2 Reyes 2:15 - Biblia Dc en Mixe de Quetzaltepec

¹⁵ Ja Wintsën ja kyäjpxynyajxpëtëjkëty mëti'ipë jam yajpatëpën Jericó, ko t'ijxtë ja Elías, tä y'ënantë: Ja Elisejë ja myëk'ajtën yë'ë tyam yajpatp ma ja Eliseën. Ënet ojts tninëjkxtë, ko tpatë tääts wyintak nyaxkoowtë ma yë'ëjën mëët tu'uk ja näywyinkutsë'kën,

Biblia Mixe de Quetzaltepec

¹⁵ Ja Wintsën ja kyäjpxynyajxpëtëjkëty mëti'ipë jam yajpatëpën Jericó, ko t'ijxtë ja Elías, tä y'ënantë: Ja Elisejë ja myëk'ajtën yë'ë tyam yajpatp ma ja Eliseën. Ënät ojts tninëjkxtë, ko tpatë tääts wyintak nyaxkoowtë ma yë'ëjën mëët tu'uk ja näywyinkutsë'kën,

2 Reyes 2:15 ပူးပေါင်းရင်းမြစ်များ

1 Pedro 4:14

Xoonta'aktë pën jää pën ëxëëk mnikajpx mnimëtya'akëtë ko ja Kristë xymyëpëktë, jä'ä ko ja Dios Jya'awën ijtëëp jam ma miits ja mjot mwinma'anyëtyën.

Hechos 1:8

E mpëktëp miits ja mëk'ajtën ko ja Kënu'kxymyëkajtën mtukëta'akëtëty ets xykyajpxwa'kxtëty mëti'ipë të xy'ixtën ëjtskyëjxm; jëtu'unts xynyikajpxtëty jam Jerusalén, Judea y'itjotm, Samaria ets ma tu'kë'ëyë it naaxwiinyëtën.

2 Corintios 12:9

e yë Wintsën jëtu'un të xynyëëmës: Yi'iyë myajmëyäjtyp yë ntsojkënës nja'awënës; jä'ä ko yë nmëk'ajtënës ni'ik tsyowpaaty ma ja pa'am ëyo'onën. Paatykyëjxmës jotkujk näjyawëty oyës npëkyë n'ixyë, jëtu'un nyikëxë'ëkëty ja Kristë ja myëk'ajtën ma ëjtsën.

Isaías 59:21

Jëtu'un yë Wintsën y'ënä'äny: Ëjts tyamës tu'uk käjpxytyu'unën ntuny mëët miitsëty, maas nikäjpxyën ko yë nmëk'ajtënës ets n'ijxpëjkënës mëti'ipë miitsëty të nmo'otën ka'ap nijëna'a jyëwa'aka'any ma miitsëtyën, ets ma m'u'unk m'ëna'këtyën, ni'ikyënëm xëmëkyëjxm y'ita'any.

Isaías 11:2

Tääpë ja'ay nëjkxëp yajpaaty xëmë mëët yë Wintsën ja myëk'ajtën y'oyajtën, mëti'ipë nëjkx myo'oyën nija'awën, wijyajtën, këpetyajtën, mëk'ajtën, ixpëkyajtën ets ma Wintsënën.

2 Reyes 4:37

Ënet ja to'oxytyëjk wyinkoony ets nyäjyijtakë ma ja Elisejë ja tyekypya'tkën; tä tmëpëtsëëmnë ja y'u'unk jap tëkoty tëë ënety jyuukpyiky.

2 Reyes 2:19

Ja ja'ayëty jampë kyunaax'at kyukajpn'atën Jericó, ojts t'ënëëmëtë ja Elisejë: Ëk'ix wintsën, ijxtëm xy'ixyën yë naax kajpn oy yajpaaty ets janty'oy winë yaa yaj'ixy, je'eyëp ko tëy, ka'ap yaa nëë ets ka'ap yë naax y'oyëty, ka'ap jam tii oy y'ity wyintëy.

2 Reyes 2:7

E niwëxtyikxymyajk ojts yë Wintsën yë myëtuunpë jam jyëjpmëye'eyëtë ets jam jëkämtëkë wya'ak'o'oyëtyë; e ja Elías ets ja Elisejë jam wya'ak'o'oyëtyë ma ja Jordán nëëpa'ajën.

Josue 4:14

Jä'ä xëëw ojts yë Dios tyajkutuky ets tëkokyë yë Israel ja'ayëty mëj'äämpy tyajnaxtëty yë Josué ets twinkutsë'ëkëtëty, tä ja Moisés ënety të twinkutsë'ëkëtën ko jyuuky'äjty.

Josue 3:7

Tä ja Josué ojts y'ënë'ëmxëty ja Dios: Mijts ni'ikyë yam mëj'äämpy nyajnaxa'any ma Israel ja'ayëtyën. Jëtu'un tja'akyukëtëty ko yajpatpës näjyëtu'un mëët mijts tääjës mëët të nyajpaatyën yë Moisés.

1 Reyes 19:16

e yë Jehú, yë y'o'k u'unk yë Nimsi ets yë'ë jam y'ënä'ämëty Israel; e yë Elisejë yë myaank, yë myaank yë Safat, jampë kyukajpnëtyën Abel-meholá, yë'ë kënu'kx ets yë'ë xymyëtunëtyës tä mijts tyam xymyëtunyënës.

1 Samuel 10:5

Ko jam mja'tëty Guibeá mëti'ipë Dios jyä'ä'ajtypyën, ma filistejë tsyiptuunpëtëjk jya'ajta'aktën. Ko jam nkajpntëkëty jam xypyata'any nikanaak yë käjpxynyajxpëtëjk mëti'ipë yaj'ijxtëpën mukëtëp yowë, jam tsyoontë ma tsajptëjkën. Ets ma yë'ë ye'eytyën kanaak yë ja'ay wyinye'eyëtë mëti'ipë yaj'ënantëpën ak, xijn, xuxn ets kow.

1 Reyes 20:35

E jamts ojts tu'uk ja ja'ay pyëtsimy mëti'ipë ja Wintsën myëtuumpyën ets t'ënëmaay ja myëku'uk, tä ënety ja Wintsën të tyuk'ëne'emyën: Yajtsëtyujtkës, tun mëyajtën. Ja myëku'uk ka'ap ojts nyätyukmë'a'ixëty.

2 Reyes 5:22

Ka'ap, ka'ap jyotmayëty, jëtu'un y'ëtsooy ja Guehazí. Ëjts paatyës nminy, yë nwintsënës të xykyexy, jam nimäjtsk të jya'të yë Wintsën yë tyuunpëtëjk jam tsyoontë ma kopkjotmën mëti'ipë yë Efraín nyitënääpyën, e yë'ëts yam mijts mpëjktsowäämpy ets xyakëty tëkëëk mil yë poop pujxn meeny ets majts ni'kx yë wit.

2 Reyes 9:1

Ja käjpxynyajxpë Elisejë, ojts tmëkäjpxy tu'uk ja myëku'uk mëti'ipë jam yajpatëpën ma të ye'eymyuktën ets t'ënëmaay: Näjyëjp'ixët ets mtsoonëty. Tyaa ya'atë on kon ets mnëjkxëty jam Galaad ma Ramot y'itjotmën;

Amós 7:14

E ja Amós tyaa y'ëtsooy: Ëjts ka'apës nkäjpxynyajxpëty ets ka'apës käjpxynyajxpë'ajtk të ni''ijxpëkë. Ëjts yë'ëjës nijuuky'äjtyp koos yë kupixyny nkëwent'aty ets yë'ë një'kxyp yë tsatsymtsya'am mëti'ipë kë'ëm mujxpën në'ëjoty tu'ujoty,