2 Reyes 19:21 - Biblia Dc en Mixe de Quetzaltepec

²¹ Jëtu'un ja Wintsën kyajpxwinpity, ma tnikäjpxyën ja Senaquerib mëti'ipë jam yajkutujkpën Asiria: Ja naax kajpn mëti'ipë yajtijpën Sión, jëtu'un npëjktakmëty tä ja to'oxy'ëna'kën, mëti'ipë je'eyë mnëxikpy mtukxikpyën mijts Senaquerib. Yë Jerusalén je'eyë kyëpajk timjyëpipy mëët ja mmëj'ajt mkëjxm'ajtën ko mkäknë.

Biblia Mixe de Quetzaltepec

²¹ Jëtu'un ja Wintsën kyajpxwinpity, ma tnikäjpxyën ja Senaquerib mëti'ipë jam yajkutujkpën Asiria: Ja naax kajpn mëti'ipë yajtijpën Sión, jëtu'un npëjktakmëty tä ja to'oxy'ëna'kën, mëti'ipë je'eyë mnëxikpy mtukxikpyën mijts Senaquerib. Yë Jerusalén je'eyë kyëpajk timjyëpipy mëët ja mmëj'ajt mkëjxm'ajtën ko mkäknë.

2 Reyes 19:21 ပူးပေါင်းရင်းမြစ်များ

Lamentaciones 2:13

¿Pën mëët nëk ijxkijpxëty wi'ix mjaty mkëpetyën mijts Sión kajpn, oypyë mkëxë'ëkyën? Mëjwiin këjää të m'ëyo'onpaaty; ¿pën m'ëk yajjotkujk'atëtëp?

Mateo 27:39

Ko ja ja'ay nyaxtë je'eyë nyëxi'ik tyukxi'ikëtë ets kyujëpiptë,

Jeremias 14:17

Jëtu'un xy'ënëëmëty ja naax kajpn: Wä'än tka'ay yë nwiinnëëjës xëëny koots janaam jatsojk, mëët ko ja ëyo'on jotmay ja nnaax nkajpnës tyukminyë, ko tsyëtyuta'any mëjwiin këjää.

Job 16:4

Ko jeexyë miits jëtu'un m'ëk jat m'ëk këpätë tääjës yamën, näjyëtu'unës jeexyë nkäjpxy tä mkajpxtën; je'eyës jeexyë nkëpajk njëpipy etsës jeexyë n'axiktu'uty, nëkooyës jeexyë n'ëëwnë nkajpxnë,

Lamentaciones 2:15

Ko m'ixyë mëti'ipë jam najxtëpën tu'u'am je'eyë kyë'ë t'apo'kxmuktë ets mtukxi'ikyë; je'eyë kyëpajk tjëpiptë ets wyiin y'aaw tuntë ets y'ëna'antë, tää ënät, ixtë wi'ix yë Jerusalén kajpn jyätyën mëti'ipë ijty janty'oy näyajnajxëpën, mëti'ipë ijty ja'ay tyijtëpën y'oyëty tyujëty.

Salmos 109:25

Ëjts je'eyës nyajja'ayxyi'iky. Koos muum xy'ixtë, tääts yë kyëpajk tkoowmin tkoowxëptë.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Miqueas 4:8

E mijts Jerusalén, mëjpotsy ets mëti'ipë ta'tspëky yajpatpën jam Sión, mijts nëjkx jatëkok m'awinpity kajpn kopk ma ja kuttujkën y'ityën, jëtu'un tä tu'uk yë taakën nëjkx jatëkok m'ity tä ijty tëëyëpën.

Amós 5:2

Ja Israel kajpn mëti'ipë ënety oy tsujën ets wa'ats yajpatpën, o'ktëy të jyäty. Tëë jyëpijpkëtä'äky kyë'ëm naaxjoty ets ka'ap pën wyijtsë'ëkyë.

Lamentaciones 4:21

Xi'ik, xoonta'ak mijts Edom kajpn; mëti'ipë jam Us yajkutujkpën. Mtukëta'akanëp näjyëtu'un ja ëyo'on jotmay ets jëtu'un nëjkx mjaty tä ja'ay myu'ukyën ets tä ja'ay niwa'ats ëxwa'ats wyi'imyën.

Lamentaciones 1:15

Jëkäm yë Wintsën të tnajtswojpëtyä'äy yë jotmëkja'aytyëjk mëti'ipës ijty xynyiwaantutëpën. Tëë tkexy yë tsyiptuunpëtëjk mëti'ipë të tyajkëjxta'atën yë njotmëkja'aytyëjkës. Jëtu'un yë Wintsën të tä'änäkë yë Judá tä ja'ay tä'änye'eyën yë tsatsymtsya'am ets tyaj'uukyojy.

Jeremias 46:11

Mijts Egiptë kajpn, nëjkx tsooy ixta'a jam Galaad. E oy jënu'un mjatsooypyätëty, ka'ap mtso'oka'any, jä'ä ko mijts ni tii tsooy mkayajtso'oka'anyë.

Jeremias 31:4

Tëë jatëkok nyaj'oyës ja mnaax mkajpn. Ets mminëty jatëkok akujk jotkujk mëët ja xuxn, ak ets äjtspë pujtpë.

Jeremias 18:13

Paaty yë Wintsën y'ënä'äny: Yajtëwtë wiinkëtypë naax kajpn pën tëë jëtu'unpë aaw ayuk mëkpë tmëtowtë. Yë Israel ja'ayëty mëj këjää të tyuuntëkoytyë.

Isaías 47:5

Amonyë naaxwääts mijts to'ox ëna'k, Caldeo ja'ay; akootstuuy tëkë, jä'ä ko ka'ap m'ëk yajtijjanë yajkutujkpë ma ja naax kajpnën.

Isaías 47:1

Mijts to'oxy'ëna'k, Babilonyë ja'ay, jënak jam ma myajpaatyën, ma mjaaknätyu'uk'atyën ets naaxwayjoty m'u'unyëty, mijts Caldeo to'oxy'ëna'k nëwääts jam m'ënyääytyaknkëjxy ma myajkutukyën; naaxkëjxy u'unyë, jä'ä ko ka'ap m'ëk yajtijjanë yu'unk ets ëmaay.

Isaías 23:12

Ets të t'ënëëmë ja Sidónja'ayëty: Ixmats ja äjtsk pujtk mijts to'oxy ëna'k mëti'ipë të yajwitsy të yajjëtutyën. Mijts oy jap mjanëjkxëty Chipre, ka'ap jotkujk'ajtën xypyaata'any.

Isaías 23:10

Mijts Tarsis ja'ayëty, tim naaxtuntë je'eyë, jä'ä ko miitsëty ka'ap jëtu'un ja kuttujkën xy'ëkmëët'atanë tä ijty tëëyëpën.

Isaías 1:8

Yi'iyë yë Sión të jyaak wë'ëmy jëtu'un tä tu'uk kamtëjkën, nätyu'uk jyaak yajpaaty ma tsatym kyamën. Tä tu'uk këtseytyëjkën ma melón kamën, Tä tu'uk kajpnën tëëpë myëtsip yajnatukyën.

Salmos 137:8

Mijts Babilonyë ja'ayëty, nëjkxëp jëna'a mkutëkooytya'atë. Jotkujk ja ja'ay yajpaatëty mëti'ipë ënety ëxëëk mtuunëpën, mëët koos ëxëëk të xytyuntë.

Salmos 9:14

etsës jam Jerusalén nikajpx nimëtya'akëty ko mijts mnitëjkëyëp myajmëjpëjkta'akëty, ets ko janty jotkujkës nyajpaaty koos të xyajtso'oky.

Salmos 44:14

Mijts yowë m'ëwatsnëp ets ja'ay xynyëxi'ik xytyukxi'iktëtyës mëti'ipë ka'ap yë Dios t'ëwtatën, ko muum xy'a'ijxnaxtës tääts yë kyëpajk tuntë jëpijpminy jëpijpxëpy.