2 Reyes 2:24 - Biblia Dc en Mixe de Quetzaltepec

²⁴ Ja Elisejë ko tni''ijxwinpijty, yajxon t'ijxwatstaay, ets tpojky mëët yë Wintsën yë xyëëw. Tam ënety jëtu'un yajpaatë ko nyipëtsëëmëtë jam yukjotm nimäjtsk mëj osë ets tsyuts'taayëtë, niwëxtyikxy mäjtsk y'o'ktë.

Biblia Mixe de Quetzaltepec

²⁴ Ja Elisejë ko tni''ijxwinpijty, yajxon t'ijxwatstaay, ets tpojky mëët yë Wintsën yë xyëëw. Tam ënäty jëtu'un yajpaatë ko nyipëtsëëmëtë jam yukjotm nimäjtsk mëj osë ets tsyuts'taayëtë, niwëxtyikxy mäjtsk y'o'ktë.

2 Reyes 2:24 ပူးပေါင်းရင်းမြစ်များ

Hechos 5:9

Tääts ja Pedro t'ënëmaay: ¿Tii ko të xykyäjpxy'atë nimäjtsk ets ja Wintsën ja kyënu'kxymyëk'ajtën xywyinma'any'ixa'antë? Tää ja ja'ay myintë tëjk ëkë'ëy mëti'ipë ja mniye'etyëjk ojts të tyajnaaxtëkëtën, mijts näjyëtu'un ënät nëjkx mnaaxtëkë.

Hechos 5:5

Je'eyë ja Ananías jëtu'un tmëtooy, ooky tyimnakëtäky. Ets mëti'ipë y'ijxtën nyija'awëtën, ni'ëmukë tsyë'këtyë.

Amós 7:17

E yë Wintsën yë'ë ënaanp: Yë mto'oxytyëjk kajpnjoty nëjkx jyot nyini'kx tooky tyäky ets m'u'unk m'ëna'k ye'etyëjkpë to'oxytyëjk nëjkxëp kupuxy y'ooktë; yë mnaax mkam nëjkxëp yaj'ijxwa'kxtë ma ja'ayëtyën mëti'ipë wiink tios y'ëwtajtëpën ets Israel ja'ayëty tsum matsy nëjkx yajmënëjkxta'atë wiink naax wiink kajpn.

Oseas 13:8

Jëtu'un nipëtsëma'any tä Osë tnipëtsëmyën yë y'u'unk mëti'ipë të ye'eytyëkoyën, etsës ntuktsu'utsëja'any ntukwëtsëja'any yë jyot. Jämyë maas ënety nmatsyën jämyës ntsu'utsa'any nwëtsa'any; tä tu'uk yë jëyujkën jëtu'un ntuktëjëja'any ntukwaxëja'any.

Hechos 8:20

Tääts ja Pedro y'ëtsoowë: Poky mijts m'itëty mëët yë mmeeny ëyoowtaknjoty, jä'ä ko xywyinmay xyjyuyä'äny mëti'ipë ja Dios nyayäjkpyën.

Marcos 11:21

Ojts ja Pedro tja'amyetsy ets ja Jesús t'ënëmaay: Wintsën, ix, tëë ja higo kepy tyëtsnë mëti'ipë ojts xykyajpxpokyën.

Marcos 11:14

Ënet ja Jesús t'ënëmaay ja higo kepy: Nijëna'a pën mkaniminëtëty ets tjë'kxëty ja mtëëm. Ko ja Jesús jëtu'un y'ënäny, myëtoowtë ja y'ijxpëjkpëtëjk.

Lamentaciones 3:65

Mëk jyot wyinma'any pëjktakëyë këtiipë oypyë tja'akyukëtëty ets xypyokëty.

Jeremias 28:16

Paaty yë Wintsën y'ënä'äny: Oy nkäxëty naaxwiiny, je'eyëp ko tu'ukyë nyajtëkoyä'äny. Ya'atë jëmëjt m'ooka'any, jä'ä ko je'eyë naax kajpn të xy'akajpxë etsës xymyëtsiptsoontëty.

1 Reyes 20:36

Ënet ja Wintsën ja myëtuunpë y'ënëmaayë: Mëët ko ka'ap të xytyuny ijxtëm ënety ja Wintsën të tni'ënä'ämën, tim je'eyë yaa mtsoonëty tääts tu'uk yë kaa myaj'ooka'anyë. Jëtu'un ojts jyänty jyäty, tim je'eyë mëët nyäy'ëxmajtsë ja Wintsën ja myëtuunpë tääts ojts jam tu'u'am pyäätyë tu'uk yë kaa ets yaj'o'kë.

1 Reyes 19:17

Jëtu'un'äämpy ko pën jyakä'äka'anëty ma ënety ja Hazael yaj'ooka'anyën, yë Jehú yë'ë yaj'ookëtëp, e ko ënety pën jyake'eky ma ja Jehú, yë Elisejë yë'ë nëjkx yaj'ookyë.

1 Reyes 13:24

tää ojts nyijxy. E tamtsën ënety jëtu'un tyu'uye'ey ko jam tu'ujotm y'aye'eyëy tu'uk yë mëj kaa, tim näyaj'o'kë; ja käjpxynyajxpë ja nyini'kx jëtu'unyë ojts jam wyi'imy wijtstëy tu'ujotm. E ja krukts ets ja kaa je'eyë nyaaxmë'ixëyë.

2 Samuel 17:8

Mijts wa'ats xynyijawë ko yë mteety ets jyä'äy jotmëk yë'ëjëty; tyam yajxon jam jyottoyëtë tä tu'uk yë uk'iinpën ko muum yë myëku'uk t'a'ijxnaxy. Ets näjyëtu'un yë mteety wa'ats yë tyäty nyijawë wi'ix yë tsip tyunyën, tyam m'a'ijxëp xyij jam myaanaxyë ma ja myëku'uktëjkënë.

Jueces 9:57

Dios yë'ë ojts näjyëtu'un kë'ëm t'ëwa'atsy ets Siquem ja'ayëty ja pyokyëty tkëpätëty mëët ko ënety je'eyë të yajja'ay'ooktë. Jëtu'un'äämpy ojts y'atëy ja Jotam ja y'aaw y'ayuk, ja Jerubaal ja myaank, ma ojts tpokyën ja myëtsiptëjk.

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Dios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Génesis 9:25

ets y'ënäny: Poky y'itëty yë Canaán Tuumpë je'eyë wya'anëty ma ja nimäjtskpë y'äjtyën.

2 Corintios 10:6

ets jëjp'ixyës nyajpaatë ets tkumëtowtëty mëti'ipë käjpxy kyumëtoownajxtëpën, ko ënety miitsëty mëtëy winë xytyuntë.

Proverbios 28:15

Jëtu'un tä tu'uk yë kaajën myu'uy nyiitsyën, jëtu'un tä tu'uk yë osë yä'äxy jyokyën, jëtu'un yë ëxëëk ja'ay mëti'ipë y'ëne'empyën yë naax kajpn ma ëyoopëja'aytyëjk tsyëënëtën.

Proverbios 17:12

Nikë oy ko muum osë npatmëty këtiinëm yë tsuuja'ay ka'apë jyä'äkyukën.

Jueces 9:20

E pën kajts jëtu'un të xytyuntë, nëjkxëp yë jëën jam pyëtsimy ma Abimelekën ets tyajkutëkoyëty yë Siquem ets Bet-miló, ets jam Siquem ets Bet-miló nëjkx myëjë tu'uk yë jëën mëti'ipë yë'ë yajkutëkoyëpën.

2 Reyes 2:25

Jam ja Elisejë tsyo'ony ets ojts nyijkxy ma ja Carmel kopkën, jam jatëkok tsyo'ony ets wyimpijnë Samaria.

Proverbios 19:29

Jëjp'ixy jam ja kepy tyim'itë mëti'ipë yajtukwopantëpën ja ja'ayëty ka'apë jyä'äkyukëtën; näwyopë itaanp ma ja tsuuja'ay ja jyëxkëtyën.