2 Reyes 19:20 - Biblia Dc en Mixe de Quetzaltepec

²⁰ Ënet ja Jeséas tkäjpxynyikejxy ja Ezequías ets t'ënëmaay: Jëtu'un yë Wintsën y'ënä'äny, mëti'ipë yë Israel ja'ayëty y'ëwtajtëpën: Tëës nyajnaxy ja m'amëto'ow mpëjktso'owën ma xynyikäjpxyën ja Senaquerib, mëti'ipë jam yajkutujkpën Asiria.

Biblia Mixe de Quetzaltepec

²⁰ Ënät ja Jeséas tkäjpxynyikejxy ja Ezequías ets t'ënëmaay: Jëtu'un yë Wintsën y'ënä'äny, mëti'ipë yë Israel ja'ayëty y'ëwtajtëpën: Tëës nyajnaxy ja m'amëto'ow mpëjktso'owën ma xynyikäjpxyën ja Senaquerib, mëti'ipë jam yajkutujkpën Asiria.

2 Reyes 19:20 ပူးပေါင်းရင်းမြစ်များ

2 Reyes 20:5

Wimpit ets ënëëmë yë Ezequías, mëti'ipë nyiwintsën'ajtypyën yë nnaaxës nkajpnës: Yë Wintsën, mëti'ipë m'apteety David y'ëwtajtën, jëtu'un y'ënä'äny: Tëës nmëtoow'ity ja mjëëytyak mnu'kxtakën ets mjë'ëyën myaxën. Oy'atëp, tyam nyajtso'okëty, ko jyatëkëëk xëëw'atëty jyëkyäpëp mnëjkxëty ma tsajptëjkën.

Hechos 10:31

Ënätës xynyëmaay: Cornelio, tëë ja Dios ja m'aaw m'ayuk tmëtoy, y'ijxyp nyija'ap ko të xyjyä'äymyetsy ets wi'ix ja mëyajtën xytyunyën ma ja ja'ayëtyën xypyutëkën.

Jeremias 33:3

Ëjts mëkajpxk ets n'ëtsowëty ets ntuk'ixëty mëjwiinpë këjääpë ja winma'any mëti'ipë yu'utsy'ijtpën, mëti'ipë ka'ap xynyijawën.

Isaías 65:24

Ka'anëm ënety xymyëkajpxtës koos n'ëtsoowinpitëty, ka'anëm ënety kyajpxpëtsëmtë koos nnijawëty wi'ix y'ëna'ana'antën.

Hechos 10:4

Tääts ja Cornelio tsë'ëkë tsë'ëkë twin'ijxpejty ja tsajpjotmëtë kukäjpxy ets t'ëtsooy: ¿Tii?, Wintsën. Tää ja tsajpjotmëtë kukäjpxy y'ënëmaayë: Y'ijxyp nyija'ap yë Dios ko xyjyä'äymyetsy ets wi'ix xypyutëkën ja ëyoopëja'aytyëjkëty.

Juan 11:42

Nija'apës ko xëmë mijts xy'amëtoow'ityës ets yë'ëjës xyaj'ënaanp ets ya'atë ja'ay oyajtën tpaatëty mëti'ipë tyam yaajëtyën ets tmëpëktëty ko mijts të xykyexyës.

2 Samuel 17:23

Ko ja Ahitófel t'ijxy ko ja wyinma'any ka'ap të tyuny, tää tniwë'ëny tnijujky ja jyëyujk ets ojts nyëjkxnë ma tyëjkën, jam ma ja nyaax kyajpnën ma ënety të myinyën naaxwiiny. Ko tyajwintu'upëjktaay ja jyotmay jampë ma jyëën tyëjkën, tä nyäyaj'o'kë. Jëtu'un y'oky ets jam nyaaxtëjkëy ma ja tyeety nyaaxtëjkëyën.

2 Samuel 15:31

E ko ja David yajtukmëmëtyäky ko ja Ahitófel jä'ä ënety mëët ja Absalón jëtu'unpë ja winma'any të tpaaty ko tnikäjpxytyunëtë ja yajkutujkpë, ënät ja David ënätyë ja Wintsën tmënu'kxtäky ets ja Ahitófel jëtu'unyë wyinma'anytyëkoyëty.

Isaías 58:9

Ënet nëjkx n'ëtsoy koos ënety xymyëkäjpxy, ma ënety muum näypyutëkë xyajmëyätyën, tä n'ënëëmëja'any. Tyaajës jä'ä. Tëë ënety xyajkutëkoy ma ja ja'ay ja jyiiky myëku'uk ëxëëk tunyën, ets ko ënety ka'ap ja mmëku'uk xy'ëk'oj xy'ëkyaxnë ets xy'ëknipi'tskajpxnë.

Salmos 50:15

Mëkajpxkës ko ënety mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Job 22:27

Pën m'amëtoopy winë, nëjkxëp tmëtoow'ity ets nëjkxëp xypyatuny ja m'aaw m'ayuk mëti'ipë ënety yë'ë të xytyukwinwanën.

Salmos 65:2

jä'ä ko mijts wa'ats xymyëtoow'ity yë tsajpkäjpxy. Tëkokyë yë naaxwiinyëtë ja'ay jam myintë ma mijtsën.

2 Reyes 18:13

Ma ënety majkmajkts jëmëjt yajkutukyën yë Ezequías, jää ojts yë Senaquerib, Asiria yajkutujkpë, tukja'ty yë Judá nyaax kyajpn mëti'ipë yaj'ijtëpën ta'tspëky ets këwent'aty ets tjä'äpëjktaay.

Salmos 65:3

Xymyëmëtaktëp ëëtsëty ja nëë poky mëti'ipë yajtuunp yajkajpxpën, e mijts mme'kxyp yë tuuntëko'oy kajpxtëko'oyën.