2 Reyes 19:31 - Biblia Dc en Mixe de Quetzaltepec

³¹ Jä'ä ko jam wyë'ëma'any Jerusalén, ma ja Sión kopkën, nëjkxëp näjyëtu'un jyam'aty ja ja'ayëty mëti'ipë të tsyo'oktën o'kënjëjp'am. Ko ënety jëtu'un jyäty kyëpety yë'ëkyëjxm ko ja Wintsën ja tsyojkën jya'awën maaytyääyëp winë.

Biblia Mixe de Quetzaltepec

³¹ Jä'ä ko jam wyë'ëma'any Jerusalén, ma ja Sión kopkën, nëjkxëp näjyëtu'un jyam'aty ja ja'ayëty mëti'ipë të tsyo'oktën o'kënjëjp'am. Ko ënäty jëtu'un jyäty kyëpety yë'ëkyëjxm ko ja Wintsën ja tsyojkën jya'awën maaytyääyëp winë.

2 Reyes 19:31 ပူးပေါင်းရင်းမြစ်များ

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Romanos 11:5

Näyjyëtu'un tyam jyäty, niwäänë të wyë'ëmtë mëti'ipë ja Dios të wyinwitsëtën myëyajtënkyëjxm.

Romanos 9:27

Mëëtpë ja jutiis ja'ayëty, jëtu'un ja Isaías y'ënäny: Oy ja jutiis ja'ay jyamay'atë ja y'u'unk y'okëty, ijxtëm ja jinën mëti'ipë mejypyë'aayën, niwäänë nëjkx tpaatë ja nitsokën,

Isaías 10:20

Ja niwäänëpë ënety të jyaakwë'ëmtën ja Israel ja'ayëty ets ja Jacob ja y'u'unk y'ok mëti'ipë jaakyajpatëpën juuky, ka'ap nëjkx t'ëktukjotkujk'ajnëtë mëti'ipë ënety o'ktëy të tyunëtën, yë'ë nëjkx tuk'ijxpätë ja Wintsën, ja Wa'atspë, mëti'ipë yajpatpën ma Israel ja'ayëtyën.

Juan 2:17

Ënet ja y'ijxpëjkpëtëjk tja'amyäjtstë ja Dios ja y'aaw y'ayuk mëti'ipë ënaanpën: Mëkës yë mtëjk ni'äkë'aty.

Zacarías 1:14

ets ja tsajpjotmëtë kukäjpxy xytyuknipëjkyës ets nimëtya'akëtyës ja aaw ayuk: Jëtu'un yë Wintsën y'ënä'äny, mëti'ipë maaytyääyëpën winë: Ëjts nëkooyës ntsojknë nja'awënë yë Jerusalén kajpn ets Sión kopk.

Ezequiel 20:9

E ëjts kë'ëmës ojts nämyëmay nämyëtajyë ets ka'apës ja nxëëw nyajnipäxëtëkëjany, këtiipë tëkatsy nwë'ëmëtyës ma ja wiinkëtypë ja naax kajpnën ma ënety yë'ëjëty jyuuky'atën; jä'ä ko tëëjës ënety ja wiinkëtypë ja naax kajpn ntukmëtoy koos ja Israel kajpn nyaj'ëwaatsëpëtsëma'any jap Egiptë.

Ezequiel 5:13

Jëtu'unës nëjkx ja n'äkë nyajnaxy ma yë'ëjëtyën; yë'ëjës ntuk'ëwa'anxäämäämpy etsës njotkujkëty. E ko ënety winë të ntunyës tääts nëjkx tnijawëtë, ko ëjts mëti'ipë Wintsën'ajtpën ojtsës njanikäjpxy maas ënety tëë ntukjoot'anpëknëtën.

Jeremias 44:14

Tääpë Judá ja'ayëty jyaakjuuky'atën, nitu'uk nëjkx kyatso'oktë jap Egiptë, ni pën nëjkx kyawë'ëmy juuky. Ets oy ënety jya'ënantëpë wyimpita'antë jatëkok, ka'ap nëjkx tjëkyepy wyimpitë; wä'än jëtää yi'iyë wyimpitëty mëti'ipë ënety jap oywyi'ix jaakkäktëpën.

Isaías 63:15

Ix Wintsën, ma myajpaatyën jam tsajpjotm, jam ma kënu'kxy mëjjawë m'ityën. ¿Maa ënät tyam ja mtsojkën mja'awën ets ja mjot mmëjaaw? ¿Maa ënät tyam ja mjot mja'awën? ¿Ëkë wä'än të kyixyë ja mpa'ëyo'ow mnajts'ëyo'owënë?

Isaías 59:17

Ko myëtäky, jëtu'un nyäjxy tä jeexyë të yajtuknijenyën pujxn nijän; ko tyajnaaxkëtäky ja nitsokën jëtu'un nyäjxy tä jeexyë pyujxnkujup të yajpëjktä'äkyën, ko tyaj'o'ktaay ja myëtsip jëtu'un nyäjxy tä jeexyë ja jyemwyit të yajtukxoxyën mëti'ipë yajkutujkpëtëjk pyëjktaktëpën ets ko jyoot'anpëjky jëtu'un nyäjxy tä jeexyë yë wit të nyätyukwinpityën.

2 Reyes 19:4

Jääpëk yë mWintsën jeexyë të tmëtoy, wi'ixjaty të y'ënä'änyën yë Asiria ja'ay, tsiptuunpë wintsën, mëti'ipë je'eyë të myinyën ets ëxëëkjaty të tijy ja Wintsën juukpyë ets tkumëtowëty mëti'ipë yë Wintsën kë'ëm të tmëtoyën. E tyamts myajpëjktsoy ets xymyëkajpxëty ja Wintsën ets xykyukajpxta'akëty ja ja'ay mëti'ipë të jyaakwë'ëmtën juuky.

2 Reyes 19:37

E tu'kxëëw tu'kjëmëjt, jam ënety yajpaaty tsajptëkotm, jä'ä jap y'ëwtajtyp ja Nisroc, mëti'ipë yë'ë wyintsën'ajtëpën, tä jam tyukja'ajtë nimäjtsk ja myaank mëti'ipë xyëëwajtëpën Adramélec ets Sarézer, mëti'ipë yaj'o'kën, ja tuuntëkoopyë ënätyë ojts kyakojnëtë ets jam nyëjkxtë Ararat itjotmën. Ma ja kutujktaknën yë'ë ojts kyutëkëty ja myaank Esarhadón.

Isaías 10:12

Ko ënety ja Wintsën të tyajnaxy ja tsyip y'äkë ma ja Jerusalén ja'ayëtyën, tääts tëytyu'una'any ja Asiria yajkutujkpë, mëët ko ënety amëj akëjxm të jyuuky'äty.

Isaías 37:32

nëjkxëp jam wyë'ëmtë Jerusalén, jam ma Sión kopkën jam'atantëp ja mëti'ipë juuky wë'ëmantëpën. Ya'atë jëtu'un tyunäämpy ja tsyojkën jya'awën mëjpë këjääpë ja Wintsën mëti'ipë maaytyääyëpën winë.

Isaías 10:22

Oy jëtu'un tä jinën jyanimay'atë ja Israel ja'ayëty, niwäänë y'ita'antë mëti'ipë winpitantëpën. Tëë yajtuknipëjktaakë ko jyää'ata'any ja ëyo'on ko ënety ja nipaye'eyën y'ity.

Joel 2:18

Ënet ja Wintsën ojts ja nyaax kyajpn tpa'ëyoy, tsyojk jya'awëy; ojts ja kyajpn tnajts'ëyowë,