2 Reyes 21:23 - Biblia Dc en Mixe de Quetzaltepec

²³ Ja Amón ja tyuunpëtëjk ojts nyikäjpxytyunëty ets jap yaj'o'kë jap tëkoty ma ja akujktëjkën.

Biblia Mixe de Quetzaltepec

²³ Ja Amón ja tyuunpëtëjk ojts nyikäjpxytyunëty ets jap yaj'o'kë jap tëkoty ma ja akujktëjkën.

2 Reyes 21:23 ပူးပေါင်းရင်းမြစ်များ

1 Reyes 15:27

E yë Baasá, myaank yë Ahías, Isacar yë jyä'äy, ojts mëët yë jyä'äy nikanaak nyäkyäjpxyë ets tyaj'o'ktë ja Guibetón, ma ja filistejë nyaaxjotëtyën, mëti'ipë ënety yë Nadab të tyajnatukyën ets tnitëkëja'any mëët ja may Israel ja'ayëty.

1 Reyes 16:9

e jamts ijty tu'uk yë tyuunpë, Zimri xyëëwajtyp yë'ë nyiwintsën'ajtyp yë tsiptuunpëtëjk, yë'ë kyëwent'ajtyp ja pujxnwintëkäämpë mëti'ipë myëtsiptuuntëpën, tä mëët ja myëku'uktëjk nyäkyajpxë ets tyaj'ooka'antë ja Elá. Tu'kxëëw ojts tëkok yë Elá nyäyajmukpëkyë nëkooyë, jam ënety yajpaaty ma tyëjkën yë Arsá, mëti'ipë yajputu'unëpën, jam Tirsá y'itjotm.

2 Reyes 12:20

Kë'ëm ojts ja tyuunpëtëjk nyikäjpxytyunëty ets y'o'ky jap ma naax y'apojtsë'ëkyëtyën ma txëëwatyën Silá.

2 Reyes 14:19

Jam Jerusalén tëë ënety yajnikäjpxytyunë ja Amasías, paaty kyeky ets ojts nyijkxy jam Laquis; je'eyëp ko ojts ënätyë ja myëtsiptëjk pyanëjkxyë ets jam yaj'o'kë.

2 Reyes 15:25

E jamts ënety tu'uk ja tyuunpë mëti'ipë xyëëwajtypyën Peka, yë myaank yë Remalías, yë'ë ojts nyikäjpxytyunëty ets mëët nyäpyëjk nyämyajtsë yë Galaad ja'ayëty; ënät tukja'ajtë ma ja kutujkëntëjkën, jä'ä nyimay'atë niwëxtyikxymyajk. Ko tyaj'o'ky yë'ë ojts tkutëkë ma ja kutujktaknën.

2 Reyes 15:30

Ënet ja Oseas, yë myaank yë Elá, tnikäjpxytyu'unëy yë Peka, yë myaank yë Remalías, ojts tnipëtë'ëky ets tyaj'o'ky. Ko y'o'ky tääts ojts yë'ë tkutëkë, ma ënety më'i'px jëmëjt tyunyën ja Jotam, yë myaank yë Uzías.

2 Reyes 9:27

Ko ja Ocozías jëtu'un t'ijxy, mëti'ipë jam yajkutujkpën Judá, tä näjyëtu'un kyeky jamtsow Bet-hagan. E ja Jehú ënätyë pyatso'onë ets ni'ënä'ämëy: Yaj'ooktë näjyëtu'un tääpë. Tääts tyaj'o'ktë jap pyujxnwintëkäämpëjoty jam ma Gur kopkën, winkon ma näjyëtu'un txëëwatyën ja itjot Ibleam, Ojts jyajaakke'eky jampaat ma txëëwatyën Meguido. Jam ojts y'o'knë.