2 Reyes 19:7 - Biblia Dc en Mixe de Quetzaltepec

⁷ Ëjts yam kë'ëm ntuknipëjktaakëjäämpy ets tmëtoowpaatëty tu'uk ja ayuk mëti'ipë atsip'atëtëpën ets wyimpitëty ma nyaax kyajpnën, jamts nëjkx pën yaj'ookyë.

Biblia Mixe de Quetzaltepec

⁷ Ëjts yam kë'ëm ntuknipëjktaakëjäämpy ets tmëtoowpaatëty tu'uk ja ayuk mëti'ipë atsip'atëtëpën ets wyimpitëty ma nyaax kyajpnën, jamts nëjkx pën yaj'ookyë.

2 Reyes 19:7 ပူးပေါင်းရင်းမြစ်များ

Abdías 1:1

Mëti'ipë ja Dios ojts tuknijawën ja Abdías käjpxynyajxpë. Tëës yë aaw ayuk tmëtowtë, yë Wintsën yë y'aaw y'ayuk; mëti'ipë ja naax kajpn të tukjëtijtëtyä'äyën ets të y'ënä'äny: Ja'amtë, ja'am ntsiptu'unëmë mëët ja Edom. Jëtu'un yë Dios mëti'ipë Wintsën'ajtpën tnimëtyä'äky yë Edom.

2 Reyes 7:6

E tsyaats ojts tyunyë jyätyë, yë Wintsën ënety kë'ëm të tyajma'aty ja myëto'owën ja sirië ja'ayëty ets jëtu'un tmëtoowtë tä jeexyë maypyujxn wintëkäämpë myinyën mëti'ipë ja'ay tyuktsiptuuntëpën ets tä may kwaayën; ëpëky tmëtoowtë mayjyä'äy myiny tekyye'epy mëti'ipë tsiptunantëpën; yë sirië ja'ayëty jëtu'un ojts y'ëna'antë ko tëëtëm ja Israel yajkutujkpë tpëjktsoy yë Hit ja'ayëty ets yajkutujkpë mëti'ipë jap tuunpën Egiptë, yajtuknipëktë ets tnipëtë'ëktëty ja sirië ja'ay ma y'ixjëtit pyajëtitëtën.

Jeremias 51:46

Këtii mtsë'ëkëtë, këtii xymyëmay xymyëtajtë ja aaw ayuk mëti'ipë ja'ay nyimëtyaktëpën naaxjoty kajpnjoty. Winjëmëjt wiinkjatyëty yë ayuk jyëtita'any, yi'iyë tsip käjpxy ja'ay nyimëtya'akäämpy naaxjoty kajpnjoty ets wi'ix yë kutujkëntëjk tsyiptuntën.

Jeremias 51:1

Jëtu'un yë Wintsën y'ënä'äny: Nkäxäämpyës tu'uk yë mëkpoj mëti'ipë winë yajkutëkoyäämpyën ma Babilonyë kajpnën, ma caldeo ja'ay tsyëënëtën.

Jeremias 49:14

Tëës yë aaw ayuk xynyija'ty mëti'ipë yë Wintsën kyejxypyën; tëë tkexy tu'uk ja yaj'ayukye'epyë: Nämyukëtë ets nëjkx xytyukjatë yë Edom kajpn. Nänyipëjktaakëtë ets mtsiptuntëty.

Isaías 11:4

Nyipaye'eyäämpy ja ja'ay mëti'ipë yajpatëpën ëmaay paki'ix ets kyuwa'anäämpy ja ëyoopëja'ay ets ja mëti'ipë patëtëpën.

Salmos 50:3

Yë nTios'ajtëm tää myiny wyinkony, ka'ap Amón api'its myiny: jëënmëët myiny mëti'ipë winë yajtooytyëkoopyën, ets wyintuuy pyë'aay mëk tuu mëkpoj mëët ye'ey.

Salmos 11:6

Yë'ë yajtu'ujäämpy jëënpajk jëënyä'änk ma ëxëëkja'aytyëjkën ets tyajmina'any yë jëënpoj mëti'ipë winë yajtëtsta'ajäämpyën. Yë Wintsën yë'ë tukumëtowanëtëp nyëë pyokyëty.

Job 15:21

Myëtoopy tii mëti'ipë ëtsë'këyëpën; ko nyäjyawëty jotkujk, jää mä'tspë tyukja'tyë.

Job 4:9

Ko Dios tyukjoot'anpëkëtë, jëtu'un tyukëta'akëtë tä myëkpojyën ets yajkutëkoyëtë.

2 Crónicas 32:21

Ënet ja Wintsën tkexy ja kyukäjpxy ets tyaj'o'ktaay ja Asiria ja'ayëty ja wyintsëntëjkëty ets ja ja'ayëty mëti'ipë ënety tsip'ixyëtyën ets ja kopktëjkëty mëti'ipë ja myëku'ukëty tyu'uwinye'eytyëpën. Tä ja Senaquerib ojts wyimpijnë wintsëtyu'un jëjptsëtyu'un ma kyajpnën, jam jyäjty ma ja tsajptëjkën ma jap tmëët'atyën ja tyios, ka'apë Tiosëtyën, e wäänë y'ijty tä jäpyë kyë'ëm u'unk yaj'o'kë.

2 Reyes 19:28

E jä'ä ko tëëjës nijawë wi'ix mijts ja joot'an të mtuktëkëtyën ets wi'ix nëkoo m'atoy m'apojyën, tyam jëtu'un yam mijts ntuna'any tä ja'ay jyëjp yaj'ajëëpyën mëët yë pujxn, ëkë tä jëyujk yaj'awo'onë'ëkyën këtiipë muum kyuye'eyëty ets jatëkok mwinpitëty maatsow të minyën.

2 Reyes 19:33

Yë'ë tu'u nëjkx jatëkok tpëky ko ënety wyimpijnë, ma ja tu'ujën mëti'ipë të tpaminyën; ka'ap nëjkx yaa tyëkë ma ya'atë kajpnën. Ëjts mëti'ipë Wintsën'ajtpën, ëjts ënaanp.

Salmos 94:23

Yë Wintsën yë'ë nëjkx jëna'a tyajkutuky ets ëxëëkja'aytyëjk yi'iyë yë y'ëxëëktu'un y'ëxëëk kajpxën yajkutëkoyëtëty. Yë nTios'ajtëm nëjkx kë'ëm yajkutëkoyëtë.