2 Reyes 23:2 - Biblia Dc en Mixe de Quetzaltepec

² Ja yajkutujkpë ets ja ja'ayëty jampë kyukajpn'atën Judá ets Jerusalén, ja teetytyëjkëty, ja Wintsën ja myëtuunpë ets tëkokyë ja naax kajpn mëjpë mutskpë; ni'ëmukë nyëjkxtaaytyë ma ja Wintsën ja tsyajptëjkën. Jam ja yajkutujkpë ojts tkäjpxy ja noky mëti'ipë myë'ijtypyën ja käjpxytyu'unën japë të yajpaatyën ma ja Wintsën ja tsyajptëjkën.

Biblia Mixe de Quetzaltepec

² Ja yajkutujkpë ets ja ja'ayëty jampë kyukajpn'atën Judá ets Jerusalén, ja teetytyëjkëty, ja Wintsën ja myëtuunpë ets tëkokyë ja naax kajpn mëjpë mutskpë; ni'ëmukë nyëjkxtaaytyë ma ja Wintsën ja tsyajptëjkën. Jam ja yajkutujkpë ojts tkäjpxy ja noky mëti'ipë myë'ijtypyën ja käjpxytyu'unën japë të yajpaatyën ma ja Wintsën ja tsyajptëjkën.

2 Reyes 23:2 ပူးပေါင်းရင်းမြစ်များ

2 Reyes 22:8

Tä ja Hilquías, mëti'ipë teety wintsënën, tukmëmëtyäky ja Safán, mëti'ipë ja noky kyëwent'ajtypyën ma jap winë myiinta'ayën kuja'ay, ko tëë ënety tpaaty tu'uk ja noky jap tsajptëkoty ma myinyën kuja'ay ja ënä'ämën tëyajtën ets tukë'ëtëjkëy ja Safán ets ojts tkäjpxy.

Apocalipsis 20:12

Ets n'ijxyës ja o'kpë jam tyänëtë mëj mutsk kutujktakn wintum. Tääts ja noky ojts yaj'akëëywyä'kxy ets yaj'ixy wi'ix të tyuntën nitu'ukjaty, ets näjyëtu'un wiinkpë noky ojts yaj'akëëywyä'kxy ma ja ja'ay ja xyëëw jap y'itën mëti'ipë xëmëkyëjxm juuky'ajtëpën. Jëtu'unts ja o'kpë ni'ëmukë yajpaye'eytyë.

Hechos 26:22

E tyampaatës ja Dios xypyutëkë, paatyës ja y'aaw y'ayuk ntuk'ëwaanë ja ja'ay mëj mutsk. Nijëna'ajës ja aaw ayuk wiinkëtypë të nkanikäjpxy, yi'iyës nnikäjpxyp wi'ix ja Dios ja kyäjpxynyajxpë ets ja Moisés y'ënantën ets tyunëtëty jyatëtëty,

Salmos 115:13

Kyënu'kxäämpy mëti'ipë wiinkutsë'këyëpën, wä'än yë'ëjëty mëjpë mutskpë.

Job 3:19

jap naaxpa'tkë'p tu'knax ja'ay jap yajpaaty, wä'än tmëjëty tmutskëty. Yë mëtuunpë mëti'ipë ëxëëk yë wyintsën të tyunyën jap tpaaty yë jotkujk'ajtën mëti'ipë ka'ap të tpaatyën ma të jyuuky'ätyën.

Ester 1:5

Ko jëtu'un y'ëkkëjxy y'ëknajxy, ënät wiinkpë ja ka'ayën ukën tnipëjktakëy mëti'ipë jäjkën wëxtujk xëëw. Jam ja xëëw tyuunë tëjk'ëkë'ëm ma ja kutujkëntëjkën. Tëkokyë ja ja'ayëty mëti'ipë ënety jam tsënaaytyëpën ma ja Susa kajpnën. Wa'ats yajwoowtaaytyë; wä'än yë'ëjëty ja ja'ay mëti'ipë mëj'äämpyën ets ka'apë myëj'äämpyëtyën.

Nehemías 13:1

Jä'ä xëëw ojts yajkäjpxy ma ja mayjyä'äyën ja Moisés ja nyoky, jam yaj'ijxpaty ko yë Amón ja'ayëty ets Moab ja'ayëty ka'ap mëpaat tsyënaaymyuktë mëët yë nTios'ajtëmë yë nyaax kyajpnëty.

Nehemías 9:3

Tëkëëk yaxp jëtu'un tsyënaaytyë jam ma ënety yajpaatën, jä'ä ko jëtu'un ojts pyo'oxy ma ja noky yajkajpxtaayën, ma myinyën kuja'ay ja Wintsën, Wintsën, ja y'ënä'ämën tyiy'ajtënën, tëkëëk yaxp ojts tmaaywyatstë ja pyokyëty, ets ja tyuuntëko'oy kyajpxtëko'oyënëty ets jëtu'un t'ëwtajtë ja Wintsën.

2 Crónicas 17:9

Tä tukmëkäjxëy ja noky ma ja Wintsën ja y'ënä'ämën tyiyajtën myinyën këxja'ay ets ja ja'ay tuk'ijxpëktëty mëti'ipë jam tsënaaytyëpën Judá ets ma tëkokyë Judá kajpnën. Ojts jëtu'un tjantytyuntë ojts t'aye'eytya'atë ja naax kajpn.

2 Crónicas 15:13

Ojts tkäjpxy'atë ma Wintsënën: pën ka'ap tmëj'ixy ja Wintsën, mëti'ipë ja Israel ja'ayëty y'ëwtajtëpën, mëjpë mutskpë, ye'etyëjkpë to'oxytyëjkpë, kopkpëky ko y'ookëty.

1 Reyes 8:9

Jap kaaxëjoty yë'ë jap ja majkpë ënä'ämën kuttujkën mëti'ipë tsaakëjxy miinpën këxja'ay mëti'ipë Moisés y'ëxajëyën jam Horeb, jampë ojts yajkëxja'ayën ko Wintsën ja käjpxytyu'unën tuuny mëët ja Israel ja'ayëty.

1 Samuel 30:2

Ojts tsuumta'atë ja to'oxytyëjkëty, pi'k ëna'këty ets ja mëjja'aytyëjkëty, je'eyëp ko je'eyë ojts tmënëjkxtë, ka'ap tjayaj'o'ktë.

1 Samuel 5:9

E ko jam tyajtso'ontë, Dios mëk ojts jam ja ëyo'on tyajkëtä'äky ma ja naax kajpnën. Jä'ä ko wa'ats ja ja'ayëty ojts pya'ampäjta'atë mëët ja ki'ix pa'am ets ja pu'uts pa'am; ojts pya'ampäjta'atë mëjja'ay, mutskja'ay.

Deuteronomio 31:26

Ya'atë noky jam nëjkx xypyëjktä'äky kaaxëpë'am, mëti'ipë myë'ijtypyën ja käjpxytyu'unën. Yë'ë mtuk'ixtëp ets mtukja'amyätstëp ko ënety ja ëxëëktu'un ëxëëkajpxën jä'ä xypyanëjkxtëjkënyëtë.

Génesis 19:11

Tu'kë'ëyë ojts wyë'ëmta'atë ja ja'ayëty wiints jënu'un yë mëj ëna'këty ets mutsk ëna'këty, ojts y'ënu'kxëtyääynyëtë ko tjajanty'ixtaaynyëtë ja tëjk'aaw.

Jeremias 34:8

Ojts ja Wintsën tmëkäjpxy ja Jeremías, tëë ënety ja Sedequías yajkutujkpë tuny tu'uk ja käjpxytyu'unën mëët ja mayjyä'äy mëti'ipë kukajpnajtëpën jam Jerusalén, yë'ë ënety të tkäjpxy'atë ets tyaj'ëwaatsëpëtsëma'antë ja ëyoopë mëtuunpë.