2 Reyes 2:12 - Biblia Dc en Mixe de Quetzaltepec

¹² Ko ja Elisejë jëtu'un t'ijxy, ënät mëk yujk'ënany: Tatë, Tatë, ma të m'ityën jëtu'un tä maytsyiptuunpën ma Israel kajpnën. Ko jëtu'un tyuuntaay jyajtaayë, yë Elisejë ka'ap ojts maa t'ëk'ijxnë ja Elías. Ënet ja Elisejë ojts nyätyuknijääntu'utyë ja nyijän ets tukë'tsëy kujkwä'kxy.

Biblia Mixe de Quetzaltepec

¹² Ko ja Elisejë jëtu'un t'ijxy, ënät mëk yujk'ënany: Tatë, Tatë, ma të m'ityën jëtu'un tä maytsyiptuunpën ma Israel kajpnën. Ko jëtu'un tyuuntaay jyajtaayë, yë Elisejë ka'ap ojts maa t'ëk'ijxnë ja Elías. Ënät ja Elisejë ojts nyätyuknijääntu'utyë ja nyijän ets tukë'tsëy kujkwä'kxy.

2 Reyes 2:12 ပူးပေါင်းရင်းမြစ်များ

2 Reyes 13:14

Yë Elisejë mëk ënety jam pyëjkënë, tim ookanëp ënätynyë ko yë Joás, Israel yajkutujkpë ojts tninëjkxy; mëk tnijëëy tniyäxy ets tnimoony tnitujky, ko tyo'kmënäänajxy, tääts t'ënëmaay: Tatë, tatë, mijts jëtu'un mëj këjää yë naax kajpn të xypyutëkë; yë Israel kajpn, jëtu'un të mmëët'atyë tä maytsyiptuunpën.

Apocalipsis 11:12

Ënet ja nimäjtskpë mëti'ipë tëyajtën yajktëpën, ojts ja ayuk tmëtowtë jam tsajpjotm ets y'ënëmaayëtë: Pätë yam. Ets pyäjtë yoots akujky. Ni'ëmukë ja myëtsip t'ijxtë.

Efesios 4:8

Paaty ja Dios ja y'aaw y'ayuk këxja'aypyë y'ënä'äny: Ko pya'tëjkëy tsajpjotm, ojts tyajnëjkxta'ay ja tsumpyë matsypë, ets ja naaxwiinyëtë ja'ay ja tyuunk tmooy.

2 Corintios 5:4

Ko yaa naaxwiiny njaakjuuky'ajtëmë mon tuk nmëkxäj n'o'kxäjëmë, jä'ä ko ka'ap njatsojkëmë ets yaa ntso'onmëty, yë'ë jayajtsojkp ets jeexyë ni'ikyë n'ajemyëmë.

2 Corintios 5:2

Paaty nmëkxäj n'o'kxäjëmë ko yaa naaxwiiny njaakyajpatëmë, ëëtsajtëm njatsojkëm ets jeexyë nëjkxënë jam tsajpjotm,

Hechos 8:2

Tam jënaakën mëti'ipë ja Dios myëpëjktëpën, yë'ë yajnaaxtëjkëtyë ja Esteban ets tnijëëy tniyaxtë.

Hechos 1:9

Ko ja Jesús kyajpxtaay, tääts nän jämyë ijxwintë'kxyë tsyajpejty ets yu'tsëy ja yoots.

Juan 3:13

Ni pën tsajpjotm të kya'otsy, yi'iyë mëti'ipë jam të tsyoonyën ets yaa naaxwiiny të kyëtä'äky, yë'ë jëtu'un ja naaxwiinyëtë ja'ay ja y'U'unk.

Lucas 24:51

Tam ënety kyënu'kxëtë, tääts y'ëxmajtsëtë ets ja Dios yajpa'tëjkëyë tsajpjotm.

Lucas 2:15

Ko ja tsajpjotmëtë kukäjpxy wyimpijnëtë tsajpjotm, tääts ja kupixyny këwent'ajtpë nyäy'ënanëtë nixim niyam: Ja'amtë jam Belén ets n'ijxmëty tii të tyuny të jyätyë, mëti'ipë yë Wintsën të xytyuk'ëwa'anëmën.

Marcos 16:19

Ko ja y'ijxpëjkpëtëjk ojts jëtu'un tmëmëtyakta'ay, ënät ja Jesús pya'tëjkëy tsajpjotm; Dios ojts tuknipëjktaakë ets pya'tëkëty tsajpjotm ets nyaaxwe'tsy ma ja Dios ja y'a'oykyë'ëjën.

Isaías 37:21

Ënet ja Jeséas tkäjpxynyikejxy yë Ezequías: Jëtu'un yë Wintsën y'ënä'äny, mëti'ipë Tios'ajtpën ma Israel ja'ayëtyën: Tëës nmëtoy mëti'ipës të xy'amëtoy të xypyëjktsoyën ntunëtyës ma Senaquerib yajkutujkpën, mëti'ipë yajkutujkpën jam ma Asiria ja'ayëtyën.

Isaías 37:15

ets jyiiytyäky nyu'kxtäky, y'ënäny:

Proverbios 30:4

¿Pën jam të y'ëknëjkxpë tsajpjotm ets pën jam të y'ëktso'onpë? ¿Pën ëkmayëtëp tmatsëty yë poj ets tmajts'itëty kyë'ëjootjoty? ¿Pën yë nëëmejy të t'ëkwinpijtpë witjoty? ¿Pën të tpëjktä'äky ja nyitsëpa'an mapaat ja naaxwiinyëtë y'ëwtitëtyën? Këtiis ënät mijts xy'ënëmääpyëty ko mnija'ap ja xyëëw ets ja y'u'unk xëëw.

Hechos 27:24

Etsës të xy'ënëëmë: Këtii mtsë'ëkëty Pablo, jä'ä ko kopkpëky ko xywyinkuwa'akëja'any ja yajkutujkpë ets näjyëtu'un ja Dios të y'ënä'äny ko nitu'uk kya'ooka'any mëti'ipë mëët myajpaatyën jap kepy nëëwinye'epyëjoty.

Isaías 37:4

Jääpëk jeexyë yë mWintsën të tmëtoy wi'ix të y'ënä'änyën tääpë Asiria ja'ay mëti'ipë tsiptuunpëtëjk nyiwintsën'ajtypyën, ma ëxëëkjaty të tnikäjpxyën yë Dios juukpyë ets tëytyunëty ijxtëm pyaat'atyën, yë'ë Wintsën, Dios mëti'ipë mTios'ajtypyën tëë tmëtoy wi'ix të nyikäjpxyën. Paaty tyam yajnax wäänë ayuk ma Wintsënën ets tputëkëty mëti'ipë juuky jaakwë'ëmtëpën.

Eclesiastés 7:19

Ni'ik yë ja'ay jotmëk nyäjyawëty mëti'ipë wijyën, këtiinëm jëtu'un ko nimajk njatukjotmëk'ajtmëty yë yajkutujkpë naaxjoty kajpnjoty.

Proverbios 11:11

Yë'ë mëët ja wa'ats ja'aytyëjk ja nyäkyënu'kxë yajkojy yë naax kajpn; e yë ëxëëkja'aytyëjk yë'ë yajma'typ mëët y'aaw y'ayuk.

Job 22:30

Yë'ë myajtso'okanëp pën ka'ap tii poky xymyëëtëty ets pën ka'ap tii të xytyuuntëkoy të xykyajpxtëkoy.

Génesis 37:34

Ënet yë Jacob ojts yë wyit tukëëtsë ets nyätyukxojxë ja wit mëti'ipë kuumpën u'kxpën ets nyätyukniwëjtaayë naaxway; jekpyaat ojts nijë'ëy niyä'äxy ja myaank ko ënety të y'ooky të tyëkoy.

2 Reyes 2:13

Tä tpëjkë'ky ja Elías ja nyijän mëti'ipë ënety të tyajka'ayën ko pya'tëjkëy tsajpjotm, tä jam wyimpijnë ma ja Jordán joyjotmën, jam nëëpë'am wya'ak'o'oyëy.

2 Reyes 5:13

Ko jëtu'un ja tyuunpë y'ijxëtë, ënät nyimiinëtë ets y'ënëmaayëtë: Wintsën, kooxyëp jeexyë tääpë ja'ay mëti'ipë Wintsën myëtuumpyën të mtuk'ëne'emyë mëti'ipë jaakwäänë tsip xytyunëtyën, ¿këtii jëtäätën jeexyë xytyunyë? E tääpë mtuk'ëne'emyën ka'ap yowë ijty ninu'un jyatsipëty, tim je'eyë jeexyë mtsi'iy ets mtso'okëty.

2 Reyes 6:21

Ko ja yajkutujkpë t'ijx, mëti'ipë jam ënä'ämpën Israel, tä t'ënëmaay ja Elisejë: ¿Wi'ix tatë, oyës nyaj'ooktëtyë?

Génesis 5:24

Yë'ë jëtu'un ënety xëmë të jyuuky'äty ijxtëm yë Dios tsokyën, tu'kxëëw tu'kjëmëjt ojts jëtu'unyë tyëkooynyë. Jä'ä ko Dios ënety të yajnëjkxyë.

Jueces 17:10

Yaa mtsëënëty, mëët ëëtsëty. Jëtu'un ja Micaías y'ënäny, ets mijts yaa mtunëty teety ets jëtu'un njawëty tä jeexyë mijts nntimtyeety'ätyën. Nmëjuyëp näjyëtu'un, majk yë poop pujxn meeny ntukmëjuyëty tu'kjëmëjtpë, ëpëky nyajkay nyaj'uukëty ets nmo'ojëty yë mwit mtujkxy.