2 Reyes 2:1 - Biblia Dc en Mixe de Quetzaltepec

¹ Ko ja xëëw tpaty ma ënety ja Wintsën tyajnëjkxanën ja Elías jam tsajpjotm, mëët yë pojxujtyk; ënät ja Elías mëët ja Elisejë jam tsyo'ontë Guilgal.

Biblia Mixe de Quetzaltepec

¹ Ko ja xëëw tpaty ma ënäty ja Wintsën tyajnëjkxanën ja Elías jam tsajpjotm, mëët yë pojxujtyk; ënät ja Elías mëët ja Elisejë jam tsyo'ontë Guilgal.

2 Reyes 2:1 ပူးပေါင်းရင်းမြစ်များ

Génesis 5:24

Yë'ë jëtu'un ënety xëmë të jyuuky'äty ijxtëm yë Dios tsokyën, tu'kxëëw tu'kjëmëjt ojts jëtu'unyë tyëkooynyë. Jä'ä ko Dios ënety të yajnëjkxyë.

1 Reyes 18:12

Ëjts wa'atsës ntsyäty nyijawë ko ënät yaa ntsoonëtyës wiinktsow ënät ja Wintsën ja myëk'ajtën y'oyajtën myajnëjkxa'anyë maas ka'ap ninu'un nijawëtyën. E koos ënät ntuk'ëwaanëty ja Ahab, yë'ë kajts ja maa m'ëk patënëty, etsës ënätës xyaj'ookëty. Ëjts nwinkutsë'këpës yë Wintsën mutsknëm.

1 Reyes 19:11

Ets ja Wintsën ojts y'ënë'ëmxëty: Pëtsëm jap tëja'p ets xywyinkuwa'akëtyës jam kopkkëjxm. Tam ënety jëtu'un yajpaaty kopkkëjxm ko ja Wintsën jam nyäjxy mëët yë mëkpoj, tyimkë'ëtswa'kx ja kopk ets ja tsaa piw nuuk tuuntaay jam Wintsën wyintum; je'eyëp ko ja Wintsën ka'ap ënety jap yajpaaty pojjoty. Ko jëtu'un y'ëknajxy ja mëkpoj tä ojts ja naaxwiinyëtë tyëkë yu'kxpë, mëk jyänty yu'kxy, je'eyëp ko ja Wintsën ka'ap ënety jap yajpaaty.

1 Reyes 19:4

E yë'ë ojts tsyo'onë, jamtsow ojts nyijkxy të'ëts'itjotm, tu'kxëëw ojts yajxon ye'ey, tä jam nyaaxwe'tsy kepypya'tkë'ëm. Nëkooyë y'ënu'kxënyë, mëpaatëp y'o'knë, paaty y'ënäny: Wintsën wä'än jääpaat, pëjkëkës yë njuukyajtën, jä'ä ko ka'apës jëtu'un ntsoowpaaty tääjës yë n'ap n'okën.

2 Reyes 1:18

Ja nyimëtyä'äky mëti'ipë ja Ocozías tyuunën, jap ja myiinta'ay ma ja nokyën mëti'ipë jyä'ä'ajtëpën ja yajkutujkpëtëjk jampë ojts y'ënä'ämtën Israel.

2 Reyes 2:11

E tam ënety jëtu'un tyu'uye'eytyë ets myëtya'aktë, ko ojts ajotkumonë tu'uk yë pujxnwintëkäämpë t'ëkëty y'ijxpaatë jam tu'u ëkë'ëm jëënmëët, mëët yë nyikëwaay nän jëënmëët, mëti'ipë ojts yajwa'akwa'kxëtën, e jëtu'un'äämpy ojts ja Elías tsyajpäjnë mëët tu'uk pojxujtyk.

2 Reyes 4:38

Ko ya'atë jëtu'unpë ja mëj'ajtën tyuuntaay jyajtaayë, tä ja Elisejë ojts nyëjkxnë jam Guilgal. Tu'kxëëw tu'kjëmëjt, ma jampë ja itjotmën yuu ënety jam mëk jëtijtp, e jamts ënety yajpaatë aakyë'ë yë Wintsën yë tyuunpëtëjkëty, ko t'ënëmaay yë Elisejë ja tyuunpë Guehazí: Tun mëyajtën jam wäänë yë tu'ts xykyëxwitsëty jëënkëjxm ets tojkx xyaj'oyëty wä'än ya'atë Wintsën yë tyuunpëtëjk tkaytyë.

Job 38:1

Ënet ja Dios t'ëtsoowinpijty ja Job mëët ja mëktuupoj.

Lucas 9:51

Ko ja xëëw po'o ënety tpatnë ma ja Jesús pya'tëkëjanën tsajpjotm, tääts ojts amëk jotmëk nyijkx Jerusalén.

Hechos 1:9

Ko ja Jesús kyajpxtaay, tääts nän jämyë ijxwintë'kxyë tsyajpejty ets yu'tsëy ja yoots.

Hebreos 11:5

Mëët ko myëpëjky ja Henoc ojts yajmënëjkxy juuky këtiipë y'ookëty, kä'äp ojts maa y'ëkyajpat y'ëkyajk'ijxnë, jä'ä ko tëë ënety ja Dios myënëjkxyë. Jëtu'un y'ënä'äny ja Dios ja y'aaw y'ayuk ko ja Henoc tyuun mëti'ipë Dios tyukjotkëtäkpyën ka'anëm ënety yajmënëjkxynyëm.

Josue 4:19

Yë Israel ja'ayëty jä'ä jam tsyo'ontë Jordán, ma myajk'anyën ja mëtu'kpo'opë, mëti'ipë tso'ontakpën jëmëjt'ëjxy ets jam jyajtë Guilgal ma tsyënaaytyaknpëjktën, winkon mëët yë Jericó wyi'imy.

Josue 5:9

Ënet yë Josué y'ënëmaayë Dios: Mëët ya'atë nätsyukë yë'ëjës mëët të njëpëky ja tsëtyu'un ma Egiptë ja'ayëtyën. E paatykyëjxm tampë it naaxwiinyëtë yajtijy Guilgal.

Apocalipsis 11:12

Ënet ja nimäjtskpë mëti'ipë tëyajtën yajktëpën, ojts ja ayuk tmëtowtë jam tsajpjotm ets y'ënëmaayëtë: Pätë yam. Ets pyäjtë yoots akujky. Ni'ëmukë ja myëtsip t'ijxtë.