2 Reyes 22:4 - Biblia Dc en Mixe de Quetzaltepec

⁴ Nëjkx xy'ixy yë Hilquías, mëti'ipë nyikopk'ajtypyën yë teetytyëjkëty ets xy'ënëëmëty, ko wä'än t'ijxmujkta'ay yë meeny mëti'ipë jap tsajptëkoty yë ja'ay myëmiintëpën ets näjyëtu'un mëti'ipë të tyajmuktën ma ja'ay jam kyëpätën tsajptëjk ëkë'ëm,

Biblia Mixe de Quetzaltepec

⁴ Nëjkx xy'ixy yë Hilquías, mëti'ipë nyikopk'ajtypyën yë teetytyëjkëty ets xy'ënëëmëty, ko wä'än t'ijxmujkta'ay yë meeny mëti'ipë jap tsajptëkoty yë ja'ay myëmiintëpën ets näjyëtu'un mëti'ipë të tyajmuktën ma ja'ay jam kyëpätën tsajptëjk ëkë'ëm,

2 Reyes 22:4 ပူးပေါင်းရင်းမြစ်များ

2 Reyes 12:4

Tëkok yë Joás, t'ënëmaay ja teetytyëjkëty: Yajmuktë tëkokyë ja wit meeny mëti'ipë yë ja'ayëty myëmiintëpën jap tsajptëkoty, mëti'ipë yojxtëpën ets mëti'ipë nätyukukëpäjtëtëpën ets tëkokyë ja mëti'ipë wyaantaktëpën jap tsajptëkoty ets ja Wintsën tukmëjjawëtë, ets xy'amëtowtëty yë ja'ayëty mëti'ipë jap winë y'ijxtëp tyuuntëp tsajptëkoty wä'än t'a'o'oyëtyä'äy winë mëti'ipë jap tuunpën.

Salmos 84:10

Tsoowpatp ni'ik ja tu'kxëëwpë nyajpaatyës tsajptëkoty, këtiinëm koos jeexyë jëmëjt'am nyajpaaty tëja'p. Ëjts jotkujkës näjyawëtëty oy jeexyë je'eyë ntimy tyëjkëwent'ajtpës ma ja tsajptëjk yajnitëkën, ets këtii koos ënety ëxëëktum nyajpaaty.

Nehemías 11:19

Ja mëti'ipë ja tsajptëjk'aaw këwent'ajtëpën jä'ä xyëëwajtë: Acub, Talmón ets ja myëku'uktëjkëty jä'ä nyiwinë'atë mëko'px ja tëkë'px mäjtsk.

2 Crónicas 8:14

Ojts näjyëtu'un ja tuunk tyajwa'kxta'ay jëtu'un tä ënety ja tyeety David të tni'ënä'ämën ets ja teetyëjk yi'iyë ja tyuunk tyajtu'uye'eytyëty ets ja Leví ja'ayëty jä'ä wyin'ëw wyinya'axtëp ja Wintsën ets ko muum tputëkëtëty ja teetytyëjkëty ma muum myëyätyën. Ojts näjyëtu'un tyajwä'kxy ja tuunkj ets tpëjktaktaay ja ja'ay maajaty ja tëjk'aaw yaj'atänëja'anyën, jä'ä ko jëtu'un ënety ja David të tuknipëjktaakë, mëti'ipë ja Wintsën ja'ayajtën.

1 Crónicas 9:19

Salum, myaank yë Coré, myaank yë Ebiasaf, myaank yë Coré ets ja jyiiky myëku'ukëty mëti'ipë Coré jyä'äy'äjtypyën; yë'ë yajtuknipëjktë ets t'ijx'it tkëwent'atëty ma yajnitëkën ja tsajptëjk, jëtu'un tä ënety tëëyëp ja y'ap y'okëty të tkëwent'atën ja tëjkëtyakn ma yajnitëkën ja Wintsën ja jyëën tyëjk witnikojpyë.

1 Crónicas 9:11

Azarías, myaank yë Hilquías, myaank yë Mesulam, myaank yë Sadoc, myaank yë Meraiot, myaank yë Ahitub, mëti'ipë jap mëj'äämpy tuumpën ma ja Wintsën ja jyëën tyëjkën;

1 Crónicas 6:13

Salum yë'ë teety'ajtë Hilquías, Hilquías yë'ë teety'ajtë Azarías,

2 Reyes 18:18

Ënet ojts tmëkajpxtë ja Judá yajkutujkpë, tääts pyëtsëëmtë ja Eliaquim, yë myaank yë Hilquías, mëti'ipë ënety ja kutujkëntëjk kyëwent'ajtypyën ets ja Sebná, mëti'ipë jääpyën ets Joah, yë myaank yë Asaf, mëti'ipë mëët ja yajkutujkpë tyunyën mëti'ipë jyääpyë'ajtypyën ets mëët myëtyaktë ja Asiria ja'ayëty.