2 Reyes 24:12 - Biblia Dc en Mixe de Quetzaltepec

¹² Tä ja Joaquín, Judá yajkutujkpën mëët ja tyaak, ja tsyiptuunpëtëjk ets ja wyintsëntëjk y'ënantë ko ka'ap myëta'aka'antë; ojts yajtsuumnëtë ets ja yajkutujkpë Babilonyë yajkutujkpë myëtaknë. Ya'atë jëtu'unpë jää ojts tyunyë jyätyë ma ënety tyuktujk jëmëjtpetyën ma ja Nabucodonosor yajkutukyën jam Babilonyë.

Biblia Mixe de Quetzaltepec

¹² Tä ja Joaquín, Judá yajkutujkpën mëët ja tyaak, ja tsyiptuunpëtëjk ets ja wyintsëntëjk y'ënantë ko ka'ap myëta'aka'antë; ojts yajtsuumnëtë ets ja yajkutujkpë Babilonyë yajkutujkpë myëtaknë. Ya'atë jëtu'unpë jää ojts tyunyë jyätyë ma ënäty tyuktujk jëmëjtpetyën ma ja Nabucodonosor yajkutukyën jam Babilonyë.

2 Reyes 24:12 ပူးပေါင်းရင်းမြစ်များ

2 Reyes 20:18

Yë'ëpaat ja m'u'unk m'ok nëjkxëp jam tsumy matsy nyëjkxtë. Ja yä'äy'ëna'ktëjk nëjkxëp tsujktaayëtë ja ye'etyëjk'ajtënëty ets nëjkx je'eyë tmëtuntë ja yajkutujkpë jampë Babilonyë y'ëne'emyën.

2 Reyes 24:11

Yajxon ënety jam tsyiptuntë ko ja Nabucodonosor jyä'äjty.

2 Reyes 25:27

Ma ënety y'i'px wëxtujk anyën ja mëmäjtskpo'opë, ma më'i'px majkmokx mäjtsk jëmëjt y'apetyën ma ja yajkutujkpë Joaquín, Judá ja'ay yajmënëjkxyën jap Babilonyë; jää ojts tyëkë yajkutujkpë yë Evil-merodac. Tyaapë yajkutujkpë ojts yë ama'atjot tmëët'aty, paaty tpa'ëyooy ja Joaquín ets tju'ty jap pujxn tëkoty,

2 Reyes 25:8

Ma wyëxtujk anyën ja mëmëkoxk po'opë, ma myëmajkmokx taxk jëmëjtpetyën ja Nabucodonosor ja kyutujkën, ënät jam jyä'äjty Jerusalén ja tyuunpë mëti'ipë xyëëwajtypyën Nabuzaradán, mëët nimay ja tsiptuunpëtëjk,

2 Crónicas 36:10

Ma xyëkopk'atyën jä'ä jëmëjt ojts yë yajkutujkpë Nabucodonosor yajnikutukëty ets tyajnëjkxtëty jam Babilonyë mëët tëkokyë mëti'ipë tsowëtyën, japë y'ityën ma Wintsën ja tsyajptëjkën ets tpëjktäky yë'ë Sedequia ets yajkutukëty jam Judá ets Jerusalén, nän yë'ë Joaquín myëku'uk.

Ester 2:5

Jam Susa, jam ijty tsyëënë tu'uk Jutiiyë ja'ay, Mardoqueo xyëëwajtyp, Jair myaank, yë'ë y'ok'u'unk yë Simí ets Quis, Benjamín y'u'unk y'ok.

Ester 2:6

Yë Mardoqueo, jam Jerusalén ojts yajmëtsoony tsumy matsy, ënät ko ja Nabucodonosor yajkutujkpë tnitëjkëy ja kajpn, yë'ë ënety mëët të yajmëtsoony jam Jerusalén yë Jeconías, mëti'ipë ënety yajkutujkpën jam Judá.

Isaías 24:6

Poky yë naaxwiinyëtë të y'ity, paaty o'ktëy të jyäty, Ja ja'ay mëti'ipë jam kukajpnajtëpën yë'ë ëyoowtëp paaty të nyiwäänëtë, ka'ap ja ja'ay y'ëknimay'ajnëtë.

Jeremias 13:18

Jëtu'un xy'ënëëmëty yë yajkutujkpë ets yajkutujkpë taak: Jënaktë jam ma myajkutuktën, naaxkëjxy u'unyëtë, jä'ä ko tëë kyä'äy ja mkujän mëti'ipë myaj'oykyëxë'këtëpën.

Jeremias 24:1

Tëë ënety yë Nabucodonosor yajkutujkpë jam Babilonyë tyajnëjkxy tsumy ja Jeconías, yë Joaquim yë myaank mëti'ipë jam Judá yajkutujkpën, mëët yë kopktëjkëty mëti'ipë jam Judá mëj'äämpy ijtëpën ets ja'ayëty mëti'ipë kojtëpën taktëpën ets mëti'ipë pujxn atsaaymyujktëpën, ko ojts yë Wintsën xytyuk'ixyës mäjtsk yë katsy ujtsëty mëët yë higo tëëm, jam kyiiynyë tsajptëjk'ëkë'ëm.

Jeremias 25:1

Ma taxk jëmëjt y'apetyën ma tyëkën yajkutujkpë yë Joaquim, yë Josías yë myaank, jam Judá, jää yë Wintsën ojts tmëkäjpxy yë Jeremías ets tukmëmëtyäky wi'ix ja Judá kajpn jyata'anyën. Mëtu'uk jëmëjt ënety ëka'any yajkutuky yë Nabucodonosor jam Babilonyë.

Jeremias 36:30

E ka'ap wyi'ixëty, ëjts, mëti'ipë Wintsën'ajtpën, tyam mijts n'ënëëmë, Joaquim, mëti'ipë ënä'ämp yajkutujkpën ma Judá kajpnën, mijts ka'ap nëjkx yë m'u'unk m'ëna'k ets m'u'unk m'ok xymyëët'aty mëti'ipë jam ja'tëpën ma David yë kyutujktaknën. Ko ënety m'ooky, yë mjot mnini'kx jëtu'unyë nëjkx wyin'aankëtä'äky xëëny ets jëtu'unyë nëjkx tyipjuuny koots,

Jeremias 37:1

Yë Nabucodonosor, mëti'ipë jam Babilonyë ënä'ämpën, yë'ë ojts jam Judá yë Sedequías tpëjktä'äky yajkutujkpë, yë Josías yë myaank, jëtu'un tä jeexyë yë'ë Jeconías yajkutukyën, yë Joaquim yë myaank.

Jeremias 52:12

Ma myajk anyën ja mëmëkoxk po'opë, ma tyu'uye'eyën ja mëmajkmokx majktaxkpë, ma tyëkën yajkutujkpë yë Nabucodonosor jam Babilonyë, yë Nebuzaradán mëti'ipë yë yajkutujkpë pyutëjkëpën, ma winë tuknipëjktaakën ets mëti'ipë näjyëtu'un nyiwintsën'ajtypyën ja këwen'ajtpëtëjkëty ma ja kutujktaknën, ojts jyä'ty jam Jerusalén

Jeremias 52:28

Yë Nabucodonosor may ojts yë ja'ay tyajnëjkxy tsumy matsy: Ma ënety mëwëxtujk jëmëjt ëka'any yajkutukyën, tëkëëk mil ja i'px tëkëëk ojts Judá ja'ay tyajnëjkxy tsumy matsy;

Jeremias 52:31

Ma y'i'px mëkoxk anyën ja mëmajkmäjtsk po'opë, ma i'px majkmokx mäjtsk jëmëjt y'apetyën, ma ënety ja Joaquín të yajmënëjkxyën tsumy matsy, mëti'ipë jam Judá kukajpn'ajtpën. Ko tyëjkëy yajkutujkpë jam Babilonyë yë Evil-merodac, y'oyjya'awëy yë Joaquín, paaty tyajpëtsëëmy jap pujxn tëkoty.

Ezequiel 17:12

Myajtëwëp yë naax kajpn pën wyinmëtoowtëp tii ya'atë ijxpäjtën jyatijpyën. Jëtu'un xy'ënëëmëtëty: Yë Babilonyë yajkutujkpë ojts myiny jyä'ty ma Jerusalén kajpnën ets tmajtsy yë Judá yajkutujkpë mëët tëkokyë yë wyintsëntëjk ets ojts tsumy matsy tmënëjkxy jam Babilonyë.

Ezequiel 17:4

jä'ä të tnëtëjy ja xye'enty mëti'ipë oykyëjxmën ets jam të tkojy ma tu'uk yë kajpnën mëti'ipë ajuupy ato'kpën, ma ja'ay tsyëënëtën mëti'ipë juuytyëp to'ktëpën.

Ezequiel 19:1

Ets mijts, ye'etyëjk, yajkoj ya'atë ëy, ma yajkuuy'iyën yë yajkutujkpëtëjk jampë yajpaatën Israel:

Ezequiel 19:13

E tyam jam kyojyëty të'ëts'itjotm, ma ja naaxwiinyëtën anë'ëk tëëtsë'ëkpë.

Deuteronomio 28:36

Yë Wintsën yë'ë nëjkx t'ëwa'atsy ets mijts tu'ukyë mëët myajkutujkpë myajmënëjkxnëtëty wiink naax wiink kajpn, ma ënety ka'ap nijëna'a të xy'ixy'ätyën ets ni m'ap m'ok ënety të tka'ixy'atë. Jam wiinkë'ëy wiink kajpn kwanë ko nëjkx ja wiink wintsën xy'ëwtajnë ets jä'ä xymyëmëtoownëty, mëti'ipë mëët y'oytyunyëtyën yë tsaa ets kepy.