2 Reyes 18:37 - Biblia Dc en Mixe de Quetzaltepec

³⁷ Ënet ja Eliaquim, mëti'ipë kyëwent'ajtypyën ja kutujkëntëjk; ja Sebná, mëti'ipë ja noky myëët'ajtypyën ma jap winë kuja'ay myinyën ets ja Joah mëti'ipë ja yajkutujkpë jyääpyë'ajtypyën ja wyit tkë'tstaaytyë mëët ja monyëtukyë ets ojts tninëjkxtë ja Ezequías, tääts tukmëmëtyaktaaytyë tä ënety ja Asiria ja'ay, tsiptuunpë wintsën të y'ënä'änyën.

Biblia Mixe de Quetzaltepec

³⁷ Ënät ja Eliaquim, mëti'ipë kyëwent'ajtypyën ja kutujkëntëjk; ja Sebná, mëti'ipë ja noky myëët'ajtypyën ma jap winë kuja'ay myinyën ets ja Joah mëti'ipë ja yajkutujkpë jyääpyë'ajtypyën ja wyit tkë'tstaaytyë mëët ja monyëtukyë ets ojts tninëjkxtë ja Ezequías, tääts tukmëmëtyaktaaytyë tä ënäty ja Asiria ja'ay, tsiptuunpë wintsën të y'ënä'änyën.

2 Reyes 18:37 ပူးပေါင်းရင်းမြစ်များ

Mateo 26:65

Ënet ja teety wintsën ja wyit tkë'tsy a'äkë ets y'ënäny: Ya'atë ja'ay, Dios yë myëkajpxtëkoopy. ¿Tii ko pën njaakwo'owmëty mëti'ipë ni'ë'ënëpën? Tëë xymyëtowtë wi'ix yë Dios tmëkajpxtëkoyën.

Jeremias 36:24

Yë yajkutujkpë ets ja wintsëntëjkëty mëti'ipë myëtoowtën wi'ix ja noky axaatsy jyä'äyëtyën, nijënu'un kyatsë'këtyë ets nitii tkamëkja'awëtyë.

Isaías 33:7

Mëtoow'it wi'ix ya'axtën jyoktën ja jotmëkja'aytyëjk jap tu'u akë'p ets wi'ix jyë'ëtën ya'axtën ja ja'ayëty mëti'ipë aaw ayuk myënëjkxtëpën ets jeexyë ja tsip yajkajpx'oyë.

Job 1:20

Ënet ja Job pyëti'ky ets tkë'tstëëy ja wyit, jä'ä mëk jya'ap ko ënety jëtu'un të tyuny të jyätyë, ojts ja wyääy kyopk tkä'pta'ay ets tmënu'kxtäky ja Wintsën.

2 Reyes 22:19

ets mëët ko të xyjyä'äkyukë wi'ixës ëjts n'ëna'anyën, ja naax kajpn ets ja ja'ayëty mëti'ipë jam tsënaaytyëpën, ko o'ktëy jyata'antë ets poky y'ita'antë ets ko tëë ja mwit mtujkxy xykyë'tsta'ay mëët ja jotmay ets të mjë'ëy të myä'äxy ëjts nwintuuyës; tëëjës n'amëtoow'ity ets tëëjës nja'akyukë. Ëjts, mëti'ipë Wintsën'ajtpën, jëtu'un yam n'ënëëmë:

2 Reyes 22:11

Ko ja yajkutujkpë tmëtoow'ijty ya'atë ja aaw ayuk mëti'ipë nyikäjpxypën ja noky, tääts tkë'tstaay ja wyit mëët ja amay jotmay,

2 Reyes 18:26

Tääts ja Eliaquim, Sebná ets ja Joah t'ëtsoowtë ja Asiria tsiptuunpë: Tun yë mëyajtën harameo ayuk tukmëkajpxtëkës, ëëtsëty wa'ats nja'akyukëtëty, këtiis xymyëkajpxtë mëët yë hebreo ayuk jä'ä ko yë ja'ayëty mëti'ipë jam potsykyëjxm ku'ijxnajxtëpën wa'ats jam tmëtowtë.

2 Reyes 6:30

Ko ja yajkutujkpë tmëtoowpaty y'ënä'äny jëtu'un ja to'oxytyëjk, mëk ojts tjawë, kyë'tstaay ënätyë ja wyit mëti'ipë ënety jam nyijän'ajtypyën mëët ja mëkjotmay ets ja äkë. E jä'ä ko jam ënety potsykyëjxm, may ja ja'ay t'ijxtë ko ja wyit këëts tmëët'aty.

2 Reyes 5:7

Ko ja yajkutujkpë jampë Israel tyaj'ëwatsy ja noky, ënät nyänyikë'tsë mëët ja joot'an ets ko ja amay jotmay tyuktëjkëyë: ¿Ti Tiosës jëtää ëjtsë, etsës tu'uk yë ja'ay nyajtuknikäxëtyë mëti'ipë pu'uts pa'am pëjkëpën etsës nyajtso'ok nyaj'akëtä'äkyëtyë? Ixtë yajxon, ko ya'atë ja'ay winma'any ixtääpy je'eyë paatyës nëkoo xymyëmayë.

Génesis 37:34

Ënet yë Jacob ojts yë wyit tukëëtsë ets nyätyukxojxë ja wit mëti'ipë kuumpën u'kxpën ets nyätyukniwëjtaayë naaxway; jekpyaat ojts nijë'ëy niyä'äxy ja myaank ko ënety të y'ooky të tyëkoy.

Génesis 37:29

Ko yë Rubén jatëkok wyimpijty ma ja nëëjutën, ka'ap ojts t'ëkpatnë ja y'uty José, tä ja wyit, mëti'ipë ënety jam pyëjktäkpyën, t'akë'tsëy tyajnikëxë'ëky jëtu'un ko ënety mëk tjajawë ko ja y'uty të tyëkoy.

2 Samuel 8:16

Mëti'ipë ojts ja tsiptuunpëtëjk tniwintsën'atyën jä'ä ijty xyëëwajtyp Joab, yë'ë Sarvia myaank ets Josafat; yë myaank yë Ahilut, yë'ë ojts y'ity jääpyë ma ja ënä'ämpën.

2 Reyes 18:18

Ënet ojts tmëkajpxtë ja Judá yajkutujkpë, tääts pyëtsëëmtë ja Eliaquim, yë myaank yë Hilquías, mëti'ipë ënety ja kutujkëntëjk kyëwent'ajtypyën ets ja Sebná, mëti'ipë jääpyën ets Joah, yë myaank yë Asaf, mëti'ipë mëët ja yajkutujkpë tyunyën mëti'ipë jyääpyë'ajtypyën ets mëët myëtyaktë ja Asiria ja'ayëty.

2 Reyes 18:36

Ja ja'ayëty amonyë wyë'ëmtaaytyë, jä'ä ko tëë ënety ja yajkutujkpë y'ënë'ëmxëtë ko këtii nitii ayuk tpaatëty.

2 Reyes 19:1

Ko yë yajkutujkpë Ezequías ja ayuk pyatë, ënät ojts ja mëkjotmay tyuktëkëty ets ja wyit tyujkxy tkë'tstaay mëët ja jotmay aakjä'ä tyuktëjkëy ja xa'kwit mëti'ipë kuumpën u'kxpën ets ojts nyijkxy ma ja tsajptëjkën.

2 Crónicas 32:1

Ko jëtu'un nyäjxy ma ja Ezequías tyajnikëxë'kyën wi'ix ja Wintsën oy tmëmëtoyën ets wi'ix tmëjpëjktä'äkyën, ënät ja Senaquerib, Asiria ja'ay yajnatujkë ets tyajnatujktaay ja naax kajpn mëti'ipë nyiwa'anäämpyën.

Esdras 9:3

Ko jëtu'un nmëtooyës ënät ja nwit ntukë'tsëyës ets ja nwiinwaay n'aawaay nka'ptaayës, mëët ko jëtu'un nmëtoowpatyës, janty tim pëjkë'k ntimy ja'awëyës ja njot nini'kxës, jëtu'unyës ntimy wyä'tskëtäky mëët ja monyëtukyë.

Isaías 22:20

Jä'ä xëëw nmëkajpxa'anyës yë ntuunpës, yë Eliaquim, yë Hilquías yë myaank