2 Reyes 24:2 - Biblia Dc en Mixe de Quetzaltepec

² E ja Wintsën yë'ë tyuknikäjx ja Joaquim ja mä'tspëty mëti'ipë Caldeo ja'ayëtyën, sirië ja'ayëty, Moab ja'ayëty ets Amón ja'ayëty jam Judá ets ja naax kajpn tyajkutëkoytyëty jëtu'un tä ënety ja Wintsën të t'akäjpxyën mëët ja tyuunpëtëjk.

Biblia Mixe de Quetzaltepec

² E ja Wintsën yë'ë tyuknikäjx ja Joaquim ja mä'tspëty mëti'ipë Caldeo ja'ayëtyën, sirië ja'ayëty, Moab ja'ayëty ets Amón ja'ayëty jam Judá ets ja naax kajpn tyajkutëkoytyëty jëtu'un tä ënäty ja Wintsën të t'akäjpxyën mëët ja tyuunpëtëjk.

2 Reyes 24:2 ပူးပေါင်းရင်းမြစ်များ

Jeremias 35:11

E ko yë Nabucodonosor, Babilonyë yajkutujkpë ojts tukja'ty ya'atë naax kajpn, ënätës ojts nmintë yaa Jerusalén yë'ëjës nkukäktëp ja tsiptuunpëtëjk ja Caldeo ja'ayëty ets Siria ja'ayëty; paatykyëjxm ëëts yaajëty Jerusalén.

2 Reyes 23:27

Paaty y'ënäny, ko ëpëky ja Judá timpyëjkta'akanë, tä ëpëky tpëjktäkyën ja Israel kajpn ets ko ja Jerusalén ka'ap jä'ä t'ëkajpn niwa'ananë ets ko ka'ap jap y'ëk'itanë ma ja tsajptëjkën mëti'ipë jam Jerusalén yajpatpën.

Ezequiel 19:8

Ënet ojts ja naax kajpn mutskëtypë nyäkyajpxëtë ets tnipëtë'ëktëty tääpë kaa; ojts tpëjkta'aktë o'ktakn yu'utsypë ets jap kyuka'ajëy o'ktaknjoty, jëtu'un tä nëë jëyujk yajkujëpipën.

Jeremias 32:28

Paaty n'ënëëmë: Ëjts nyajkutukäämpyës ets ya'atë naax kajpn yë Nabucodonosor myëmëta'akëtëty, mëti'ipë jam Babilonyë yajkutujkpën ets ma Caldeo ja'ayëtyën.

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.

2 Reyes 20:17

Minaanp ja xëëw ma tëkokyë mëti'ipë jap ijtpën ma ja akujktëjkën, mëti'ipë të tyajmuktën ja m'aptëjkëty ets mëti'ipë tyampaat jaakmujkpën, aakjam yajmënëjkxta'aja'any Babilonyë, yaa nitii kyawë'ëma'any.

2 Reyes 6:23

Ënet ojts tu'uk ja xyëëw yajnipëjktaakëtë ets kyääytyë y'uktë. Ja yajkutujkpë ojts y'ënë'ëmxëtë ets nyëjkxtëty, tääts nëjkx ja wyintsën jatëkok tpaatë, jëtu'un'äämpy ojts nyëjkxnëtë. Jä'ä xëëw ja sirië ja'ayëty, ka'ap ojts nëkoo t'ëkmëma'ayënëtë ja Israel ja'ayëty.

Miqueas 3:12

E paatykyëjxm, mëët ko miitsëty ka'ap tii oy xytyuntë, yë Jerusalén kajpn, mëti'ipë yajtijpën Sión kopk, jëtu'un jyata'any tä ja'ay yë kyam tnëëtu'utajta'ayën ets xit ko'ow jyata'any ets ja Sión kopk nëjkx wyinyo'onëtyä'äy, ujtsjoty nëjkx y'awinpity.

Jeremias 26:20

Näyjyëtu'un ja Urías käjpxynyajxpë, yë Semaías yë myaank mëti'ipë jam Quiriat-jearim kukajpn'ajtpën, ojts ja Wintsën ja y'aaw y'ayuk tnikäjpxy ets mëk ojts tnikäjpxy nimëtyä'äky ya'atë naax kajpn, jëtu'un tä yë Jeremías të kyäjpxy të myëtyä'äkyën.

Jeremias 26:6

ënätës ya'atë tsajptëjk jëtu'un ntuna'any tä jam Siló jyäjty kyëpejtyën ets nëjkx ijxpäjtën wyi'imy ko të yajpoky ma wiinkëtypë naax kajpnën mëti'ipë naaxwiinyëtë yajpatëpën.

Isaías 13:5

Jëkäm tsyoontë, nëë awinaxy. Yë'ë Wintsën mëët yë tyuunpäjn, mëti'ipë yajkutëkooyäämpyën tëkokyë ja naaxwiinyëtë.

Isaías 7:17

Yë Wintsën yajminäämpy ja xëëw jëmëjt mëti'ipë ka'ap nijëna'a yaj'ixynyëmën maju'unëm yë Efraín nyäpyuwa'ktu'utyën mëët yë Judá.

Job 1:17

Tam ënety kyamëtyakta'aynyëm ya'atë ja'ay ko wiinkpë myiiny ets y'ënäny: Yë'ë Caldeo ja'ayëty ëëts të xytyukja'të, nitëkëëkpëky të y'itë ets të tmä'tsta'atë ja jëyujk jëku'ux ets tëë tyaj'o'kta'atë ja mëti'ipë këwent'ajtëpën. Ëjtsyë të njaake'eky etsës nikajpxa'any ma mijtsën mëti'ipë të tyuny të jyätyën.

2 Crónicas 33:11

Paatykyëjxm yë Wintsën tyukniwoowpäjtëtë ja Asiria ja'ayëty ets tmajtstë ja Manasés ets tsumy xoty ojts tyajnëjkxtë jam Babilonyë, mëët pujxntejpxy.

Isaías 28:19

Ko myinëty tääts mpajëtuta'anëtë. Jopyëp myina'any, xëëny koots. Je'eyë xymyëtoowpaatëty ko tää myiny tääts ënätyë mtsë'ëkëja'antë.

Jeremias 12:9

Jëtu'unës yë nnaax nkajpn tä tu'uk yë joonën mëti'ipë janty'oy yë jyëmkën, mëti'ipë tukmëtsip'ajtëpën ja myëku'uk ko y'oyëty ja jyëmk. Miinta'atë nitëkokyë aayjëyujk ujts jëyujkëty mëti'ipë ëwa'anëtyën ets mtu'ukmuktëty ets mjë'kxtëty mpëktëty.

Jeremias 25:1

Ma taxk jëmëjt y'apetyën ma tyëkën yajkutujkpë yë Joaquim, yë Josías yë myaank, jam Judá, jää yë Wintsën ojts tmëkäjpxy yë Jeremías ets tukmëmëtyäky wi'ix ja Judá kajpn jyata'anyën. Mëtu'uk jëmëjt ënety ëka'any yajkutuky yë Nabucodonosor jam Babilonyë.

Jeremias 52:28

Yë Nabucodonosor may ojts yë ja'ay tyajnëjkxy tsumy matsy: Ma ënety mëwëxtujk jëmëjt ëka'any yajkutukyën, tëkëëk mil ja i'px tëkëëk ojts Judá ja'ay tyajnëjkxy tsumy matsy;

Lamentaciones 1:17

Ja jëëytyak ja nu'kxtakp yë Sión ets jyaxajtëëpy yë kyë'ë, je'eyëp ko ka'ap pën myëto'owxëty, tëë yë Wintsën tni'ënä'ämë ets myëtsip yajnatukëtëty; Jerusalén ëxëëk yë myëtsip y'ixyë ets ka'ap tsyokyë.

Ezequiel 23:23

nëjkxëp mniminyë yë Babilonyë ja'ayëty, caldeo ja'ayëty, Pecod ja'ayëty, Soa ja'ayëty ets Coa ja'ayëty ets tu'kë'ëyë yë Asiria ja'ayëty aakyë'ë ëna'ktëjkpë mëti'ipë oyëtyën mëkëtyën, mëti'ipë ënä'ämtëpën yajkutujktëpën, mëti'ipë tsiptuunpë wintsënëtyën ets tsip ixyëtyën; tu'kë'ëyë mëti'ipë jëyujktuk'u'unyäätyëpën.

Habacuc 1:6

Ëjts yë'ëjës yam yë caldeo ja'ay nyajtsiptunantëp, ëxëëk tääpë ja'ay jyä'äy'atë, y'aye'eytyääytyëp yë naaxwiinyëtë ets tjä'äpëktë mëti'ipë ka'ap tjä'ä'atën.

2 Reyes 22:16

ëjts, mëti'ipë Wintsën'ajtpën, jëtu'unës n'ëna'any: Nyajminäämpyës tu'uk yë mëj ëyo'on ma ya'atë it naaxwiinyëtën ets ma ya'atë ja'ay yaa tsyëënëtën, jëtu'un tä myinyën jap kuja'ay ma ja nokyën mëti'ipë ja yajkutujkpë të tkäjpxyën, yaapë tyunyën Judá.