2 Reyes 24:11 - Biblia Dc en Mixe de Quetzaltepec

¹¹ Yajxon ënety jam tsyiptuntë ko ja Nabucodonosor jyä'äjty.

Biblia Mixe de Quetzaltepec

¹¹ Yajxon ënäty jam tsyiptuntë ko ja Nabucodonosor jyä'äjty.

2 Reyes 24:11 ပူးပေါင်းရင်းမြစ်များ

2 Reyes 24:10

Jä'ä xëëw jä'ä jëmëjt, ja Nabucodonosor mëti'ipë jam Babilonyë yajkutujkpën, ojts myäymyintë ja tsyiptuunpëtëjk ets ja Jurusalén kajpn tyajnatujktë.

2 Reyes 24:12

Tä ja Joaquín, Judá yajkutujkpën mëët ja tyaak, ja tsyiptuunpëtëjk ets ja wyintsëntëjk y'ënantë ko ka'ap myëta'aka'antë; ojts yajtsuumnëtë ets ja yajkutujkpë Babilonyë yajkutujkpë myëtaknë. Ya'atë jëtu'unpë jää ojts tyunyë jyätyë ma ënety tyuktujk jëmëjtpetyën ma ja Nabucodonosor yajkutukyën jam Babilonyë.

Ezequiel 17:12

Myajtëwëp yë naax kajpn pën wyinmëtoowtëp tii ya'atë ijxpäjtën jyatijpyën. Jëtu'un xy'ënëëmëtëty: Yë Babilonyë yajkutujkpë ojts myiny jyä'ty ma Jerusalén kajpnën ets tmajtsy yë Judá yajkutujkpë mëët tëkokyë yë wyintsëntëjk ets ojts tsumy matsy tmënëjkxy jam Babilonyë.

Ezequiel 19:8

Ënet ojts ja naax kajpn mutskëtypë nyäkyajpxëtë ets tnipëtë'ëktëty tääpë kaa; ojts tpëjkta'aktë o'ktakn yu'utsypë ets jap kyuka'ajëy o'ktaknjoty, jëtu'un tä nëë jëyujk yajkujëpipën.

Isaías 29:3

Ëjts nkäxäämpyës yë ntsiptuunpëtëjk ets myajnatukëtëty, n'oytyunäämpyës yë ijtakn pa'apa'a ma këwent'aty m'itëtyën, jamës nyaj'oyëjä'äny ja ënyääytyakn ma ja tsiptuumpëtëjk mnipëtë'ëkëtëtyën.

Isaías 36:17

Ok nëjkx myajnëjkxëtë ma tu'uk ja kajpnën jëtu'unpë kyëxë'ëkyën tä mkajpnëtyën, ma y'ity wyintëyën yë tsajpmok ets tsatym. Jotkujk yë mtsajpkääky xyajkojtëty ets mkaytyëty m'uuktëty.