2 Reyes 22:13 - Biblia Dc en Mixe de Quetzaltepec

¹³ Nëjkx mëpëjktsowtë yë Wintsën, mëët ëjts, mëët yë naax kajpn ets mëët tëkokyë mapaat yë Judá naax kam tnitänën ets xyajtëwtëty wi'ix tyaapë noky y'itëty mëti'ipë të yajpaatyën ets mëti'ipë nyimëtyäkpyën; wä'änxyëp yë Wintsën mëk xytyukjoot'anpëjkëm, ko ja nteety'ajt n'ap'ajtëm ka'ap të tpatuntë ets ka'ap ojts tmëjpëjkta'aktë ijxtëm ya'atë noky tjanikäjpxyën.

Biblia Mixe de Quetzaltepec

¹³ Nëjkx mëpëjktsowtë yë Wintsën, mëët ëjts, mëët yë naax kajpn ets mëët tëkokyë mapaat yë Judá naax kam tnitänën ets xyajtëwtëty wi'ix tyaapë noky y'itëty mëti'ipë të yajpaatyën ets mëti'ipë nyimëtyäkpyën; wä'änxyëp yë Wintsën mëk xytyukjoot'anpëjkëm, ko ja nteety'ajt n'ap'ajtëm ka'ap të tpatuntë ets ka'ap ojts tmëjpëjkta'aktë ijxtëm ya'atë noky tjanikäjpxyën.

2 Reyes 22:13 ပူးပေါင်းရင်းမြစ်များ

2 Reyes 23:26

Yë Josías ojts winë oy tjatuny, ja Wintsën kä'äpyëm xye'emy ja tsyip y'äkë, mëët tä ënety mëj këjää të tyimmëtëkoyën ja Manasés ma ja Judá ja nyaax kyajpnën.

2 Reyes 3:11

Tä Josafat tyajtëëy: ¿Yaa ka'ap maa ja'ay mëti'ipë Wintsën myëtuunpyënë, tääts jeexyë yë'ë nyajtë'ëwëm tii tunan jatanëp? Tääts ojts tu'uk ja ja'ay y'ëtsoy, yë'ë yajkutujkpë ja tsyiptuunpë wintsën: Tyaa yë Elisejë, yë myaank yë Safat, mëti'ipë ijty mëët jyëtityën yë Elías.

2 Crónicas 29:6

Jä'ä ko ja n'ap'ajt nteety'ajtëmë ka'ap ja Wintsën tmëj'ijxtë, ëxëëkëty winë tuuntë ma Wintsënën ets ojts tpuwa'ktutnëtë. Ka'ap ojts ja Wintsën t'ëktuk'ijxpäjnëtë, wiinktsow ja jyot wyinma'any ojts tpëjktaknëtë, tääts jëtu'un ja jyëën tyëjk tukwa'ats t'ëxmajtsnëtë.

2 Crónicas 34:21

Nëjkxtë timtyämyë yajnitëwëtë Wintsën mëët ëëtsëty ets mëët ja ja'ayëty mëti'ipë tsënaaytyëpën jam Judá, wi'ix ko ya'atë noky jëtu'un kyäjpxy; jä'ä ko wä'änxyëp yë Wintsën mëk ëëts'ajtëmë të xytyukjoot'anpëjkëmë mëët ko ja n'ap'ajt n'ok'ajtëmë ka'ap ojts tmëjpëjkta'aktë ja Wintsën ets ka'ap jëtu'un tuuntë tä ja ënä'ämën tëyajtën myinyën.

Nehemías 9:3

Tëkëëk yaxp jëtu'un tsyënaaytyë jam ma ënety yajpaatën, jä'ä ko jëtu'un ojts pyo'oxy ma ja noky yajkajpxtaayën, ma myinyën kuja'ay ja Wintsën, Wintsën, ja y'ënä'ämën tyiy'ajtënën, tëkëëk yaxp ojts tmaaywyatstë ja pyokyëty, ets ja tyuuntëko'oy kyajpxtëko'oyënëty ets jëtu'un t'ëwtajtë ja Wintsën.

Salmos 106:6

Tëës näjyëtu'un npoky tyuntë tääjës ja nteety n'apëtyës; tëës ja njot nwinma'any kyëxtëkoytyë, ets ja ëxëëkpë të ntuntës.

Salmos 25:14

Yë Wintsën y'oyjya'ap yë ja'ay mëti'ipë mëjpëjktakëpën, ets tyuknija'ap ja käjpxytyu'unën.

Salmos 76:7

Mijts mkutsë'ëkë oy. ¿Pën mëpaat m'ëk wiinkuwa'akëty ko mjoot'anpëky?

Salmos 76:8

Jam tsajpjotm jampaat xyajnikëxë'ëky wi'ix winë xynyipaye'eyën; yë naaxwiinyëtë tsë'këp ja'awëp yë'ë paaty tu'k'ityë y'ity.

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Dios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Proverbios 3:6

Dios yë'ë mtimjyotnakon'atëp oy tii xytyimtunëty, ets yë'ë myajnëjkxëtëp ma ja tu'ujën mëtëypyë.

Isaías 5:25

Paatykyëjxm yë Wintsën të tukjoot'anpëky yë nyaax kyajpn, tëë tnipëtë'ëky ets tëytyuny. Tëë ja ëyo'on jotmay y'ity mëjwiin këjää jam tunjotm, xii yaa muum ja o'kpë të kyä'äy në'ëjoty tu'ujoty tä pu'uxmën. E ja Wintsën ja y'äkë tyoyë ka'ap xyeemnyëm, je'eyëm ja ëyo'on jotmay tyaj'ity.

Jeremias 16:12

E miitsëty nän wäänë o'ktëy të m'ëtëtsnëtë këtiinëm ja m'ap m'okëty, nitu'ukjaty aakjëtu'un winë të xytyuunëtë tä kë'ëm mmaytyën mtajtën ets ka'apës të xymyëmëtowtë.

Jeremias 36:7

wä'änxyëp tmëpëjktsowtëty yë Wintsën ets tyaj'oyëtëty yë jyot wyinma'any ets tyu'unënëty kyajpxënëty, jä'ä ko yë Wintsën tëë tukjoot'anpëky ya'atë naax kajpn.

Jeremias 37:17

Yë Sedequías yajkutujkpë ojts tni'ënä'ämë ets Jeremías yajmënëjkxëty jam ma kutujkëntëjkën. Ko jam jyä'äjty ma ja yajkutujkpën, ënät ame'tsyë yajtëëwë: ¿Jam tii ayuk xymyëëtëtyë mëti'ipë Wintsën të mmo'oyënë? Ets ja Jeremías y'ëtsooy: Tyapës ayuk nmëëtëty ets jëtu'unës yë Wintsën të xy'ënëëmë: Mijts jam myajkë'ëyaka'any ma Babilonyë yajkutujkpën.

Jeremias 44:17

Ni'ikyës njaaktuuna'antë ja mëti'ipës xëmë ntuuntëpën. Ntukwintoyantëpës ja poom mëti'ipë nyiwintaj'ajtypyën ja tsajp; jëtu'unyëm tääjës ntuntën, tä ja n'aptëjkëtyës tuuntën, tä ja yajkutujkpëtëjk ets wintsëntëjkëty tuuntën mëti'ipë jam Judá yajpatën ets jampë Jerusalén të yajpaatën në'ëjoty tu'ujotypë;

Lamentaciones 5:7

Nteety ntaakëtyës pokytyuuntë ets tëëyëp ja y'o'knëtë, ja nyëë pyokyëty ëëts ja nkëpäjtëp.

Daniel 9:10

ets ka'ap mijts pën të mja'akyujkxëty ja m'aaw m'ayuk, Wintsën, mëti'ipës n'ëwtajtëpën ets ka'apës të mpatuntë ja m'ënä'ämën mtëyajtën mëti'ipë të xyjyatuk'ëwaanëtës ja mtuunpëtëjkëty käjpxynyajxpëtëjkëty.

Amós 3:7

Yë Wintsën ka'ap tii tuny ajotkumonë pën ka'ap jëyëjp të tuk'ëwaanë yë tyuunpë mëti'ipë käjpxynyajxpën.

Nahúm 1:6

¿Pën ëkwintänëjanëp ko jyoot'anpëky? ¿Pën y'ëkmëmëta'akäämpy yë y'äkë? Jëtu'un jyäjy tä jëënën ko jyoot'anpëky, ma yë'ëjën jëtu'unyë ja tsaa kyë'ëtswä'kxy.

Romanos 3:20

Ka'ap yë'ëkyëjxmëty ja ja'ay oy wyi'im Dios wyintum ko tpatuny ja ënä'ämën, yë ënä'ämën paaty jyää'aty ets nija'awëmëty tii poky kapoky, ets nija'awëmëty ko npokyjyä'äy'ajtëmë.

Romanos 4:15

Jä'ä ko ja ënä'ämën tukpatp ja tsëtyu'un ko ka'ap yajpatuny, e ma ja ënä'ämën kya'ityën ka'ap jam tii yajtuuntëkoy jä'äkyëjxm ko ka'ap ja ënä'ämën jam.

Romanos 7:9

Juuky'ajtpës ijty ko ja ënä'ämën nkanijawës; e koos nnija'awëy ja ënä'ämën, ënät ja poky ja myëk'ajtën tpëjky,

Deuteronomio 27:26

Poky yë ja'ay wyë'ëmëty mëti'ipë ka'ap tkupëkyën ya'atë aaw ayuk, mëti'ipë yajnikajpxpën ets ka'ap tpatuny. Ënet ja ja'ay y'ëtsowtëty: Oy, jëtu'un'atëp.

Apocalipsis 6:17

Jä'ä ko tëë ja xëëw tpaaty ma y'äkë tyiytyuna'any tsyäätstyuna'anyën. ¿Pën yë'ë y'ëkmëtänëp?