2 Reyes 20:20 - Biblia Dc en Mixe de Quetzaltepec

²⁰ Ja nyikäjpxy nyimëtyä'äky ja Ezequías ets tëkokyë mëti'ipë tyuunën kyajpxën, wi'ix ojts ja nëëtu'u tpëjktä'äkyën ets tyaja'tyën ja nëë kajpnjoty, jap myiinta'ay kuja'ay ma ja nokyën mëti'ipë jyä'ä'ajtëpën ja yajkutujkpëtëjk jampë ojts y'ënä'ämtën Judá.

Biblia Mixe de Quetzaltepec

²⁰ Ja nyikäjpxy nyimëtyä'äky ja Ezequías ets tëkokyë mëti'ipë tyuunën kyajpxën, wi'ix ojts ja nëëtu'u tpëjktä'äkyën ets tyaja'tyën ja nëë kajpnjoty, jap myiinta'ay kuja'ay ma ja nokyën mëti'ipë jyä'ä'ajtëpën ja yajkutujkpëtëjk jampë ojts y'ënä'ämtën Judá.

2 Reyes 20:20 ပူးပေါင်းရင်းမြစ်များ

Nehemías 3:16

Yë Nehemías, Azbuc yë myaank, mëti'ipë jam ënä'ämpën Bet-sur, ojts tkoj'oyë ja potsy mëti'ipë ojts tjëjpwa'ktu'utyën yë Salum, jampaat tyajajty ma ja David nyaaxtëjkëyën, tyajnajxë'ky jam ma ja nëë nyikoompetyën ets jyä'ty ma y'itën yë tsiptuunpëtëjkëty.

2 Crónicas 32:32

Yë Ezequías yë jyuukyajtën ets ma oypyë ja tuunk ojts tyajtu'uye'eyën, jap myiny kuja'ay ma ja nokyën mëti'ipë ja Dios mëtuunpë Jeséas jyääyën, yë Amós myaank ets ma ja nokyën mëti'ipë ja yajkutujkpë jyä'ä'ajtëpën mëti'ipë jam Judá ets Jerusalén ënä'ämtën.

2 Crónicas 32:4

Ënet ja ja'ay myäymyujktë ets tyaj'ëtujktaaytyë ja nëëjut, yë'ëpaat mëti'ipë muum mu'tpën ets mëti'ipë naaxpa'atye'epyën, këtiipë nyëëpaatëty ja Asiria ja'ayëty ko ënety jyamëwinkonëtë.

2 Crónicas 32:30

Yë'ë yaj'atujktaay ja nëëjut mëti'ipë ënety jam kajpnpë'am yajpatëpën ets naaxjoty tyajnajxy jëtu'un tyajajty jam kajpnjotm, jam tyajtso'ony Guihón ets naaxpa'tkë'p tyajnajxy, tyajajty ma ja David ja kyajpnën. Jëtu'un ja Ezequías ojts tyuny, aak'oy winë tuuny ets oy ojts wyimpëtsë'ëmxëty wä'än tiijëty timnyipëjktakëy.

2 Reyes 16:19

Ja nyikäjpxy nyimëtyä'äky ja Acaz ets tëkokyë mëti'ipë tyuunën kyajpxën, jap myiinta'ay ma ja nokyën mëti'ipë nyoky'ajtëpën ja yajkutujkpë jampë ojts y'ënä'ämtën Judá.

2 Reyes 15:26

Ja nyikäjpxy nyimëtyä'äky ja Pekaia ets tëkokyë mëti'ipë tyuunën kyajpxën, jap ja kuja'ay myiny ma ja nokyën mëti'ipë nyoky'ajtëpën ja yajkutujkpëtëjk, jampë ojts y'ënä'ämtën Israel.

2 Reyes 15:6

Ja nyikäjpxy nyimëtyä'äky ja Azarías ets tëkokyë mëti'ipë tyuunën kyajpxën jap myiinta'ay ma ja nokyën mëti'ipë nyoky'ajtëpën ja yajkutujkpëtëjk jampë ojts y'ënä'ämtën Judá.

2 Reyes 8:23

Ja Joram ja jyuukyajtën ets tëkokyë mëti'ipë tyuunën, jap myiinta'ay kuja'ay ma ja nokyën mëti'ipë jyä'ä'ajtëpën ja yajkutujkpëtëjk jampë y'ënä'ämtën Judá.

1 Reyes 15:23

Ja nyimëtyä'äky ja Asá, mëti'ipë tyuunën, tiijaty tyuunën ets ja kajpn mëti'ipë yajkojën, jap myiinta'ay këxja'ay ma ja nokyën mëti'ipë ja yajkutujkpë jyä'ä'ajtëpën jampë tyuuntën Judá. Ko yë Asá ojts myëjja'ayënë, jap pa'am myajtsë tyekyjoty;

1 Reyes 14:19

Ja nyikäjpxy nyimëtyä'äky ja Jeroboam, tiijaty tyuunën, wi'ix ojts tsyiptunyën ets wi'ix tyuunyën ko y'ijty yajkutujkpë, jap myiinta'ay këxja'ay ma ja nokyën mëti'ipë yajtijpën Crónicas, ma kyuja'ayëtyën ja tyu'unënëty kyajpxënëty ja yajkutujkpëtëjk.

2 Reyes 18:17

Ok ojts yë Asiria yajkutujkpë tkexy yë tsyiptuunpë wintsën mëj'äämpyë ets myëkutuunk ets tu'uk mëj wintsën jam ma ja Ezequías yajpaatyën ets jam tsyo'ontë Laquis jyajtë Jerusalén ets tnitëkëja'antë. Ko tmëwinkoontë ja Jerusalén kajpn, jam jyajtaktë ma ja nëë nyipetyën kajpnëkëjxm, ma ja tu'ujën mëti'ipë nëjkxpën ma witpujtaknën.

Nehemías 2:14

Tääjës jatëkok jamtsow najxë'ky ma ja nëë'awookën ets ma ja yajkutujkpë ja nyëë'atajë yajpaatyën; je'eyëp ko ja njëyujkës mëti'ipës ntuk'ënyääpyën ka'ap jam nyaxa'any.

1 Reyes 14:29

Ja jyuukyajtën ja Roboam ets tëkokyë mëti'ipë tyuunën ko ojts yajkutujky, aak tap myiinta'ay këxja'ay ma ja nyokyëtyën ja yajkutujkpëtëjk.

2 Reyes 23:28

Ja nyikäjpxy nyimëtyä'äky ja Josías ets tëkokyë mëti'ipë tyuunën kyajpxën, jap myiinta'ay kuja'ay ma ja nokyën mëti'ipë nyoky'ajtëpën ja yajkutujkpëty jampë tyuuntën Judá.

2 Crónicas 32:3

ënät twoowmujky ja mëjja'aytyëjk ets ja wijytyëjk ets tmëmay tmëtajtëty pën oy'ajtp ko tyaj'atujkta'atëty ja nëëjut maajaty ja ja'ay nyëkontën ets tyajnëkutëëtsëja'antë ja mëtsip; ja ja'ayëty ojts tkupëktë, ka'ap wi'ix y'ënantë.

2 Crónicas 32:24

Ojts Ezequías jatëkok mëk pya'ampety, je'eyëp ko yë'ë, ënätyë Wintsën tmëpëjktsooy ets y'ëtsoowinpijtë mëët ja mëj'ajtën.