2 Reyes 19:13 - Biblia Dc en Mixe de Quetzaltepec

¹³ ¿Maajën ënät tyam ja yajkutujkpëtëjkëty mëti'ipë jam tso'ontëpën Hamat, Arfad, Sefarvaim, Hená ets Ivá?

Biblia Mixe de Quetzaltepec

¹³ ¿Maajën ënät tyam ja yajkutujkpëtëjkëty mëti'ipë jam tso'ontëpën Hamat, Arfad, Sefarvaim, Hená ets Ivá?

2 Reyes 19:13 ပူးပေါင်းရင်းမြစ်များ

2 Reyes 17:24

Ja yajkutujkpë jampë y'ëne'emyën Asiria, ojts tyajnëjkxy yë ja'ay mëti'ipë kukajpnajtëpën Babilonyë, Cuta, Avá, Hamat ets Sefarvaim, yë'ë jam kyukäjxëy ma ja Samaria kajpnën, ijxtëm jeexyë jam yë Israel ja'ayëty y'itën ets jam tsyënaaytyaknpëjktë.

2 Reyes 18:33

¿Yë'ëjëm jëtää yë tyiosëty yë naax kajpn të tyajtso'okyë ko muum yë Asiria ja'ayëty yë naax kajpn të tnitëkëtë?

2 Reyes 18:34

¿Maajën ja wyintsënëty ënät ja Hamat ets ja Arfad? ¿Maajën ja wyintsënëty ja Sefarvaim, Hená ets Ivá? ¿Ojts jëtää tyajtso'oky ja Samaria kajpnë?

2 Crónicas 8:3

Ënet mëët tsyiptuuny ja Hamat, jampë Sobá kyukajpnëtyën, ets tpëjkëy ja kyajpn.

Isaías 11:11

Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

Jeremias 39:5

E ja caldeo tsiptuunpëtëjkëty ojts y'ixëtë ets pyatso'onëtë. Jam yë Sedequías yajnajtspatëy ma ja joyjyotën mëti'ipë Jericó nyitënääpyën. Ënet yajmajtsy ets ojts yajmënëjkxy ma ja Nabucodonosor yajkutujkpë yajpaatyën jam Riblá, ma Hamat y'itjotmën. Jam yë Nabucodonosor ojts tni'ënä'ämë ets Sedequías yë y'u'unk y'ëna'k yajyo'kpujxta'atëty ets tëkokyë yë jyä'äy mëti'ipë ënety jyiiky'äjtyp myëku'uk'ajtypyën e yë'ë wintuuy ojts y'o'kta'atë.

Jeremias 49:23

Ma yajnikäjpxyën wi'ix yë Damaskë kajpn jyata'anyën. Tsëtyu'un mëët të wyë'ëmtë ja Hamat kajpn ets ja Arpad kajpn ko të yajtuknijawëtë ja ëyo'on jotmay mëti'ipë nimiinëtëpën; je'eyë tyam tsyë'ëkëtë ets ka'ap jyotkujk'atë.

Zacarías 9:2

Näyjyëtu'un yë Hamat kajpn, mëti'ipë mëët nyäpyaatëtën, yë Tirë kajpn ets Sidón kajpn mëët tu'kë'ëyë mëti'ipë tyukjuuky'ajtëpën ets wyinma'any'ajtëpën.