ëxwojpëtë ma ja nyaax kyajpnëtyën, kyë'ëyajktaayëtë ma ja mä'tspëtëjkëtyën y'ijxwojpëtë Wintsën wyintum.

2 Reyes 17:23

Tä ja Wintsën ojts tim'ëxmajtsnë ja Israel kajpn, jëtu'un tä ënety të t'akäjpxyën mëët ja kyäjxynyajxpëtëjk, paaty ojts ja Israel ja'ayëty yajmënëjkxnëtë tsumy matsy jam Asiria, ma tyampaat yajpaatën.

2 Reyes 18:25

Ëkë mijts jä'äjën may mtajyë, ¿ko ka'apës Wyintsënëty të xykyexyë ets tyaapë naax kajpn nyajkutëkoyëtyësë? Tyam yajxon ntuk'ëwaanëty ko yë'ëjës të xykyexy etsës ya'atë kajpn nitëkëty etsës nyajkutëkoyëty.

2 Reyes 21:16

Ëpëky ja nëë poky mëti'ipë ja Manasés tyuktuunën ja Judá ja'ay ets mëti'ipë yë'ë kë'ëm tyuunën Wintsën wyintum; këjää ojts ja ja'ay tyaj'ok tyajtëkooynyë ka'apë tii poky tmëëtëtyën jam Jerusalén.

2 Reyes 24:20

Paatykyëjxm ojts yë Wintsën tukjoot'anpëky yë Jerusalén kajpn ets Judá kajpn ets t'ixkäjxtaay ja ja'ay. Ok ja Sedequías ojts tnipëtë'ëky ja yajkutujkpë jampë y'ëne'emyën Babilonyë.

2 Crónicas 24:24

Ka'ap ënety nëkooyë nyimay'atë ja Sirië tsiptuunpëtëjkëty, je'eyëp ko Wintsën ojts kë'ëm tyajkutuky ets myëta'aktëty, mëët ko ënety ja Israel ja'ayëty të tkäjpxykyumëtoownaxtë ja Wintsën, mëti'ipë ja y'aptëjk y'ëwtajtën. Jëtu'un'äämpy ja Joás ojts tkëpety ja y'ëxëëkjot y'ëxëëk winma'any.

2 Crónicas 25:16

Ko jëtu'un ja Wintsën ja tyuunpë t'ënëmaay ja yajkutujkpë, ënät ja yajkutujkpë ojts tyukjoot'anpëkyë ets y'ojë, tääts y'ënëmaayë: ¿Pën mijts të mpëjktä'äkyë ëëwijpë kajpxwijpë? Këtii nëkoo tii ajotkumonë xy'ëwëty xykyajpxëty. ¿Ti yë'ëmës mijts mtsojkpy ets m'ookëtyë? Ja Wintsën ja tyuunpë ka'ap ojts nëkoo tii t'ëkajpxnë, je'eyë ojts ok jyaak'ëna'any: Ëjts nija'apës ko yë Wintsën tëë tuknipëjktaakë ko myaj'ooka'anyë, mëët ko mijts ka'ap yë n'aaw n'ayukës të xymyëjpëjktä'äky.

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Dios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Isaías 45:7

Ëjts nyajtë'kxyp nyajjäjpy ets ëjts nyajkoots'ajtyp, nyaj'oy'ijtypyës winë ets nyaj'ëyo'onpatypyës tii. Ëjts, maas nWintsën'atyën, ntuuntääpyës oy tyimtiijëty.

Jeremias 32:31

Maju'unëm ya'atë naax kajpn tsyo'ontä'äkyën, xëmë je'eyë xyajjoot'anpëkyës ets jëtu'un tyampaat. Paaty n'ëna'anyës koos nyajkutëkoyä'äny

Jeremias 52:28

Yë Nabucodonosor may ojts yë ja'ay tyajnëjkxy tsumy matsy: Ma ënety mëwëxtujk jëmëjt ëka'any yajkutukyën, tëkëëk mil ja i'px tëkëëk ojts Judá ja'ay tyajnëjkxy tsumy matsy;

Ezequiel 22:3

ets xy'ënëëmëty: Jëtu'un yë Wintsën y'ënä'äny: Mijts naax kajpn ma yajpaatën ja yaja'ay o'kpë mëti'ipë myëkunaax myëkukajpn yaj'o'ktëpën ets ma yajpaatën ja ja'ayëty mëti'ipë yakojtëpën ja awinax ets nyätyukyaj'ëxëëkëtë, pyätyp ja xëëw jëmëjt ma ëxëëk mjata'anyën.

Ezequiel 24:6

Jä'ä ko yë Wintsën jëtu'un y'ënä'äny: Janty mon janty tuk yë naax kajpn yajpaaty mëti'ipë yajja'ay o'kpën. Jëtu'un yë nyäxy tä tu'uk yë tu'tsën mëti'ipë tëë nyikatskënën ets ka'ap y'ëkwatsnë. Tu'ukjaty xyjyuutëty yë tsu'utsy koonëm ja tu'ts xyajtukwa'atsëty.

Amós 3:6

ko yajtukxu'uxy yë tsajpkaawaj, ënätyë ja'ay tsyë'ëkëtë; ko tii ëyo'on kyëtä'äky ma naax kajpnën Wintsënën të tnipëjktaakë.

Miqueas 2:10

Pëtë'ëktë. Tu'uye'eytyë. Ya'atë ka'ap pyo'kxtaknëty; ma ya'atë kajpnën je'eyë ja'ay tnimeenykyonë ja ëyoopëja'aytyëjk ets ka'ap tpaye'ey tii mëtëy, paatykyëjxm kyutëkoyä'äny.

Deuteronomio 28:63

Jëtu'un tä ënety ja Wintsën janty'oy të nyäjyawëtyën ko të mayëtë, nëjkxëp oy nyäjyawëty ko ënety o'ktëy mjajnëtë mkëpäjnëtë ets ni'ikyë mkukëjx mkutujkënëtë, ma ja it naaxwiinyëtën mëti'ipë të mjayajmo'otën, atsip nëjkx jam mtso'ontaaynyëtë.

Deuteronomio 29:28

Ets të t'ëxmatsy tääpë naax kajpn ajoot'anë ets wä'än t'ijxnëtë wi'ix jyatë kyëpätë jëtu'un tä tyam yaj'ixy yajkoyën.

Josue 23:15

E jëtu'un tä yë'ë oy winë të tuunta'ayën, tä të tnikäjpxyën; näjyëtu'un ja ëyo'on jotmay tyajkëta'aka'any ma miitsëtyën.