2 Reyes 24:17 - Biblia Dc en Mixe de Quetzaltepec

¹⁷ Tä ja yajkutujkpë mëti'ipë jam tuunpën Babilonyë ojts ja Matanías jä'ä tpëjktä'äky ets yë'ë yajkutukëty, tkutëkëty ja Joaquín, je'eyë txëëwinkuwijtsy ets ojts tijy Sedequías.

Biblia Mixe de Quetzaltepec

¹⁷ Tä ja yajkutujkpë mëti'ipë jam tuunpën Babilonyë ojts ja Matanías jä'ä tpëjktä'äky ets yë'ë yajkutukëty, tkutëkëty ja Joaquín, je'eyë txëëwinkuwijtsy ets ojts tijy Sedequías.

2 Reyes 24:17 ပူးပေါင်းရင်းမြစ်များ

2 Reyes 23:34

Yë Necao, yë'ë ojts Eliaquim, yë myaank yë Josías, tpëjktä'äky yajkutujkpë ets ja tyeety tkutëkëty, je'eyë txëëwkuwijtsy, Joaquim ojts tijy; e ja Joacaz yajnëjkx jä'ä, jap ojts Egiptë y'o'knë.

2 Crónicas 36:4

Ja yajkutujkpë mëti'ipë jap Egiptë tso'onpën yë'ë ojts tpëjktä'äky ënä'ämpë jam Jerusalén, ja Joacaz ja y'uty mëti'ipë txëëwajtpën Eliaquim, je'eyëp ko ojts txëëwkuwitsy ets ojts tijy Joaquim, e ja Joacaz ojts tyajnëjkxy jap Egiptë.

Jeremias 1:3

Ojts näjyëtu'un myëkäjpxyë ma ënety yë Joaquim y'ëne'emyën, yë Josías yë myaank, mëti'ipë jam Judá yajkutujkpën. Ojts myëkäjpxyë mapaat yë Sedequías yajkutujkyën, yë Josías yë myaank jam Judá. Jää ma myëkoxk po'opetyën ja mëmajktu'uk jëmëjtpë. Jää jëmëjt ma ja Jerusalén ojts yajnitëkën.

Jeremias 21:1

Ënet yë Sedequías yajkutujkpë tkejxy yë Pashur, yë Malquías yë myaank, mëët yë teety Sofonías, yë Maaseías yë myaank ets nëjkx t'ixtë yë Jeremías ets t'ënëëmëtëty:

Jeremias 37:1

Yë Nabucodonosor, mëti'ipë jam Babilonyë ënä'ämpën, yë'ë ojts jam Judá yë Sedequías tpëjktä'äky yajkutujkpë, yë Josías yë myaank, jëtu'un tä jeexyë yë'ë Jeconías yajkutukyën, yë Joaquim yë myaank.

Jeremias 49:34

Ko yë Sedequías jam Judá y'ënä'ämtso'ony, ënät ojts yë Wintsën tmëkäjpxy yë Jeremías ets tukmëmëtyäky wi'ix jyata'any kyëpäta'anyën yë Elám.

Jeremias 52:1

Jä'ä ënety yë Sedequías yë jyëmëjt I'px tu'uk, ko tyëjkëy yajkutujkpë jam Jerusalén, jä'ä yajkutujky majktu'uk jëmëjt. Hamutal ijty yë tyaak xyëëwajtyp, yë'ë Jeremías yë nyëëx, jam Libná kyukajpnëty.

Ezequiel 17:13

Ënet ojts tuny tu'uk ja käjpxytyu'unën mëët tu'uk ja myaank ja Judá yajkutujkpë ets tukupëjky ja winma'any ets oy yajkutukëty ets myëët'atëp ja näwyinkutsë'ëkë ma ja Babilonyë yajkutujkpën ets tyajnëjkxtaay tsumy matsy ja ja'ay mëj'äämpyë,

Ezequiel 17:16

Ëjts Wintsën, jëtu'unës n'ëna'any ets njuukyajtënës yam ntukkajpxpejtyp, ko tääpë ja'ay jyëkyejpy y'ookëty jä'ä ko tëë tukxi'iky ja käjpxytyu'unën ets ka'ap të tpatuny ijxtëm të y'ënë'ëmxëtyën ja yajkutujkpë mëti'ipë të jyapëjktä'äkyën ets yajkutukëty.

Ezequiel 23:17

ojts ja Babilonyë ja'ayëty nyiminyë ets myëëtko'knaayë, jëtu'un yaj'ëxëëktëjkëyë, kanaak ja ye'etyëjk tmëët'ajty. Je'eyë ojts yaj'ëxë'këtyä'äyë ets ojts ok t'ëxëëk'ijxnë.

Daniel 1:7

e ojts yajwëëwkuwitstë jä'ä ojts yajxëëwpätëtë ja mëti'ipë jam tuunpën ma ja kutujkëntaknën: Ets ja Daniel jä'ä ojts xyëëwpety Betsalsar; ja Ananías jä'ä ojts xyëëwpety Sadrac; ja Misael jä'ä ojts xyëëwpety Mesac ets ja Azarías, jä'ä ojts xyëëwpety Abed-negó.