2 Reyes 18:8 - Biblia Dc en Mixe de Quetzaltepec

⁸ Ko mëët tsyiptuuny yë filistejë ja'ayëty ka'ap tyajmëtäky, ëxëëk jam tuuny Gaza ets jampaat ma ënety mëët nyämëtsëpa'an'atyën; yë'ëpaat ja myëtsiptëjk ka'ap tyajmëtäky ma ënety jam kyëwent'atën potsykyëjxm ets ma ja kyajpnëtyën mëti'ipë ta'tspëkyën ets natukyën.

Biblia Mixe de Quetzaltepec

⁸ Ko mëët tsyiptuuny yë filistejë ja'ayëty ka'ap tyajmëtäky, ëxëëk jam tuuny Gaza ets jampaat ma ënäty mëët nyämëtsëpa'an'atyën; yë'ëpaat ja myëtsiptëjk ka'ap tyajmëtäky ma ënäty jam kyëwent'atën potsykyëjxm ets ma ja kyajpnëtyën mëti'ipë ta'tspëkyën ets natukyën.

2 Reyes 18:8 ပူးပေါင်းရင်းမြစ်များ

Isaías 14:29

Këtii nëkoo mjotkujk'aty mijts filistejë kajpn, ko ja kepy të tyijy mëti'ipë myajtukwojpën; jä'ä ko tsa'any tu'uk pëtsëmaanp ma ja tsa'anytyaak y'ityën, tääpë tsa'any kääkë'ëkaanp yë'ë.

2 Reyes 17:9

Yë Israel ja'ayëty ojts tëkatsypë ja aaw ayuk tuknipëtsëëmnëtë ja Wintsën, xii yaa ojts muum tkojnëtë ja tuuntakn kajpxtakn ma kyajpnëtyën, nän timjëtu'un ma ja këwent'ajtakn tmëët'atën ets ma ja itjotmën mëti'ipë këwent'atyën.

2 Crónicas 28:18

Ets ja filistejë ja'ayëty nän tëë ënety tnitëkëtë ja Négueb kajpn, mëti'ipë Judá nyitënääpyën; tëë ënety näjyëtu'un tyajnatuktë yë Bet-semes, Aialón ets Guederot ets Socó, Timná ets Guimzó mëët tëkokyë ja nyaax kyamëty mëti'ipë myëët'ajtëpën ets jam të nyäpyëjktakta'ajëtë.

Isaías 5:2

Yajxon ojts naax tajyuky, wa'ats tpiiwpëtsëëmtaay ja tsaa ets ojts nakemy. Jam kam'itkujky ojts tu'uk ja tëjk tkojy, ets tnipëjktakëy ma ja tsatym yajwinma'atsëtyën. Ja nmëku'ukës jëtu'un tjëjp'ixy pa'ak yowë ja tsatym pyëtsëmëty, e ko ja tsatym ojts tyëëm'aty, aak xunëty ojts pyëtsimy.

2 Crónicas 26:10

Ojts näjyëtu'un potsy tyajkojy jam të'ëts'itjotm, ojts may nëëjut tyaj'ëwa'atsy, jä'ä ko yë'ë may ijty jëyujk tsajpkaa tmëëtëty; jam joyjotm ets jam kopkëjxm. Tam ijty näjyëtu'un tmëëtëty may tuunpë ma kyam tyu'ujën jam tunjotm ets maajaty y'ääy y'ujts tyaj'ityën, yë'ë oy ijty tsojkën'aty naax tuunk.

1 Crónicas 4:41

E jää ma yajkutujkyën ja Ezequías, Judá jyä'äy; jää ojts ya'atë ja'ay jam jya'të, mëti'ipë të yajnikajpxtën ets tyajkutëkootyääytyë winë, tääts yë'ë ojts tmëwë'ëmtë ja naax kam, jä'ä ko janty'oy t'ijxtë ja it naaxwiinyëtë, jyëkyejpy ja jëyujk jam tyänëtëty.

Deuteronomio 2:23

Timjëtu'un ojts jyatë kyëpätë yë Heve ja'ayëty jampë tsyëënëtën winkon ma Gaza kajpnën, ma yajkutëkooyëtën yë filistejë ja'ayëty ets ojts ja nyaaxëty niwa'kta'ayëtë mëti'ipë ënety të tsyoontën jam Creta ets jam myiintaaytyë tsënääpyë.

Josue 15:47

Ja kajpn mëti'ipë xyëëwajtypyën Asdod mëët ja myutsk kajpn ets ja pya'a nyux; ja Gaza mëët ja myutsk kajpnëty ets ja pya'a nyux ets tyimja'ty ma ja wokjot nyäxyën mëti'ipë Egiptë tso'onpën ets ma mëët nyäpyäätyë ja Mejy Naax'akukpë.

1 Reyes 5:4

E tyam tëëjës yë Wintsën ja jotkujk'ajtën xymyo'otës oymyaajëty, tyam ka'apës ma pën xymyëtsip'atë.