2 Reyes 23:4 - Biblia Dc en Mixe de Quetzaltepec

⁴ Ënet ja yajkutujkpë ojts tuknipëky ja Hilquías ets ja mëmäjtskpë ja teety; näjyëtu'un mëti'ipë ja tsajptëjk'aaw kyëwent'ajtëpën ets tyajpëtsëmtëty jap tsajptëkoty tëkokyë winë mëti'ipë ja Baal ets ja Aserá tyukwintsë'këtyëpën; tyajpëtsëmtëty ja xëëw po'o ja y'awinax ets tyajnitooytya'atëty jam ma ja Jerusalén ja kyajpnpa'ajën, jam Cedrón ets ja kuyjaam tmënëjkxtëty jam Betel.

Biblia Mixe de Quetzaltepec

⁴ Ënät ja yajkutujkpë ojts tuknipëky ja Hilquías ets ja mëmäjtskpë ja teety; näjyëtu'un mëti'ipë ja tsajptëjk'aaw kyëwent'ajtëpën ets tyajpëtsëmtëty jap tsajptëkoty tëkokyë winë mëti'ipë ja Baal ets ja Aserá tyukwintsë'këtyëpën; tyajpëtsëmtëty ja xëëw po'o ja y'awinax ets tyajnitooytya'atëty jam ma ja Jerusalén ja kyajpnpa'ajën, jam Cedrón ets ja kuyjaam tmënëjkxtëty jam Betel.

2 Reyes 23:4 ပူးပေါင်းရင်းမြစ်များ

2 Reyes 21:7

Pyëjktak jap ja Aserá ja y'awinax ma ja Wintsën ja jyëën tyëjkën, mëti'ipë ënety ja Wintsën të tnikäjpxyën ma ja David ets Salomón: Ya'atë tsajptëjk, mëti'ipë yaajën Jerusalén, mëti'ipës kë'ëm të nwin'ixyën ma ja Israel ja'ayëtyën, yaa xëmë yajmëjjaw yajaantyjyawëty yë nxëëwës.

2 Reyes 21:3

ojts jatëkok tkoj'o'oyëtyä'äy ja tëjk ma jap y'itën ja tsaatsetsy, mëti'ipë ënety ja tyeety Ezequías të tjijtë'ëkyën; ojts t'oytyuny wiinkpë wintsë'këntyakn ets ojts ja Aserá ja y'awinax tyajkojë; ëpëky näjyëtu'un t'ëwtajty winë jampë tsajpkëjxm yajpaatyën,

2 Crónicas 33:3

Ojts t'akojëtyä'äy ja nyitsajptëjk mëti'ipë jam tunkëjxm kopkkëjxm yajpatëpën, tä ja tsaa ja kepyëty, mëti'ipë ënety ja tyeety Ezequías të tjijtë'ëkyën, ojts t'apojtsëtyä'äy ja wintsë'këntyakn ets ja Baal ja nyitëjk ets t'oytyuuny ja Aserá y'awinax. Yë'ëpaat ojts t'ëwtajnë ja xëëw po'o mëti'ipë ka'ap jyapaatyën jeexyë t'ëwtaty,

2 Reyes 25:18

Ja ja'ay mëti'ipë ja tsiptuunpë nyiwintsën'ajtypyën, ojts näjyëtu'un tmatsy ja teety wintsën mëti'ipë txëëwajtpën Seraías ets ja Sofonías, nän teety näjyëtu'un mëti'ipë ënety mëët tyunyën ets ëpëky tëkëëk ja tsajptëjk kutuunk mëti'ipë ijty ja tsajptëjk'aaw y'atënaaytyëpën ets kyëwent'ajtëpën.

Juan 18:1

Ko ja Jesús ja Dios tja'amyäjtstaay ënät tsyo'ony mëët ja y'ijxpëjkpëtëjk ets tuknajxtë ja Cedrón nëë wok. Jam awinmtsow wyi'im tu'uk ja olivë kam, jam ja Jesús tyëjkëy mëët ja y'ijxpëjkpëtëjk.

Mateo 27:1

Ko xyiinytyäky, ni'ëmukë ja teety wintsëntëjk ets ja mëjja'aytyëjk ojts tkäjpxy'atë ko ja Jesús y'ookëty.

Mateo 26:3

Jää it ja teety wintsëntëjk ojts ye'eymyuktë mëët ja mëjja'aytyëjkëty jam ma ja teety wintsën Caifás ja tyëjkën.

Amós 4:4

Nëjkxtë jam Betel ets jam Guilgal; tuuntëkoy kajpxtëkoytyë; yajnipätë mpokyëty ets käjpxy kumëtoownaxtë. Jopyëp mënëjkxtë mwintsë'kënëty ets wintëkëëk xëëw xyaktëty ja tu'ukpë xypyupëktën ma ja majk pëkpyën.

Oseas 4:15

Pën mijts Israel mto'kpy myäjkpy yë mjot mnini'kx, yë Judá ka'ap mëpaat pyokytyuny. Këtii jam mnëjkxtëty Guilgal, këtii jam mpa'tëkëtëty Bet-avén ets këtii nëkoo je'eyë kajpxpäjn xywya'antëty yë Wintsën.

Jeremias 52:24

Ja mëti'ipë nyiwintsën'ajtypyën ja këwen'ajtpëtëjk, ma ja kutujktaknën, ojts tmatsy ja Seraías, ja teety wyintsën; ojts tmatsy näjyëtu'un ja Sofonías, mëti'ipë ja Seraías paye'eyëpën ets nitëkëëk ja ja'ayëty, mëti'ipë ja tsajptëjk ijty këwent'ajtëpën.

Jeremias 7:9

Mmä'tstëp, myajja'ay'o'ktëp, mmëët'ajtëp wiink ye'etyëjk wiink to'oxytyëjk, ka'ap tii mëtëy xynyikajpxtë; mwintsë'këtyëp ja Baal ets wiink tios m'ëwtajtëp mëti'ipë ka'ap xy'ixy'atën,

Isaías 27:9

Je'eyëp ko ënät tpokymyä'kxa'any yë Jacob, pën pyatuumpy mëti'ipë yaj'amëtoopën: Ko naaxwayën tuunta'ajëty yë wyintsë'këntyakn ma t'ëwtatyën ka'apë Tyiosëtyën, jëtu'un tukpu'ujëtya'ajëty tä jeexyë ja'ay tsaa twaaytyä'äkyën mëti'ipë yajaamkojpyën ets ka'ap nimaa wyë'ëmëty tu'kpuxyën yë kepy mëti'ipë y'ëwtajtypyën, yajma'ta'ajëp yë wyintsë'këntyakn ma poom tukwinjokyën yë tyiosëty.

2 Crónicas 33:7

Wiink awinax ojts jap tsajptëkoty tpëjktaknë ma ja Wintsën ja jyëën tyëjkën, ma ënety ja Wintsën të t'ënëëmën ja David ets ja myaank Salomón: Ya'atë tsajptëjk, mëti'ipë yaa yajpatpën Jerusalén ma tsyëënëtën yë Israel ja'ayëty, ëjts njä'ä'atäämpy ets yaajës yë nxëëw yaja'amyätsëty xëmëkyëjxm.

2 Reyes 23:15

E ja wintsë'këntyakn ets ja tëjk mëti'ipë jamën Betel, mëti'ipë ënety ja Jeroboam të tkojyën, yë Nabat yë myaank, mëti'ipë ojts ja Israel ja'ayëty tukyajpokytyunyën; ojts ja Josías wa'ats twojpë'kta'ay koonëm tyaj'awinpijtaay naaxwayën ets jëën tpëjktäky ets tnino'ktaay ja Aserá y'awinax.

2 Reyes 22:4

Nëjkx xy'ixy yë Hilquías, mëti'ipë nyikopk'ajtypyën yë teetytyëjkëty ets xy'ënëëmëty, ko wä'än t'ijxmujkta'ay yë meeny mëti'ipë jap tsajptëkoty yë ja'ay myëmiintëpën ets näjyëtu'un mëti'ipë të tyajmuktën ma ja'ay jam kyëpätën tsajptëjk ëkë'ëm,

2 Reyes 17:16

Wa'ats tja'atyëkooytyääytyë ja Wintsën ja y'ënä'ämën tyiyajtën ets ojts tyajkojtë mäjtsk ja tsajpkaa aak pujxnëmpë; ojts tyajnikojtu'utë ja Aserá, ja mëtsa'a ets Baal.

1 Reyes 19:18

E kajts ënät ntimy ëna'anmëty ja'ay tyim o'kta'aja'antë, nyajwë'ëmäämpyës jam ma Israel kajpnën niwëxtujk mil yë ja'ay mëti'ipë ka'ap të twinkoxtänëtën yë Baal ets nän ka'ap të tsu'kxtë.

1 Reyes 18:40

Ënet ja Elías y'ënëmaayëtë: Majtsta'atë mëti'ipëjaty myëtuuntëpën yë Baal. Nitu'uk xyjyaakyajkä'äktëty. Tä tjanty myajtstaaytyë ets ja Elías ojts tyajnëjkta'ay jam ma ja wokjot txëëwatyën Quisón jamts tkupujxtaay.

1 Reyes 18:26

Ënet ojts ja tsajpkaa tyaj'ooktë ets tsujktaktë, mëti'ipë ënety të yajmo'otën, tä tyëjkëtyë nu'kxtakpë ma ja wyintsënëtyën, jopyëp tyajtso'ontaktë tyimkujky xyëëwëy jëtu'un, tjanty myëpëjktsowtë ja Baal. Tyaa jyänty y'ëna'antë: Ëtsoowinpijtëk ëëtsëty Baal, na'ëwtity jyänty nyëpujt jyänty yujkpujtë jam ma ja wintsë'këntyakn, nimaa tii kya'ëtsoy.

1 Reyes 18:19

Yë'ë yam mijts ntuk'ënëëmëjäämpy ets xykyäxëty yë mja'ay wä'än tyajtu'ukmujkta'ay yë ja'ay jam ma kopk txëëwatyën Carmel ets jam näjyëtu'un nyäwya'këxë'ëkëtëty yë ja'ayëty nimajktaxk mëko'px ja wëxtyikxy majkpë mëti'ipë yë Baal myëtuuntëpën ets näjyëtu'un yë nimajktaxk mëko'px ja wëxtyikxy majkpë ja ja'ayëty mëti'ipë myëtuuntëpën yë Aserá, mëti'ipë yë Jezabel myëët'ajtypyën ets yajkääpy yaj'ukpyën.

1 Reyes 16:31

jä'ä ko yë'ë ka'ap ojts ninu'un tmëkjawë ko nän yë'ë ja poky tyuunpy mëti'ipë ja Jeroboam tyuunën, Nabat yë myaank. Ni'ik yë'ë, jä'ä ko ojts mëët pyiky ja Jezabel, yë nyëëx yë Et-baal, mëti'ipë yajkutujkpën jam Sidón ets ojts t'ëwtajnë ja Baal.

1 Reyes 12:29

Ënet tu'uk jam tpëjktäky Betel ets tu'uk jam Dan.

2 Samuel 15:23

Aak jëëy aak yaxtëp ënätyëty. Ojts tuknaxtë ja nëë wok mëti'ipë yajtijpën Cedrón; tä ojts näjyëtu'un nyäxy ja yajkutujkpë ets ja ja'ay pyanajxëtë jam ma tu'u nyijkxyën të'ëts'itjotm.

Jueces 2:13

Ojts t'ëxmajtsnëtë ja Wintsën mëët ko ja wiink tios ojts tpanëjkxtëjkënyëtë tä ja tiosën mëti'ipë tyijtëpën Baal ets ja Astarté.

2 Reyes 21:5

Ojts näjyëtu'un ëpëky wiinkpë wintsë'këntyakn tyaj'oyë, jap ma ja tsajptëjkwiinën ma yaj'ëwtatëtyën ja xëëw po'o.

2 Reyes 23:12

Jyijtë'ktaay ja wintsë'këntyakn, jampë yajpaatën ma Acaz yë tyëjk kopkën mëti'ipë ja Judá yajkutujkpë kyojtën ets ja wintsë'këntyakn mëti'ipë ja Manasés kyojën jam tsajptëjk'ëkë'ëm, wa'ats tukjijtëtyääy ets ja naaxmaj aakjam t'ixko'owtaay ma ja Cedrón wokjotmën.

Ezequiel 8:6

Etsës të xy'ënëëmë: ¿M'ijxyp wi'ix ëxëëk y'ëtë'ëtstë y'ëna'antën yë Israel ja'ayëty, mëti'ipës yë ntsajptëjk xytyukmëjëkämkäktëpënë? Ets tyam wiinkpë xy'ixëty mëti'ipë ni'ik ëxëëkën.

1 Reyes 15:13

Ojts ja nyanwelë tpëjkë ja kyutujkën, mëti'ipë xyëëwajtypyën Maacá, jä'ä ko yë'ë ënety të tyajkutuky ets kyojëty ja y'awinax ja Aserá, Asá ojts tyajkutëkoy tääpë awinax, jam tnino'ky ma tu'uk wokjot txëëwatyën Cedrón.

2 Reyes 10:26

ets tukpu'ujëtyääytyë winë, tuktëjëtyääytyë ja kepyëty ets nino'ktaaytyë mëti'ipë ëmaay tyijtëpën.

2 Reyes 12:10

E ko ijty t'ixtë tëë ja kaaxë y'utsy mëët ja meeny, ënät ja jääpyë myiny mëti'ipë mëët ja yajkutujkpë tyunyën ets mëët ja teety wintsën tmëtyoy ja meeny mëti'ipë jap nipäjtpën tsajptëkoty; jap tpëjkta'aktë ma tu'uk ja apëjkënën,

2 Crónicas 15:16

Ëpëky ja Asá ojts tpëjkë ja Maacá kyutujktakn ma ënety yajpaatyën jëtu'un tä tu'uk nanwelën ma kutujktaknën, mëët yë'ë ko ojts yë Maacá tni'ënä'ämëpë ets yajkojëty yë Aserá y'awinax. Asá tyuka'tsëtyääy ya'atë awinax, xit ko'ow tuuntaay ets jam tyajnitooy wokjotm ma txëëwatyën Cedrón.

Sofonías 1:4

Nnixajë'ëkäämpyës yë Judá kajpn ets ja'ayëty mëti'ipë jam tsënaaytyëpën ma Jerusalén kajpnën. Njëpëjkta'ajäämpyës yë Baal y'awinax ets myëpëjkpëtëjk ma ya'atë itjotmën ets yë'ëpaat yë nyiteetytyëjkëty.