2 Reyes 23:7 - Biblia Dc en Mixe de Quetzaltepec

⁷ Ojts tjijtë'kta'ay ja tëjk ma ënety ja ye'etyëjktëjk ja nyini'kx to'knëtën ma ja Wintsën ja tsyajptëjkën ets ma ja to'oxytyëjk ijty tnixuyëtën ja awinax Aserá.

Biblia Mixe de Quetzaltepec

⁷ Ojts tjijtë'kta'ay ja tëjk ma ënäty ja ye'etyëjktëjk ja nyini'kx to'knëtën ma ja Wintsën ja tsyajptëjkën ets ma ja to'oxytyëjk ijty tnixuyëtën ja awinax Aserá.

2 Reyes 23:7 ပူးပေါင်းရင်းမြစ်များ

Ezequiel 16:16

Mëët yë mwit mtujkxy ojts xy'oytyuny yë nyitsajptëjk yë wiink tios jam muum tunkëjxm kopkkëjxm ets jam ja mjot mnini'kx xytyo'ky.

1 Reyes 15:12

Ojts t'ëxwojpta'ay ja ja'ay mëti'ipë ënety ënantëpën ko oy ko ja'ay jyot nyini'kx tooky ets ko wä'än tyajnixëëwtuny, ojts näjyëtu'un tyajkutëkooytyä'äy ja awinax mëti'ipë ënety ja y'aptëjk të tyajkojtën.

1 Reyes 14:24

Näyjyëtu'un ja ja'ayëty kë'ëm ijty ja jyot nyini'kx tyajknëtë tukwintsë'ëkëtë ja tyiosëty ets jëna'ajëty yi'iyë tyimniye'eymujkëtyëp, tuunëtë tkajpxnëtë ja ëxëëkpë ets ja tëkatsypë ja jot winma'any, näjyëtu'un tä ja mëti'ipë ijty ja wiink naax wiink kajpn tyuuntëp kyajpxtëpën, mëti'ipë ja Wintsën të t'ëxwojpta'ayën ma ja Israel ja'ayëtyën.

Oseas 2:13

Jënaak xëëw jënaak jëmëjt yë poom të tukwintoy të tukwino'oktën yë y'awinaxëty jëtu'un xëëw jëtu'un jëmëjtës näjyëtu'un ntëytyuna'antë, ko ijty tmëjjawë yë y'awinax pyëjktäkpy yë kyë'ëjiits yë nyantsëm ets tpanëjkxy ja y'atsoky ye'etyëjk etsës xy'ijxtëkooy xyjyä'äytyëkooynyës. Ëjts Wintsën, ëjts jëtu'un ënaanpës.

Ezequiel 8:14

Etsës të xywyoownëjkxy ma Wintsën ja tsyajptëjk yajnitëkën, anëkëjxmtsowpë. To'oxytyëjk jam yajpatëp, yë'ë nyijëëy nyiyaxtëp yë tios Tamuz.

2 Crónicas 34:33

Josías ojts tyajkupoky ja ëxëëkpë ja tu'unën kajpxën mëti'ipë ja naax kajpn ijty tyuuntëpën ets mëktä'äky ni'ënä'ämëy ets ja Israel ja'ayëty yë'ë t'ëwtatëty ja Wintsën. Mapaat yë'ë jyuuky'äjtyën ja ja'ayëty ka'ap ojts t'ëxmatstë ja Wyintsënëty, ja Wintsën mëti'ipë y'ëwtajtën ja y'ap y'okëty.

1 Reyes 22:46

Josafat ojts t'ëxwojpta'ay ja ja'ayëty mëti'ipë ënantëpën ko ka'ap wyi'ixëty oy nyätyookëtëty yë to'oxytyëjktëjkëty ye'etyëjkëty ets ka'ap wyi'ixëty oy yë ja'ay jyot nyini'kx tookëty ets tyakëty ja wyintsë'kën ma tyiiosën mëti'ipë y'ëwtajtëpën, mëti'ipë ënety të wyë'ëmtën ko ja tyeety Asá yajkutujky.

Deuteronomio 23:17

Nitu'uk yë ye'etyëjk ets nitu'uk yë to'oxytyëjk mëpaat tkatuunk'aty ets jyot nyini'kx tookëty, jam ma ja tukmuk tukxu'umtën ja ka'apë wyintsënëtyën.

Oseas 4:13

Jam muum tunkëjxm kopkëjxm jam nëjkx nyo'oktë xyamtë ets nëjkx tyaktë wyintsë'kën ets näjyëtu'un nyëjkxnë muum ma kepypya'tkën mëjpë, ma mëj xojën, ma mëj tsiinën. Paatykyëjxm yë mnëëxëty jyot nyini'kx të tooktë ets mxäkxyëty tëë tyajtëkoytyë pëjkën ukën wyintsë'kën.

Oseas 4:14

Ëjts ka'apës ntëytyuna'any yë mnëëx ko jyot nyini'kx tooky tyäky ets mxäkxytyëjk ko tyajtëkoy yë pëjkën ukën wyintsë'kën, jä'ä ko miitsëty ye'etyëjktëjk nän mninëjkxtë yë to'oxytyëjk mëti'ipë jyot nyini'kx tyo'ktëpën; ets miitsëty ko yë wintsë'kën xyaktë, myajmiintëp yë to'oxytyëjk mëti'ipë jyot nyini'kx tyo'kpy yäjkpyën. Jëtu'un ja naax kajpn nyätyunyë mëti'ipë ka'ap wyijyëtyën.