2 Reyes 20:3 - Biblia Dc en Mixe de Quetzaltepec

³ Wintsën tyam mijts n'amëtoy npëjktsoy ets xyjyä'ämatsëtyës, xyjyä'ämyätsëty näjyëtu'un wi'ix mijts oy të nmëtunyën, tëë nmëmëtoy, tëëjës ntuny winë tä mijts xy'oy ixyën. Tääts tyëjkëy jëëpyë yaxpa.

Biblia Mixe de Quetzaltepec

³ Wintsën tyam mijts n'amëtoy npëjktsoy ets xyjyä'ämatsëtyës, xyjyä'ämyätsëty näjyëtu'un wi'ix mijts oy të nmëtunyën, tëë nmëmëtoy, tëëjës ntuny winë tä mijts xy'oy ixyën. Tääts tyëjkëy jëëpyë yaxpa.

2 Reyes 20:3 ပူးပေါင်းရင်းမြစ်များ

Nehemías 13:22

Näy ojtsës ntuk'ënä'ämpë Leví ja'ayëty ets näypyuj nyäjyä'ätsëtëty ets nëjkx tkëwent'atë ja tëjk'aaw ko po'kxënxëëw tpaatëty këtiipë yaj'ëxëëktunëty ja po'kxënxëëw. Wintsën, ma mijts n'ëwtatyën, xyjyä'äymyätsëpës, mja'amyätsëp mëti'ipë yam ntuunpy nkäjpxypën ets pa'ëyoow najts'ëyo'owëkës mëët ja m'oyjot m'oywyinma'any.

Nehemías 13:14

Mijts Wintsën, ma mijts n'ëwtatyën, tun mëyajtën ni''ijxkëtakës ets mijts kë'ëm m'ixëp mtunëp pën oy yam jëtu'un nmëtuny tä yam winë ntunyësën, këtii xyjyä'äytyëkoyëty mëti'ipëjatyës yam oy ntuunpyën ma mtsajptëjkën ets ma myaj'ëy myajwinkajpxtä'äkyën.

Nehemías 5:19

Wintsën xyjyä'ämatsëpës xëmë, etsës oy njuuky'atëty, mëët ko oy ja naax kajpn të nmëtunyës.

Nehemías 13:31

ets näjyëtu'un y'o'oyëtyääy ja jotmay mëti'ipë ënety jamën, ojts yajkajpxmuky wi'ix ja jëën ja'axy yajmëminëtyën ets wi'ix'äämpy ja jë'kxy pëky näjyëtu'un myukëtyën. Dios, ma mijts n'ëwtatyën: ja'amyäjtskës ets oyjya'awëkës.

Lucas 1:6

Nimäjtskëty oy ijty yë Dios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

1 Reyes 8:61

Näyjyëtu'un miitsëty ja mjot mwinma'any xëmë xyaj'itëty ma Wintsënën, mëti'ipë n'ëwtajtëmën ets mye'eytyëty mnaxtëty jëtu'un tä yë'ë tsokyën ets xytyuntëty ja y'ënä'ämën tyiyajtën tä tyamën.

2 Corintios 1:12

Nmëët'ajtëpës ja mëk'ajtën ets mëj këjxm näyajnaxëtëtyës, yë'ë ko näjya'awëtëpës koos oy njuuky'atë yaa naaxwiiny ets oyës ja jot winma'any të nyajkëxë'ëktë ma miitsëtyën. Ka'apës yë'ëjëty yë naaxwiinyëtë wijyajtën të nyajtuntë, Dios yë mëyajtën të tuny etsës oy njuuky'atëty.

Juan 1:47

Ko ja Jesús t'ijxy ko ja Natanael myëwinkonyë ënät y'ënäny: Tyaa tu'uk ja Israel ja'ay mëtëypyë mëti'ipë ka'ap y'antä'äkyën.

Jeremias 4:2

jäänëm tëy, jyëkyäpëp xykyajpxpaatëty yë nxëëwës ko ënety tii xynyikäjpxy mëët yë tëyajtën, mëët ja oypyë ja paye'eyën ets oypyë tu'unën kajpxën. Nëjkxëp ja ja'ay tukxoonta'aktë ja nxëëwës ma ja naax kajpnën.

Isaías 63:11

Ënet tja'amyäjtstë ja tëëyëpë, ma ja Moisés tyaj'ëwaatsëpëtsëëmyën ja nyaax kyajpn, ets nyäyajtëëwëtë: ¿Maa jëtäätën ja Wintsën mëti'ipë yajnajxën ja Israel kajpn mëët ja Moisés ma ja mëjmejyën, jëtu'un tä mëti'ipë tsajppax ets kupixyny kyëwent'ajtypyën? ¿Maa jëtäätën ënät? mëti'ipë ja Moisés yajtuunën mëët yë kënu'kxypyoj,

Isaías 38:14

Je'eyës njaak ajëjy tä kuukën, tä pakën. Tëës ja nwiin nyatimy'ënu'kxënë mëët koos jam tsajpkëjxm mpa'at'ixy. Wintsën ëjts ëxëëkës näjyawëty, tun mëyajtën mijtsës ni ijxkëtak.

Salmos 145:18

Yë Wintsën winkon yajpaaty ma ja'ayën mëti'ipë mëkajpxëpën, mëti'ipë mëkajpxëpën winë aaw winëjot.

Salmos 119:49

Ja'amyäts ja m'aaw m'ayuk mëti'ipë mmooyën ya'atë mtuunpë; yë'ëjës ojts xyajjotkujkë.

Salmos 102:9

Kuuyjyaamës një'kxyp, jëtu'un ijxtëm jeexyë tsajpkääky nkayënës; ets maas yë n'uukyën, yë'ë mëët xyëpinyëty yë nwiinnëëjës,

Salmos 89:50

Wintsën, mja'amyätsëp yajxon ko yë ja'ayëty mëti'ipë mmëtuunëtëpën je'eyë muum yë ja'ay y'ojëtë ya'axëtë, jëtu'unës njawë ëjts yowë yaj'ojp, etsës ënät nkumon nkutukë.

Salmos 89:47

Wintsën, mëmay mëtaj koos janty wäänës yë njuukyajtën jyaak wë'ëmy; yë ja'ay mëti'ipë të xyajkojyën wäänë jyuuky'äty.

Salmos 32:2

Xoontä'äky yë ja'ay yajpaaty mëti'ipë ka'ap nëkoo ëxëëkjaty myäy tyäjyën ets mëti'ipë ka'ap tjëkyepyën wi'ix yë Wintsën pyoky'ixëtëty.

Salmos 25:7

ka'ap xyjyä'äymyätsëty ja nnëë npokyës ets oyës tii të ntuuntëkoy të nkajpxtëkoy koos të n'ëna'k'aty. Wintsën, ja'amyäjtskës koos xytsyoky xyjyawë ets ko xymyëët'aty ja oyjyot oywyinma'any.

Salmos 6:6

Tëës n'ënu'kxënë koos nyä'äxy. Xëëny kootsës një'ëy nyä'äxy, nkoy npä'änës tëë nyatsa'amëtyääynyë mëët yë nwiinnëëjës.

Job 1:8

Ënet ja Wintsën y'ënëmaayë: ¿M'ixy'äjtyp yë ntuunpës mëti'ipë xyëëwajtypyën Job? Nimaa ja'ay jëtu'unpë naaxwiiny naaxkëjxy, mëti'ipës oy xymyëtuunpën ets tëy tëtä'äky jyuuky'äty, mëtëy winë tuny ets nitii tëko'oyën tkamëëtëty, aak'oy jyiiky myëku'uk tjawë.

Job 1:1

Jam ma Us y'itjotmën, jam ijty tu'uk ja'ay tsyëënë, Job xyëëwajtyp. Oy ijty jyuuky'äty, ka'ap tii tuuntëkoy tkajpxtëkoy, Dios myëtuumpy ets nijëna'a ojts pën tkamëtëkoy.

2 Crónicas 16:9

E Wintsën yë'ë wa'ats nyija'awëtyääpy tiijaty tuunëp jajtëp muum naaxwiinyëtë apëtsëmy ets tjotmëkmo'oy ja ja'ay mëti'ipë winë aaw winëjot tuk'ijxpäjtëpën. Mijts tëë jëtu'un mwinma'anytyëkoy, paaty winë të xytyuny tä tu'uk ja'ayën mëti'ipë winma'anytyukën. Jä'ä ko tyam wäänëni'ik yë tsip käjpxy xymyëtata'any.

1 Reyes 15:14

Oy ojts ka'ap tyajkutëkooytyä'äy ja tuuntakn kajpxtakn tunkëjxmëpë kopkëjxmëpë. Yë Asá xëmë oy tmëtuuny ja Wintsën,

1 Reyes 11:4

Ko ja Salomón ënety tëë myëjja'ayënë, ojts ja tyo'oxytyëjk tyukupëkyë ets t'ëwtatëty ja ka'apë jeexyë mëpaat t'ëwtatyën, e paaty jëtu'un jyäjty jä'ä ko ka'ap ënety ëmuumtu'ukjot të nyätyukë'ëtëkëty ja Wintsën, tä ja tyeety Davidjën.

1 Reyes 3:6

Tä ja Salomón y'ëtsooy: Mijts oy ojts ja nteetyës xyjyawë, ja David mëti'ipë oy tsuj mëtuunën; yë'ë ojts mëtëy jyuuky'äty ets oy ja jyot wyinma'any tyaj'ijxë ma mijtsën. Paaty xy'oyjya'awëy ets të xy'a'ixë tu'uk yë y'u'unk myääy t'ëxajëty ja kutujktakn, ijxtëm tyam yaj'ixy yajnijawën.

1 Reyes 2:4

Jëtu'un ja Wintsën tyaj'atëwëty ja mëti'ipë të xytyukwinwanënës, ko y'ënäny: Pën ja n'u'unk n'ëna'kës oy ets mëtëy winë tuntë ma yë'ëjën, winë aaw winëjot ets tu'ukyë winma'any tu'ukyë winma'any, ka'ap nëjkx tyëkoy'äty pën ja kuttujkën wyinkuwa'akëpën ma ja Israel ja nyaax kyajpnën.

Génesis 17:1

Ko ënety yë Abram yë jyëmëjnë majkta'px majkmokx majktaxk, ënety yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.

Génesis 8:1

Ënet yë Dios ojts tja'amyetsy ja Noé ets ja jëyujkëty jënu'un ënety jap yajpaatën mëët ja Noé ma kepy nëëwinye'epyën. Tääts tyajpëtsëëmy yë jëënpoj naaxwiiny ets ojts ëka'any ja nëë jyënajktsoony.

Génesis 5:24

Yë'ë jëtu'un ënety xëmë të jyuuky'äty ijxtëm yë Dios tsokyën, tu'kxëëw tu'kjëmëjt ojts jëtu'unyë tyëkooynyë. Jä'ä ko Dios ënety të yajnëjkxyë.

Génesis 5:22

Yë Henoc xëmë ojts jyuuky'äty ijxtëm ënety yë Dios tsokyën. Ko ënety jëtu'un yë Matusalén të myëxu'unk'aty yë Henoc, jä'ä ojts jyaakjuuky'äty tëkëëk mëko'px jëmëjt ets ojts jyaak mëxu'unk'atë y'u'unkëty y'ëna'këty ye'etyëjkpë ets to'oxytyëjkpë.

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Dios, pën mëpaat yaj'ëwaatspëtsëmyë ma ja o'kënën, e ja Dios wa'ats ojts myëtoyë jä'ä ko kyäjpxykyupëky.

1 Reyes 9:4

Pën mijts xymyëtuunpës oy tä ja mteetyën David xymyëtuunyënës, winë aaw winëjot ets pën mpatuunpy ja tëyajtën tä myinyën këxja'ay ets pën mëtoow'ijtyp ja n'ayukës,

2 Reyes 20:2

Ko jëtu'un ja Ezequías tmëtooy, tääts kyi'itwinpijty, jam kyëx'ixy potsywinm ets tyëjkëy kajpxtakpë tmëkäjpxy ja Wyintsën:

2 Reyes 20:4

E kajnëm ënety ja Jeséas tuknajxta'aynyëm ja tëja'aw mëti'ipë jam yajpatpën ma ja akujktëjkën, ko ja Wintsën ojts myëkäjpxyë ets y'ënëmaayë:

Salmos 26:1

Wintsën, paye'eykyës yë npoky, yë njuukyajtënës ka'ap tii ëxëëkpë tmëëtëty. Mijts Wintsën, mijts tu'ukyë ntuk'ijxpejtyp;

Salmos 26:3

Ëjts nmëët'ajtypyës yë mtsojkën mja'awën, tëë oy nmëtuny;

1 Reyes 8:23

ets y'ënäny: Wintsën mëti'ipë yë Israel ja'ayëty y'ëwtajtëpën, kamaa Wintsën jëtu'unpë kyayajpaaty tsajpkëjxm ets naaxkëjxy tä mijtsën, mëët ko mijts mpatuunpy ja m'aaw m'ayuk ets myaj'ijxëp ja m'oyjot m'oywyinma'any ma ja'ayën mëti'ipë ëmuumtu'ukjot mëmëtoowëpën.

Job 4:6

Mijts oy yë Dios xymyëtuny ets mëtëy winë të xytyuny, ¿wi'ix ko ënät xyajtëkoy ja mmëpëjkën?

Job 16:20

mëti'ipë kyajpxwa'atsëpën ma Tiosën ëjts yë njot nwinma'any ets t'ixëty wi'ixës një'ëy nyä'äxyën;

Salmos 6:7

Tëës yë n'ijxën jyaamënë mëët yë pëjkën ato'onën; Yë'ë nmëtsipës poky myëët'ajtëp koos yë nwiin të jyaamënë.

Salmos 39:13

Këtiis nëkoo xywyintë'kxy, yajpo'kxkës; maanëmës ka'ap n'ooky ntëkoynyëm.

Salmos 119:26

Tëë ntuk'ixy wi'ixës oy winë ntuny nkäjpxyën, ets tëë mijts oy xy'ëëw'ëtsoy xykyajpx'ëtsoyës. Tukni''ijxëkës yë m'ënä'ämën mtëyajtën.

Amós 5:4

Jëtu'un yë Wintsën t'ënëmaay yë Israel ja'ayëty: Ëjts nimiintëkës ets mjuuky'atëty.