2 Reyes 19:6 - Biblia Dc en Mixe de Quetzaltepec

⁶ ets ja Jeséas y'ënëmaayëtë: Jëtu'un xy'ëtsowtëty ja mwintsënëty ko yë Wintsën jëtu'un y'ënä'äny: këtii nëkoo xytsyë'ëkëty xyjyawëty ja aaw ayuk mëti'ipë Asiria tsiptuunpë të tkäjpxyën, maas ëjts nëkoo je'eyë të xynyi'ojën ets të xykyajpxpaatyën.

Biblia Mixe de Quetzaltepec

⁶ ets ja Jeséas y'ënëmaayëtë: Jëtu'un xy'ëtsowtëty ja mwintsënëty ko yë Wintsën jëtu'un y'ënä'äny: këtii nëkoo xytsyë'ëkëty xyjyawëty ja aaw ayuk mëti'ipë Asiria tsiptuunpë të tkäjpxyën, maas ëjts nëkoo je'eyë të xynyi'ojën ets të xykyajpxpaatyën.

2 Reyes 19:6 ပူးပေါင်းရင်းမြစ်များ

2 Reyes 18:35

¿Jam jëtää tu'ukën ja tios mëti'ipë ja naax kajpn të t'ëkyajtso'oky ko ja Asiria ja'ayëty të tyukja'tëtë? ¿Wi'ixën ko miitsëty je'eyëm maytyë mtajtë ko yë Wintsën yajtso'okäämpy yë Jerusalén kajpn?

2 Reyes 18:17

Ok ojts yë Asiria yajkutujkpë tkexy yë tsyiptuunpë wintsën mëj'äämpyë ets myëkutuunk ets tu'uk mëj wintsën jam ma ja Ezequías yajpaatyën ets jam tsyo'ontë Laquis jyajtë Jerusalén ets tnitëkëja'antë. Ko tmëwinkoontë ja Jerusalén kajpn, jam jyajtaktë ma ja nëë nyipetyën kajpnëkëjxm, ma ja tu'ujën mëti'ipë nëjkxpën ma witpujtaknën.

2 Crónicas 20:15

Mëtoow'itë ya'atë aaw ayuk mëti'ipës yam nikajpxäämpyën ma miitsëtyën Judá ja'ayëty, mëti'ipë yaa ijtëpën tsënaaytyëpën Jerusalén ets näjyëtu'un mijts Josafat. Jëtu'un m'ënë'ëmxëtë yë Wintsën: Këtii ninu'un mtimtsyë'ëkëtëty ma tääpë maymyëtsipën, jä'ä ko ma ya'atë tsip tyuna'anyën ka'ap myiitsëty mtsiptuna'antë, yë Wintsën yë'ë tsiptunaanp.

Apocalipsis 13:6

Jëtu'un tjantytyuuny, myëkajpxtëkooy ja Dios ets tni'ojëy ëxëëkjaty ja jyëën tyëjk ets mëti'ipë tsajpjotm ijtëpën.

Isaías 51:7

Mëtoow'itë ya'atë aaw ayuk, miitsëty ninu'un xynyijawëtën mëti'ipë mëtëyën, miitsëty naax kajpnëty mëti'ipë kyupëjktëpën ja n'ijxpëjkënës. Këtii xymyëjpëjkta'aktëty oy pën wi'ix m'ënë'ëmxëtëty, këtii xymyëmon xymyëtukëty ko m'ojëtëty,

Salmos 74:23

Këtii xyjyä'äytyëkoyëty ko ya'axtë jyoktë mmëtsip, ets ka'ap mëpaat ni'ikyë y'o'ktëwtë ja'ayëty mëti'ipë käjpxy kyumëtoownajxtëpën.

Salmos 74:18

Mijts Wintsën mja'amyätsëp wi'ix yë mmëtsip myajjoot'anpëkyën ets wi'ix yë ja'ay winma'anytyukpë ëxëëk mnikäjpxy mnimëtyä'äkyën.

2 Crónicas 20:17

Ma ya'atë tsip tyuna'anyën ka'ap myiitsëty mtsiptuna'antë. Miitsëty je'eyëp ko mnëjkxtë ets jam mna'ix mnawoontëty, je'eyëp ko ënät xy'ixtëty wi'ix ja Wintsën tuna'anyën ya'atë kajpn ets wi'ix myajtso'oka'anëtën. Miitsëty Jerusalén ja'ayëty ets miitsëty Judá ja'ayëty, këtii ninu'un mtsë'ëkëtëty; nëjkxtë jopy wiinkuwa'akëtë tääpë mëtsip, yë Wintsën yë'ë mëët myajpaata'antë.

2 Reyes 18:30

Pën yë Ezequías mnëmaayëtëp ko miitsëty yi'iyë yë Wintsën atu'uk xytyuk'ijxpätëty ets m'ënë'ëmxëtëty: Mëtëy yë'ë ko yë Wintsën yë'ë xypyutëkëja'anëm ets xyajtso'oka'anëm; yë'ë ka'ap nëjkx t'a'ixë ets ëëtsajtëm o'ktëy njajtmëty ets ya'atë naax kajpn tjä'ä'atëty ja Asiria ja'ayëty,

2 Reyes 6:16

Tä ja Elisejë y'ënëmaayë: Këtii mtsë'ëkë, jä'ä ko jaaknimay yë'ë mëti'ipë mëët ëëtsajtëmën këtiinëm yë'ëjëty.

Josue 11:6

Yë Wintsën ojts t'ënëëmë yë Josué: Këtii mtsë'ëkëty, jä'ä ko jopy ooky ya'atë ja'ayëty kya'ata'aja'antë mijts mwintuuyëty. Yë kyëwaayëty nëjkxëp xytyektsyujkta'atë këtiipë y'ëkpëyë'knëtëty ets kyepywyintëkäämpëty mëti'ipë myëtsiptuuntëpën wa'ats xynyino'ktaayëty.

Deuteronomio 20:1

Ko mnëjkxtëty tsiptuunpë ets xy'ixtëty yë mmëtsip ko nimay ni'ik tmëët'atë yë kyepy wintëkäämpë ets kyëwaayëty, këtii xytsyë'ëkëtëty. Jä'ä ko yë Wintsën yë'ë yajpatp mëët miitsëty, mëti'ipë ojts mjuutëtën jap Egiptë.

Éxodo 14:13

Tä ja Moisés ojts y'ëtsowëtë: Këtii mtsë'ëkëtë, yajpaatë amëk jotmëk, yë Dios jëtu'un të tuknipëjktaakë ets tyam xy'ixtëty wi'ix myajtso'oka'anëtë; yë Egiptë ja'ayëty nijëna'a nëjkx jëtu'un tka'ëk'ijxnëtë, tä tyam t'ixa'antën.

2 Reyes 19:5

Ënet ja wintsëntëjk ojts tninëjkxtë ja Jeséas, mëti'ipë ja yajkutujkpë Ezequías ojts tkexyën,

2 Reyes 19:22

¿Pënën määpy mtäjpy nëkoo ëxaty mnëmääpy ets mtukxi'kpy? ¿Pënën määpy mtäjpy nëkoo mnikäjpxyp mnimëtyäkpy ets xywyinkäjpxy xyjyëjpkäjpxy amëj akëjxm? Yë'ë të xykyamëj'ixy ja mëti'ipë kënu'kxy mëj Wintsënën, mëti'ipë y'ëwtajtëpën ja Israel ja'ayëty.

Jeremias 42:9

ets t'ënëmaay: Yë Wintsën, mëti'ipë yë Israel ja'ay Tyios'ajtëpën, mëti'ipës ojts xy'amëtowtën ets ntuk'ëwaanëtëtyës ja m'amay mjotmayëty, jëtu'un të y'ëtsoy:

Isaías 10:24

Jëtu'un ja Wintsën y'ënä'äny mëti'ipë maaytyääyëpën winë: Nnaaxës nkajpnës mëti'ipë tsënaaytyëpën Sión, këtii yë Siria ja'ayëty xytsyë'ëkëtëty, oy mjawopa'an njaka'atsa'anëtëty mëët yë kepy tsaa tä mtuunëtën yë Egiptë ja'ayëty.

Lamentaciones 3:57

Jä'ä xëëw ma nmëkäjpxyën, jä'ä xëëw mminy ets xy'ënëëmës: Këtii mtsë'ëkëty.