2 Reyes 21:9 - Biblia Dc en Mixe de Quetzaltepec

⁹ E yë'ëjëty ka'ap tkuuytyuuntë. Ni'ikyë ja Manasés ojts tyuktunëtë ka'apë jeexyë mëpaat tuntën; ni'ik o'ktëy y'ëtëtstë këtiinëm jyëtu'unëty ja naax kajpn mëti'ipë ënety ja Wintsën të twojpëtsëmyën ma ja Israel ja'ayëty ja naax yajmooytyën.

Biblia Mixe de Quetzaltepec

⁹ E yë'ëjëty ka'ap tkuuytyuuntë. Ni'ikyë ja Manasés ojts tyuktunëtë ka'apë jeexyë mëpaat tuntën; ni'ik o'ktëy y'ëtëtstë këtiinëm jyëtu'unëty ja naax kajpn mëti'ipë ënäty ja Wintsën të twojpëtsëmyën ma ja Israel ja'ayëty ja naax yajmooytyën.

2 Reyes 21:9 ပူးပေါင်းရင်းမြစ်များ

Proverbios 29:12

Ko tu'uk yajkutujkpë yë'ë tmëpëky mëti'ipë antakpën, ja tyuunpëtëjk aakjëtu'un y'awinpijta'atë, ka'ap oytyuntë.

Apocalipsis 2:20

E jam tu'uk mëti'ipës ka'ap n'oy'ixyën: ko mijts jam xyaj'ity yë to'oxytyëjk Jezabel, mëti'ipë nätyijëpën Dios ayuk kajpxnajxpë. Yë y'ijxpëjkën tyukwin'e'empy ja mëpëjkpëtëjk ko y'ënä'äny ko ka'ap pyokyëty oy xim yam ja ye'etyëjk ëkë ja to'oxytyëjk tmëët'atëty ets oy tjë'kxtëty mëti'ipë tëë yajtukwintsë'ëkën ja awinax.

Santiago 4:17

Pën nyija'ap tunëty mëti'ipë oyën ets ka'ap tuny, pokytyuunp ënety.

Juan 15:22

Ka'ap jeexyë tii poky tmëët'atë ko jeexyë ëjts nkaminyës ets nkatuk'ëwaanëtë. E tyam ka'ap tjëkyepy yajnimä'kxtëty ko ëxëëk y'ëtë'ëtstë y'ëna'antë.

Lucas 13:34

Ets ja Jesús jyaak'ënany: Miits, Jerusalenkëtë ja'ayëty, Jerusalenkëtë ja'ayëty, myaj'o'ktëp ja Dios ja kyäjpxynyajxpë ets tëë xykyuka'atstë mëti'ipë të myajtuknikäxtën. Kanaak'okës miits të njawoowmuka'antë ijxtëm ja këtseytyaak y'u'unk tmu'uxyën ets ka'ap të xykyupëktë.

Oseas 5:11

Yë Efraín ëxëëk yajtuny, ka'ap yë myëk'ajtën yajwinkutsë'ëkë mëti'ipë ja paat'ajtëpën mëët ko yë'ë të tpanëjkxtëkë yë wiink tios.

Daniel 9:6

Ka'ap të nmëjpëjkta'aktës ja y'aaw y'ayukëty ja käjpxynyajxpëtëjkëty, mëti'ipë të tjanimëtya'aktën ja m'aaw m'ayuk ets të tjakajpxtë'ëwtë ëëts ja nyajkutujkpëtëjkëty, ja n'ënä'ämpëtëjkëty, ja n'ap n'okëty ets tëkokyë ja Israel kajpn.

Nehemías 9:26

Je'eyëp ko yë'ëjëty ojts mkäjpxykyutëjyë ets ni'ikyë ojts je'eyë mkäjpxykyumëtoownajxënë ets ka'ap n'ëktuunëtë këwentë ja m'ënä'ämën mtëyajtën. Ja mtuunpë ets ja mja'ay mëti'ipë ja m'aaw m'ayuk jyanikäjpxypën je'eyë tyaj'o'k tyajtëkooytyë jä'ä ko ënety tyukwinmëtowëtë ja nyëë pyokyëty, tääts jëtu'un'äämpy myajjoot'anpëjkë mëjwiin këjää.

2 Crónicas 36:16

Yë'ëjëty ka'ap tmëjpëjktaktë ja aaw ayuk, je'eyë tnëxik tukxiktë mëti'ipë ja Wintsën jyakajpxën; koonëm ja Wintsën yajxon tyajjoot'anpëjktë ets ka'ap ojts t'ëkjëkyäjpnë wi'ix jyotxäämëtyën.

2 Crónicas 33:9

Je'eyëp ko ja Manasés ni'ikyë ojts tnajtstujë ja Judá ja'ayëty ets ja Jerusalén ja'ayëty ets ja ëxëëk tu'u tpanëjkxtëty ets wäänëni'ik o'ktëy winë tuntëty këtiinëm ja naax kajpn mëti'ipë ojts ja Wintsën tyajkutëkoyën ko ja Israel ja'ayëty jam jyajtë.

1 Reyes 14:16

Yë Wintsën nëjkxëp jëna'a t'ayajk tkë'ëyajknë yë Israel ja'ayëty, mëëtkyëjxm ko ja Jeroboam ja nëë poky të tmëtëkë ets ko të tyajpokytyuny ja naax kajpn.

Ezequiel 16:47

E mijts näjyëtu'un të m'ëtë'ëtsy tä yë'ëjëtyën nän timjëtu'un winë ëxëëkjaty të xytyuny. Ka'ap mkuxë ni'ik o'ktëy të m'ëtë'ëtsy.

Salmos 81:10

Ëjts jëtu'un Wintsën, mijts yë mTios, mëti'ipë ojts mjuutyën jap Egiptë; ëwë'ëk ets nyaj'itëty ku'uxyë.

Salmos 12:8

Yë ëxëëkja'aytyëjkëty xiitsow yaatsow yajpaatë, ets tëkokyë ja'ay aakyë'ë y'oyjya'awëtyëp ëxëëktu'un ëxëëk kajpxën.

2 Reyes 21:10

Paaty ja Wintsën ja aaw ayuk tnajtskäjxëy mëët ja tyuunpëtëjk ets y'ënäny:

Ezequiel 5:7

Paaty ëjts maas nWintsën'atyën n'ëna'any: Miitsëty ni'ik o'ktëy të m'ëtë'ëtstë ko mkäjpxykyumëtoownaxtë këtiinëm ja wiinkëtypë ja naax kajpn mëti'ipë mëët mnämyëtsëpa'an'atyën, ka'ap ja n'ënä'ämënës ntëyajtënës tpatuntë ets nän ka'ap të tpatuntë ja naax kajpn ja y'ënä'ämën tyiyajtën mëti'ipë mëët nyämyëtsëpa'an'atëtën.

1 Samuel 8:19

Ja kajpn tyaa ojts y'ëtsoy ko Samuel tyukmëmëtyaktaayëtë wi'ix ënety y'ixë'atyën: Wä'än timwyi'ixëty, ëëtsëty ntsojktëpës tu'uk yë yajkutujkpë,

2 Reyes 16:3

jëtu'un ojts winë ëxëëkjaty tuny tä ja wiinkëtypë yajkutujkpëtëjk y'ëtëtstën, ni'ikyë ojts tu'uk ja myaank tkë'ëyajknë ets wyintsë'kën'atëty, ëxëëkjaty winë tuuny tä ja naax kajpnën mëti'ipë ja Wintsën yajkutëkooyën ko ja Israel ja'ayëty jam jyajtë.

Ezequiel 5:6

E yë'ë je'eyë ja n'ënä'ämënës tkäjpxykyumëtoownajxnë ets o'ktëy ni'ik të y'ëtëtsnë këtiinëm jyëtu'un'atë ja kajpn mëti'ipë mëët nyätyu'kmëtsëpa'an'atëtën, jä'ä ko ka'ap ja n'ënä'ämënës ntëyajtënës tmëmëtowtë ets ka'ap tpatuntë ja n'aaw n'ayukës.

Ezequiel 11:12

ets nëjkx xynyijawëtë ko ëjts Wintsën. Miitsëty ka'ap jëtu'un të mjuuky'atë tääjës të ni'ënä'ämën ets ka'ap të xypyatuntë yë ntëyajtënës, miitsëty jëtu'un winë të xytyuntë tä ja'ayëtyën mëti'ipë wiink naax wiink kajpnëtyën.

Ezequiel 22:3

ets xy'ënëëmëty: Jëtu'un yë Wintsën y'ënä'äny: Mijts naax kajpn ma yajpaatën ja yaja'ay o'kpë mëti'ipë myëkunaax myëkukajpn yaj'o'ktëpën ets ma yajpaatën ja ja'ayëty mëti'ipë yakojtëpën ja awinax ets nyätyukyaj'ëxëëkëtë, pyätyp ja xëëw jëmëjt ma ëxëëk mjata'anyën.