2 Reyes 21:21 - Biblia Dc en Mixe de Quetzaltepec

²¹ näjyëtu'un ojts winë ëxëëk tyajtu'uye'ey, ojts tyajnitukë ets ja ja'ay ja awinax t'ëwtatëty, ja awinax mëti'ipë ënety ja tyeety të t'ëwtatyën.

Biblia Mixe de Quetzaltepec

²¹ näjyëtu'un ojts winë ëxëëk tyajtu'uye'ey, ojts tyajnitukë ets ja ja'ay ja awinax t'ëwtatëty, ja awinax mëti'ipë ënäty ja tyeety të t'ëwtatyën.

2 Reyes 21:21 ပူးပေါင်းရင်းမြစ်များ

2 Reyes 21:11

Mëët ko ja Manasés të tuny ja ka'apë tyuunëtyën ets ko të tuny winë wäänë o'ktëy këtiinëm jyëtu'unëty ja Amor ja'ayëty mëti'ipë jam tsënaaytyën ma tampë ja naax kamën, ko të tyajkutuky ets ja Judá t'ëwtajtnëty ja awinax ets ja tsaatsetsy,

2 Reyes 21:20

Je'eyëp ko ja tyu'unën kyajpxën ka'ap ja Wintsën oy t'ijxy, jä'ä ko nän yë'ë poky tyuun mëti'ipë ënety ja tyeety Manasés të tunyën,

2 Reyes 21:22

Jëtu'un ojts ja Wintsën ëpëky tpëjktaknë, mëti'ipë y'ëwtajtën ja y'aptëjk ets ka'ap tii oy tuuny jëtu'un tä ënety jyayajtuk'ëne'emyën.

2 Reyes 23:24

Josías ojts tyajkutëkooytyä'äy ja kajpxpojkpëtëjk ets ja patooy panajxpë; yajkutëkooytyääy ja awinax mëti'ipë ja'ay myëët'ajtëpën winjëën wintëjk, ja wiinkëtypë ja awinax ets tëkokyë mëti'ipë ënety ja ja'ayëty të tyajnikojtu'utën ets t'ëwtatë, jampë Jerusalén ets Judá yajpaatën. Paaty jëtu'un winë tuuny, jä'ä ko ojts ja wyinma'any tpëjktä'äky ko tpatuunta'aja'any ja ënä'ämën tëyajtën mëti'ipë jap miinpën kuja'ay ma ja nokyën mëti'ipë ja Hilquías pyatën ma ja tsajptëjkën.

2 Reyes 21:2

Je'eyëp ko ja tyu'unën kyajpxën ka'ap ja Wintsën ojts oy t'ixy, jä'ä ko näjyëtu'un winë tuuny ëxëëkjaty tä ja kajpnëtyën mëti'ipë ënety ja Wintsën të t'ëxwopyën ko ja Israel ja'ayëty jam jyajtë:

2 Reyes 23:12

Jyijtë'ktaay ja wintsë'këntyakn, jampë yajpaatën ma Acaz yë tyëjk kopkën mëti'ipë ja Judá yajkutujkpë kyojtën ets ja wintsë'këntyakn mëti'ipë ja Manasés kyojën jam tsajptëjk'ëkë'ëm, wa'ats tukjijtëtyääy ets ja naaxmaj aakjam t'ixko'owtaay ma ja Cedrón wokjotmën.

2 Reyes 23:32

E ja tyu'unën kyajpxën ka'ap ja Wintsën ojts oy t'ixy, aak ëxëëk winë tuuny, jëtu'un tä ja y'aptëjk winë tuuntën.

2 Reyes 24:9

E ja tyu'unën kyajpxën ka'ap ja Wintsën ojts oy t'ixy, nän timjëtu'un winë tuuny ëxëëkjaty tä ja tyeetyën.