2 Reyes 19:17 - Biblia Dc en Mixe de Quetzaltepec

¹⁷ Wintsën, tyam ntuk'ëwaanë, ijxtëm y'ënä'änyën ko yë yajkutujkpë mëti'ipë jam të tyuntën ma Asiria ja'ayëtyën tëë kanaak yë naax kajpn tyajkutëkoytyë ets mëët ja kyam tyu'ujëty, janty tëy yë'ë,

Biblia Mixe de Quetzaltepec

¹⁷ Wintsën, tyam ntuk'ëwaanë, ijxtëm y'ënä'änyën ko yë yajkutujkpë mëti'ipë jam të tyuntën ma Asiria ja'ayëtyën tëë kanaak yë naax kajpn tyajkutëkoytyë ets mëët ja kyam tyu'ujëty, janty tëy yë'ë,

2 Reyes 19:17 ပူးပေါင်းရင်းမြစ်များ

1 Corintios 14:25

Jëtu'unts nëjkx yajnijawë mëti'ipë ënety jyotmay'äjtypyën jyootjoty wyinma'anyjoty ets ja Dios nëjkx twinkoxtänë ets tmëjjaw tjaantyjawëty ets nijawëty ko ja Dios yajpaaty ma miitsëtyën.

Hechos 4:27

Tëyajtën yë'ë, ko yë Herodes ets ja Poncio Pilato yaa të ye'eymyuktë mëët ja mayjyä'äy, ma ya'atë kajpnën, jutiis ets mëti'ipë ka'ap jyutiisëty, ets ja mWa'ats Tuumpë Jesús të yajmëtsippëky, mëti'ipë të xywyinwitsyën.

Lucas 22:59

Tëë ënety tu'khorën nyäxy ko wiinkpë jyaak timy'ënäny: Tëy yë'ë ko tyaapë ja'ay yë'ë ijty mëët jyëtity yë Jesús. Galilea ja'ayts yë'ë.

Daniel 2:47

Ok t'ënëmaay yë Daniel: Tëy jaanty yë'ë mijts yë mTios, ni'ik myëjëty këtiinëm jyëtu'unëty yë wiinkëtypë tios; yë'ë nyiwintsën'ajtääpy yë yajkutujkpëtëjk ets yë'ë yäjkpy yë nija'awën ma tsipëtypë ets yu'utsypë winma'any, paaty mijts të xynyijawë wi'ix nyiwija'anyën ya'atë nkuma'ayës.

Jeremias 26:15

Je'eyëp tëy ko yajxon xytyimwinmaytyëty: pën xyaj'o'ktëpës, miitsëty ets nitëkokyë ja'ayëty mëti'ipë kunaax kukajpnëtyën pokymyëët nëjkx wyë'ëmta'atë mëët ko ënety të xyaj'ooktë tu'uk ja'ay mëti'ipë ka'ap tii poky tmëëtëtyën; jä'ä ko ëjts Wintsënës të xykyexy ets miitsëty ntukmëtowtëty ya'atë aaw ayuk mëti'ipë të xymyëtowtën.

Isaías 5:9

Tëës xy'ënëëmë ja Wintsën mëti'ipë maaytyääyëpën winë: Kanaak ja jëën tëjk y'atëkoyä'äny; oy jënu'un oytyuny jyakëxë'ëky, ni pën nëjkx jap kyatsëënë.

1 Crónicas 5:26

Paatykyëjxm ja Wintsën nän kë'ëm ojts naskajpxë ets ja Pul wyinma'anypyaatëty, mëti'ipë Tiglat-piléser xyëëwajtypyën, ja Asiria yajkutujkpë ets tmëtsiptsoonëty ja Israel ja'ay; jëtu'un tyajnëjkxtaay tsumy matsy ja Rubén ja'ayëty, Gad ja'ayëty ets nikujkwä'kxy ja Manasés ja jyä'äy; jam ojts yajmënëjkxtë Halah, Habor, Hara ets ma ja Gozán mëjnëë jyënäkyën, ma tyampaat yajpaatën.

2 Reyes 17:24

Ja yajkutujkpë jampë y'ëne'emyën Asiria, ojts tyajnëjkxy yë ja'ay mëti'ipë kukajpnajtëpën Babilonyë, Cuta, Avá, Hamat ets Sefarvaim, yë'ë jam kyukäjxëy ma ja Samaria kajpnën, ijxtëm jeexyë jam yë Israel ja'ayëty y'itën ets jam tsyënaaytyaknpëjktë.

2 Reyes 17:6

E ma tyaxtujk jëmëjtpäjtnën ma ja Oseas yajkutukyën, ja Asiria yajkutujkpë jää ojts tmëmëtaknë ja Samaria ja'ay ets ja Israel ja'ayëty ets tyajnëjkxtaay ni'ëmukë jam Halah, ma ja Habor ja y'itjotmën, jam Gozán ma ja mëjnëë jyënäkyën, mëti'ipë nyiwantëpën ja Medos ja'ayëty.

2 Reyes 16:9

e yë'ë ënätyë ojts pyutëkëty ets poj'am tnipëjktakëy ja jyä'äy mëti'ipë tsip'ixëtyën, tä ojts tninëjkxtë ja Damaskë kajpn ets tjä'äniwany, jëtu'un jam tyajtso'ontaay ja ja'ayëty jampë tsyëënëtën ets ojts tyajnëjkta'ay jam Quir, ojts tyaj'o'ky ja Rezin.

Mateo 14:33

Ets pënjaty ënety jap kepy nëëwinye'epyëjoty, ojts nyäkyoxtënaaytya'akëtë Jesús wyintuuy ets t'ënëmaaytyë: Tëy jëtu'un, Dios U'unk mijts.

2 Reyes 19:16

Mëtoow'it, Wintsën ets ja'akyukë ya'atë ja nnu'kxtakënës, ni''ijxwa'kxkës ets ni''ijxkëtakës. Mëtoow'it mëti'ipë ja Senaquerib të tkäjpxyën, mëti'ipë të tukmëkäxën ja tyuunpë ma ëjtsën ets mijts myajni'oj myajniyaaxë, mijts Dios mëti'ipë juukyën.

2 Reyes 19:18

ets ko tëë ja tyios tyajkutëkooytya'atë jëënjoty, jä'ä ko ka'ap ja tyios'atë, aakyë'ë ja tsaatsetsy, mëti'ipë ja ja'ay kë'ëm y'oytyuunpyën. Paatykyëjxm të timyajkutëkoytyë.

2 Reyes 19:37

E tu'kxëëw tu'kjëmëjt, jam ënety yajpaaty tsajptëkotm, jä'ä jap y'ëwtajtyp ja Nisroc, mëti'ipë yë'ë wyintsën'ajtëpën, tä jam tyukja'ajtë nimäjtsk ja myaank mëti'ipë xyëëwajtëpën Adramélec ets Sarézer, mëti'ipë yaj'o'kën, ja tuuntëkoopyë ënätyë ojts kyakojnëtë ets jam nyëjkxtë Ararat itjotmën. Ma ja kutujktaknën yë'ë ojts kyutëkëty ja myaank Esarhadón.

2 Reyes 9:8

Tëkokyë ja Ahab ja jyiiky myëku'uk nëjkxëp kyëjxta'atë; ja ye'etyëjktëjk mëti'ipë jää jaakjuuky'ajtëpën ma Israel kajpnën wa'atsës nyajkutëkooytya'aja'any.

2 Reyes 18:33

¿Yë'ëjëm jëtää yë tyiosëty yë naax kajpn të tyajtso'okyë ko muum yë Asiria ja'ayëty yë naax kajpn të tnitëkëtë?