2 Reyes 22:19 - Biblia Dc en Mixe de Quetzaltepec

¹⁹ ets mëët ko të xyjyä'äkyukë wi'ixës ëjts n'ëna'anyën, ja naax kajpn ets ja ja'ayëty mëti'ipë jam tsënaaytyëpën, ko o'ktëy jyata'antë ets poky y'ita'antë ets ko tëë ja mwit mtujkxy xykyë'tsta'ay mëët ja jotmay ets të mjë'ëy të myä'äxy ëjts nwintuuyës; tëëjës n'amëtoow'ity ets tëëjës nja'akyukë. Ëjts, mëti'ipë Wintsën'ajtpën, jëtu'un yam n'ënëëmë:

Biblia Mixe de Quetzaltepec

¹⁹ ets mëët ko të xyjyä'äkyukë wi'ixës ëjts n'ëna'anyën, ja naax kajpn ets ja ja'ayëty mëti'ipë jam tsënaaytyëpën, ko o'ktëy jyata'antë ets poky y'ita'antë ets ko tëë ja mwit mtujkxy xykyë'tsta'ay mëët ja jotmay ets të mjë'ëy të myä'äxy ëjts nwintuuyës; tëëjës n'amëtoow'ity ets tëëjës nja'akyukë. Ëjts, mëti'ipë Wintsën'ajtpën, jëtu'un yam n'ënëëmë:

2 Reyes 22:19 ပူးပေါင်းရင်းမြစ်များ

Salmos 51:17

Yë'ë Dios wyintsë'kën'ajtyp jot ja'awën yu'unkpë naxymyëpë, Mijts Dios, ka'ap xy'ixtijy yë jot ja'awën mëti'ipë näjya'awëyëpën piw nuuk.

1 Reyes 21:29

¿Tëë xy'ixyë wi'ix yë Ahab yë jootwinpijtën të tmëët'atyë ets wi'ix ëmaay amutsk të nyäpyëjktä'äkyë ma ëjtsënë? Mëët yë'ë ko të mjootwinpity ets ëmaay amutsk të mnäypyëjktä'äkyë ma ëjtsën, yë'ë ets jyiiky myëku'uk ka'apës wi'ix ntuna'any ma tyam jyuuky'ätyën, jäänëm tëy nëjkx ja ëyo'on nyajkëtä'äkyës ko ënety yë'ë ja myaank jyuuky'äty.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Éxodo 10:3

Moisés ets ja Aarón ojts jam nyëjkxtë ma ja yajkutujkpën ets t'ënëmaaytyë: Jëtu'un y'ënä'äny ja Wintsën mëti'ipë yë hebreo ja'ayëty Tyios'ajtëpën ¿jëna'a jëtää miitsëty yu'unk naxym m'ëk näpyëjkta'akëtëty maas ëjtsën? Ëxmajtskës yë nnaax nkajpn wä'änës min xy'ëwtaty.

Miqueas 6:8

Tëë yë Wintsën m'ënë'ëmxëty mijts naaxwiinyëtë ja'ay, mëti'ipë oyën ets tii y'ëwxijtypyën jeexyë xytyuny: oy winë xypyaye'eyëty, mëtëy mja'ay'atëty ets mwinkutsë'ëkëp, yu'unk naxym ja Dios xymyëtunëty.

1 Samuel 24:5

E ko jëtu'un t'ëkputsujky ja Saúl ja wyit, ënät ojts jatëkok kë'ëm tmëmay tmëtajy,

Lucas 19:41

Ko t'ijxpaty ja Jerusalén kajpn jam winkon, tääts ja Jesús niyäxy,

Jeremias 44:22

E yë Wintsën ka'ap t'ëkmëmëtaknë miitsëty ja m'ëxëëktu'un m'ëxëëk kajpxënëty mëti'ipë yë'ë wyiink'ijxypyën. Paatykyëjxm yë mnaax mkajpnëty tyam yajpaaty xit ko'ow ets ni pën jam kya'ëktsënaaynyë; tääts ijxpät të y'awinpity ko tëë yajpoky ets ko yë'ë je'eyë yajtsë'k yajja'awënë.

Isaías 66:5

Mëtoow'itë ja Wintsën ja y'aaw y'ayuk, miitsëty ninu'un xymyëj'ix xymyëjpëjkta'aktën ja y'aaw y'ayuk. Tä naakën mjëëky mmëku'ukëty mëti'ipë mwiink'ijxëtëpën, mëti'ipë m'ixjëtijt mpajëtijtëtëpën ko xykyajpxpaatë yë nxëëwës ets y'ëna'antë: Wä'än yë Wintsën tyaj'ixyë yë myëj'ajt y'oyajtën; n'ixantëpës. Je'eyëp ko yë'ëjëty nëxi'iky tukxi'iky wyë'ëma'antë.

Jeremias 26:6

ënätës ya'atë tsajptëjk jëtu'un ntuna'any tä jam Siló jyäjty kyëpejtyën ets nëjkx ijxpäjtën wyi'imy ko të yajpoky ma wiinkëtypë naax kajpnën mëti'ipë naaxwiinyëtë yajpatëpën.

Isaías 66:2

Ëjts ojts winë nyajkojta'ayës, ets jëtu'un ojts tsyo'onë'ëky tsyo'ontä'äky. Ëjts, Wintsën, ëjts ënaanp.

2 Crónicas 33:12

E ko nyäjya'awëyë mëj këjää jyotmaypyatnë, ënät ja Wintsën ojts tmëkäjpxy winë aaw winëjot, tä nyäpyëjktakë ëmaay amutsk ma ja Wintsënën, mëti'ipë ja y'aptëjk y'ëwtajtën.

2 Crónicas 33:19

Ja wyaantak nyu'kxtakën ma Wintsënën, wi'ix ja Wintsën y'ëtsoowën; ja nyëë pyoky ets wi'ix ojts tkojyën kanaak ja awinax; ja naaxpotsy ets ma tnikojyën ja ëxëëkpë; ma tpëjktäkyën ja Aserá y'awinax, ma ënety ka'ap jyotwinpitynyëmën; jap myiinta'ay kuja'ay ma ja nyokyëtyën ja ja'ayëty mëti'ipë ja Wintsën myëtuuntën.

2 Reyes 20:5

Wimpit ets ënëëmë yë Ezequías, mëti'ipë nyiwintsën'ajtypyën yë nnaaxës nkajpnës: Yë Wintsën, mëti'ipë m'apteety David y'ëwtajtën, jëtu'un y'ënä'äny: Tëës nmëtoow'ity ja mjëëytyak mnu'kxtakën ets mjë'ëyën myaxën. Oy'atëp, tyam nyajtso'okëty, ko jyatëkëëk xëëw'atëty jyëkyäpëp mnëjkxëty ma tsajptëjkën.

Nehemías 1:4

Koos nmëtooy jëtu'unpë ja ayuk, jëtu'unyës ntimjyënuuntaay ets jämyë nyaaxwe'tsy täätsës ntëjkëy yaxpë, kanaak xëëw nmoony ntukjkyës, ojtsës n'ayuu'aty ets nmëjëëytyäky nmënu'kxtäkyës ja Wintsën jampë tsajpjotm y'ityën tsyëënën.

Esdras 10:1

Tam ënety ja Esdras jyiiytyä'äky nyu'kxtä'äky koxtänë ma Wintsën Tiosën jam tsajptëkotm, ko nyimiinë ja Israel ja'ayëty ye'etyëjkpë to'oxytyëjkpë, näjyëtu'un tyëjkëtyë jëëytyakpë nu'kxtakpë.

2 Crónicas 33:23

Je'eyëp ko yë'ë ka'ap jyotwinpijty ma Tiosën, jëtu'un tä ja tyeetyën Manasés, ni'ikyë ojts ja pyoky tyajmayë.

2 Reyes 22:11

Ko ja yajkutujkpë tmëtoow'ijty ya'atë ja aaw ayuk mëti'ipë nyikäjpxypën ja noky, tääts tkë'tstaay ja wyit mëët ja amay jotmay,

2 Reyes 19:20

Ënet ja Jeséas tkäjpxynyikejxy ja Ezequías ets t'ënëmaay: Jëtu'un yë Wintsën y'ënä'äny, mëti'ipë yë Israel ja'ayëty y'ëwtajtëpën: Tëës nyajnaxy ja m'amëto'ow mpëjktso'owën ma xynyikäjpxyën ja Senaquerib, mëti'ipë jam yajkutujkpën Asiria.

Jueces 20:26

Ënet jatëkok ojts nyëjkxtaaykyojnëtëpë ja tsiptuunpëtëjkëty ets tëkokyë ja ja'ayëty jam Betel ets jyiiytyë yaxtë Dios wintum mëët ko ënety may ja myëku'uk të y'o'kojnëtëpë. Tu'kxëëw yajxon ka'ap kyääytyë y'uktë ets ja Wintsën tmooytyë ja wyintsë'kën ma tuntën mëët ja näy'ëëw'oy näykyajpx'oyë.

Deuteronomio 29:23

Ets t'ixtëty ko ja naaxwiinyëtë je'eyë ënety të y'awinpijnë naaxwayën, naaxtooyën ets kaanën. Ka'ap nëjkx tjëkyepy wi'ix pën nyi'ipëtyën ets nitii'aay nitii'ujts nëjkx kyayony, jëtu'un jyata'any tä jam Sodomë ets Gomorra jyäjty kyëpejtyën ets jam Admá ets Seboím mëti'ipë ja Wintsën yajkutëkooyën ko tukjoot'anpëjky.

Ezequiel 9:4

ets të t'ënëëmë: Tukjëtijtëtya'a yë Jerusalén kajpn ets xypyëjkta'akëty tu'uk yë ijxpäjn ma wyimpokëtyën yë ja'ayëty mëti'ipë moontëp tujktëpën ko ja ja'ay ëxëëk y'ëtë'ëtstë y'ëna'antë jap kajpnjoty.

Jeremias 36:24

Yë yajkutujkpë ets ja wintsëntëjkëty mëti'ipë myëtoowtën wi'ix ja noky axaatsy jyä'äyëtyën, nijënu'un kyatsë'këtyë ets nitii tkamëkja'awëtyë.

Jeremias 14:17

Jëtu'un xy'ënëëmëty ja naax kajpn: Wä'än tka'ay yë nwiinnëëjës xëëny koots janaam jatsojk, mëët ko ja ëyo'on jotmay ja nnaax nkajpnës tyukminyë, ko tsyëtyuta'any mëjwiin këjää.

Jeremias 13:17

Pën miitsëty ka'ap mja'akyukëtë, je'eyës një'ëja'any nya'axa'any ame'tsyë mëëtkyëjxm ja m'amëj'ajt m'akëjxm'ajtënëty; nwiinnëëjës je'eyë ka'ajaanp koos ënety n'ixy ntuny wi'ix ja Wintsën ja nyaax kyajpn yajmënëjkxyën tsumy matsy wiink naax wiink kajpn.

Jeremias 9:1

Jëtu'unpëk jeexyë yë nwiinës tä nëëkopkën ets nwiinnëëjës nëëkapën, jyëkyejpy jeexyë xëëny koots nijë'ëy niyä'äxyës yë nmëkunaax nmëkukajpnës mëti'ipë të y'ooktë.

Isaías 46:12

Mëtoow'itë ya'atë aaw ayuk, miitsëty mëti'ipë ka'ap mëpaat pën wi'ix m'ënë'ëmxëtën, mëti'ipë ënantëpën ko tsip ja nitsokën yajpaaty:

Salmos 119:136

Komkomëty yë nwiinnëëjës pyëtsimy tä yë mëjnëë pyëyi'ikyën mëët ko ja naaxwiinyëtë ja'ay ka'ap tpatuny ja m'ijxpëjkën.

Salmos 119:120

Tsëyuupyës yë njot nini'kx mijts mwintuuy mëët yë tsë'ëkë. Ëjts nwinkutsë'këpës yë m'ënä'ämën mtëyajtën.

Nehemías 8:9

Ko ja ja'ay tmëtoow'ijtë ja ënä'ämën ets tja'akyujkëtyë wi'ixjaty y'ënä'änyën tä tyëjkëtyë jëëpyë yaxpë, ko jëtu'un t'ijxy ja yajkutujkpë Nehemías ets ja yaj'ijxpëjkpë Esdras ënät t'ënëmaaytyë ja naax kajpn ko këtii myontëty tyuktëty jä'ä ko ja xëëw po'o jä'ä ënety ja Wintsën të yajtuknipëjktaakë ets jää yajmëjjaw yajaantyjyawëty.

2 Crónicas 34:27

ets ko tëë xyjyotmaypyiky ja aaw ayuk mëti'ipë të xymyëtoyën mëti'ipë ënety tunan jatanëpën ma mijtsën ets ma ya'atë naax kajpnën ets mëët ko tëë xyjyotmayjyawë ets të mjë'ëy të myä'äxy; ëjts nän tyamës n'ijxkuk nja'akyukë tëkokyë ya'atë. Jëtu'unës ëjts n'ëna'any, mëti'ipë Wintsën'ajtpën.

2 Crónicas 32:26

E yë'ëjëty oy jëtu'un y'ëktëkooytyë, ojts jatëkok ja Wintsën tmëpëjktsowtë ets ojts pyokymyä'kxëtë ets ka'ap wi'ix tyuunëtë, mapaat ja Ezequías jyuuky'äjtyën.

Salmos 51:19

Jäänëm xy'ëxajëty ja wintsë'kën mëti'ipë myajmoopyën, tä yë jëyujk tsajpkaajën, jëëntë'ëtspë; jäänëm myajtukwintsë'ëkëty ja tsajpkaa ayääkë ma mwintsë'këntyaknën.

Jeremias 36:13

Ënet tyukmëmëtyakëtë yë Micaías ja aaw ayuk mëti'ipë ënety të tmëtoyën tkäjpxy ja Baruc ma ja naax kajpnën.