2 Reyes 2:19 - Biblia Dc en Mixe de Quetzaltepec

¹⁹ Ja ja'ayëty jampë kyunaax'at kyukajpn'atën Jericó, ojts t'ënëëmëtë ja Elisejë: Ëk'ix wintsën, ijxtëm xy'ixyën yë naax kajpn oy yajpaaty ets janty'oy winë yaa yaj'ixy, je'eyëp ko tëy, ka'ap yaa nëë ets ka'ap yë naax y'oyëty, ka'ap jam tii oy y'ity wyintëy.

Biblia Mixe de Quetzaltepec

¹⁹ Ja ja'ayëty jampë kyunaax'at kyukajpn'atën Jericó, ojts t'ënëëmëtë ja Elisejë: Ëk'ix wintsën, ijxtëm xy'ixyën yë naax kajpn oy yajpaaty ets janty'oy winë yaa yaj'ixy, je'eyëp ko tëy, ka'ap yaa nëë ets ka'ap yë naax y'oyëty, ka'ap jam tii oy y'ity wyintëy.

2 Reyes 2:19 ပူးပေါင်းရင်းမြစ်များ

Éxodo 23:26

Ëjts näjyëtu'un kë'ëm ëna'anëp këtiipë m'ookëty ma ënety ka'ap tpaatynyëmën ja xëëw. Ma mnaax mkajpnën ka'ap nëjkx jyam'aty yë to'oxytyëjk mëti'ipë ka'ap ja u'unk maay tjëkyepyën tpaatëty t'ixëty, ëkë mëti'ipë u'unk'ookëtëpën.

Deuteronomio 28:11

Yë Wintsën nëjkxëp mtuk'ixyë yë y'oyjyot y'oywyinma'any ets m'u'unk m'ëna'k nëjkxëp tyajnimayë, nëjkxëp tyajnimayë näjyëtu'un yë mjëyujk mtsajpkaa ets ja kyënu'kxën yajkëta'akäämpy jam ma ja mkam mtu'ujën, tëkokyë ya'atë kënu'kxën jam tyaka'any ma ja it naaxwiinyëtën mëti'ipë ja m'aptëjk tyukwinwa'anëyën, ko miits mo'oja'anëtë.

Éxodo 15:23

Ko jam jya'ajtë ma tu'uk ja naax txëëwëtyën Mará, jam tpatë tu'uk yë nëëwooky, e ja nëë ta'am ënety, ka'ap tjëkyejpy t'uuktëty, paatykyëjxm ojts txëëwmo'otë Mará.

Éxodo 7:19

Tä yë Dios näjyëtu'un t'ënëmaay yë Moisés: Ënëëmë yë Aarón wä'än tnajtstijë yë tyajk jam ma mëjnëëjën, ma nëëwokën, ma nëë'akëyën ets ma Egiptë ja'ayëty yë nyëëjëty tyajnipätën ets oy tyimmaajëty ma jaty yë nëë tyaj'itën, tëkokyë ne'pnyën y'awinpijta'aja'any. Aak ne'pnyën jyajta'aja'any yë nëë, oy yë'ëjëty mëti'ipë japën ma tsiiyën ëkë ma nëëtu'tsën.

1 Reyes 16:34

Ma ja Ahab ënety yajkutukyën, jää ojts yë Hiel tkoj'oyë yë Jericó kajpn. Ojts yë y'u'unk Abiram, ja kä'äxkopk tyaj'ooky ets ja potsy ëjx tyapëtë'ky; yaj'o'k näjyëtu'un ja myaank ja mutskpë mëti'ipë kutëëmën, Segub xyëëwajtyp, tääts ja tëjk'aaw tyaj'o'oyëtyääy; jëtu'un tyuunë jyajtë tä ënety ja Wintsën të t'akäjpxyën mëët ja Josué, ja myaank ja Nun.

Oseas 9:14

Wintsën, tukumëtow ijxtëm pyaat'atëtën. Yë'ë mo'o to'oxytyëjk mëti'ipë ka'ap y'u'unkpaatëtyën ets mëti'ipë ka'ap tyi'tsk komyën.

1 Reyes 18:7

Jamts tu'ujotm ojts ja Abdías mëët nyäpyäätyë ja Elías, ko ja Elías twinkuwa'këy ja Abdías mëk wyintäky nyaaxkooy tyajkëxë'ëky jëtu'un ja näwyinkutsë'ëkë ets y'ënäny: Mijts yowë mxëëw'ajtyp Wintsën Elías.

Josue 6:26

Ënet yë Josué ojts yajxon timnyikäjpxy ya'atë aaw ayuk mëët yë Wintsën xyëëwkyëjxm ets y'ënäny: Poky nëjkx yë ja'ay wyi'imy mëti'ipë ok kyoj'o'oyëpën ya'atë Jericó kajpn. Ko tkojtsoonëty ja kajpn potsy'ëjx yë'ë nëjkx y'ooky ja kyä'äxkopk, e ko tpëjktaknëty ja nyi'akaj yë'ë nëjkx y'ooky ja kyutëëm.

Josue 6:17

Ja kajpn ets tëkokyë jënu'un winë yajpaatyën ma yë'ëjën nëjkxëp kyutëkooytyä'äy, jä'ä ko yë Wintsën tëë tni'ënä'ämë ets tëë kë'ëm ëpëky timpyëjktä'äky. Yi'iyë nëjkx wyi'imy yë Rahab mëti'ipë jyot nyini'kx tyo'kpyën, mëët yë jyiiky myëku'uk tyaak tyeety ets tëkokyë jënu'un jap yajpaatën ma tyëjkën, jä'ä ko ojts tyu'utsy ja mëti'ipë ojts jam ja kajpn t'ixtën tuntën, mëti'ipë yajkäjxtën.

1 Timoteo 5:17

Ja mëjja'aytyëjk mëti'ipë nyikopk'ajtëpën ja mëpëjkpëtëjk, paat'ajtëtëp ja wintsë'kën ets ja putëjkën; wäänëni'ik pyaat'atëtë mëti'ipë ja Dios ja y'aaw y'ayuk kyajpxwa'kxtëpën ets yaj'ijxpëjktëpën.

1 Reyes 18:13

¿Ti këtiijën pën të mtuk'ëwa'anxëty wi'ixës ojts tëëyëp may ja Wintsën ja myëtuunpë nyajtsokënë, ko ja Jezabel tyaj'o'ky mëti'ipë ja Wintsën myëtuuntëpënë? Ëjts mayës ojts nyu'uty, wëxtyikxy majkjaty ojts mpëjkwa'kxës etsës jap aankjoty mpëjktaktaay japtsës ntukninëjkx ja kyä'äyënëty y'ukënëty.

2 Reyes 2:18

Ënet jatëkok wyimpijnëtë jam Jericó, ma ënety jam ja Elisejë, ko jam jyajtë tä t'ënëmaaytyë: Tëë nja'ënëëmëtë ko këtii nëkoo mnëjkxtë.

2 Reyes 2:20

Ënet ja Elisejë y'ëtsoowëtë: Yë'ë myajmintëp tu'uk yë a'ukën jemypyë, mëët yë kaan. Tä tmëmiintë tu'uk a'ukën,