2 Reyes 20:15 - Biblia Dc en Mixe de Quetzaltepec

¹⁵ Tä ja Jeséas jatëkok tyajtëëy: ¿E tii të t'ixtë ma mkutujkëntëjkën? Tä yë Ezequías y'ëtsooy: Tëë t'ijxta'atë tëkokyë tiijaty japën. Ka'apës nitu'uk të nyajninaxy mëti'ipë ka'ap të tka'ixtën.

Biblia Mixe de Quetzaltepec

¹⁵ Tä ja Jeséas jatëkok tyajtëëy: ¿E tii të t'ixtë ma mkutujkëntëjkën? Tä yë Ezequías y'ëtsooy: Tëë t'ijxta'atë tëkokyë tiijaty japën. Ka'apës nitu'uk të nyajninaxy mëti'ipë ka'ap të tka'ixtën.

2 Reyes 20:15 ပူးပေါင်းရင်းမြစ်များ

Proverbios 28:13

Mëti'ipë ja'ay kyuyu'tsypyën yë pyoky, ka'ap oy jyuuky'ata'any; e mëti'ipë nyikäjpxypën ko tyuuntëkoy nëjkxëp yajpokymye'kxy.

Job 31:33

Ka'apës yë npoky nijëna'a të nyu'utsy, jëtu'un tä wiinkpë y'ëtë'ëtstën ets ka'apës nijëna'a yu'utsy të nmëët'aty

2 Reyes 20:13

Yë Ezequías mëët ja oyjyot oywyinma'any t'ëxajëy ja Babilonyë ja'ayëty ets tuk'ijxtaay ja wit meeny ets tëkokyë mëti'ipë myëët'ajtypyën, tä yë pu'ts pujxn, poop pujxn, mëti'ipë oy xu'kpën; jë'kxy pëky ets nëë oyëtypë xyuukyën ets mëti'ipë ënety jap pëjkë'ëky yaj'ijtypyën ja tuunpäjn mëti'ipë yajtuuntëpën ko tsyiptuntë. Wa'ats winë tuk'ijxtaay, nitii ojts tkayajninaxy mëti'ipë ka'ap tuk'ijxyën.

Josue 7:19

Ënet ja Josué t'ënëmaay ja Acán: U'unk maay, mëjjaw jaantyjawë yë Wintsën mëti'ipë yë Israel ja'ayëty Tyios'ajtëpën; nikajpx mëti'ipë të xytyunyën ets këtii nitii xykyuyu'utsëty.

2 Reyes 20:14

Ënet ja Wintsën ja myëtuunpë Jeséas ojts tninëjkxy ja Ezequías ets tyajtëëy: ¿Maajën tääpë ja'ay tsyoontë ets wi'ix të m'ënë'ëmxëty? Tä ja Ezequías y'ëtsooy: Tääpë ja'ayëty jëkäm tsyoontë, jam Babilonyë.

2 Reyes 20:16

Tä ja Jeséas t'ënëmaay ja Ezequías: Amëtoow'it ya'atë aaw ayuk mëti'ipë ja Wintsën jyä'ä'ajtypyën:

Salmos 62:11

Ka'apës tyëkokpajkëty je'eyë të nmëtoy, ko yë Dios y'ënä'äny: Yë mëk'ajt oyajtën ets tsojkën ja'awën yë'ë jyä'ä'ajtääpy, yë'ë nitu'ukjaty kyumaaytyääpy wi'ixjaty pën të tyuny të kyäjpxyën.

Jeremias 9:22

Ja ye'etyëjktëjk mëti'ipë të y'ooktën, jëtu'un ja jyot nyini'kx yaj'ixtë kamjoty pyiny jyety të'ënyën, tä ja tsajpmok kyä'äyën ko nyäxy mëti'ipë yajmujkpyën ets tääpë tsajpmok ka'ap pën tpëjkë'ëky. Yë Wintsën jëtu'un ënaanp.