2 Reyes 18:30 - Biblia Dc en Mixe de Quetzaltepec

³⁰ Pën yë Ezequías mnëmaayëtëp ko miitsëty yi'iyë yë Wintsën atu'uk xytyuk'ijxpätëty ets m'ënë'ëmxëtëty: Mëtëy yë'ë ko yë Wintsën yë'ë xypyutëkëja'anëm ets xyajtso'oka'anëm; yë'ë ka'ap nëjkx t'a'ixë ets ëëtsajtëm o'ktëy njajtmëty ets ya'atë naax kajpn tjä'ä'atëty ja Asiria ja'ayëty,

Biblia Mixe de Quetzaltepec

³⁰ Pën yë Ezequías mnëmaayëtëp ko miitsëty yi'iyë yë Wintsën atu'uk xytyuk'ijxpätëty ets m'ënë'ëmxëtëty: Mëtëy yë'ë ko yë Wintsën yë'ë xypyutëkëja'anëm ets xyajtso'oka'anëm; yë'ë ka'ap nëjkx t'a'ixë ets ëëtsajtëm o'ktëy njajtmëty ets ya'atë naax kajpn tjä'ä'atëty ja Asiria ja'ayëty,

2 Reyes 18:30 ပူးပေါင်းရင်းမြစ်များ

Lucas 23:35

Tam ja mayjyä'äy t'ixtë, kutuunkpaat ja Jesús nëxiktë tukxiktë ets y'ëna'antë: Tëë yë wiinkpë tyajtso'oky, wa'an ënät tyam kë'ëm näyajtso'okyë; pën yë'ë janty Kristë, mëti'ipë Dios të wyin'ixyën.

Mateo 27:43

Tëë jyot wyinma'any tpëjktä'äky ma Tiosën, wä'än Dios yë'ë tyam yajnitso'okyë pën tsojkëp, jä'ä ko yë'ë jëtu'un të y'ënä'äny ko Dios y'U'unk'atyë.

Salmos 71:11

Tyaa y'ëna'antë: Ixta'atë ets xymyatstëty, yë Tyios mëti'ipë y'ëwtajtypyën tëë jyä'äytyëkooyënë, paaty tyam ka'ap t'ëkmëët'ajnë pën yajtso'okëtëp.

Salmos 71:9

këtiis xy'ëxëëkjawëty koos ënety tëë nmëjja'ayënë; këtiis xy'ëxmats xymyajtstu'utëty koos ënety ka'ap yë jot mëjaaw n'ëkmëët'ajnë.

Salmos 11:1

Ëjts jamës n'ixta'ay yë kuwa'anën ma Wintsënën. Oyës pën xyjya'ënëëmë: Kä'äk, nëjkx jam kopkëjxm tä joonën.

Salmos 4:2

Miitsëty ninu'un mëj këjxm mnäyajnaxëtën, ¿Jëna'apaat ëxëëk maya'an mtaja'antë, mëët ëjts koos oy njuuky'äty, jëna'apaat yi'iyë xytyuunk'ata'antë ka'apë myëtëyëtyën ets ka'apë jyääntyëtyën?

2 Reyes 19:22

¿Pënën määpy mtäjpy nëkoo ëxaty mnëmääpy ets mtukxi'kpy? ¿Pënën määpy mtäjpy nëkoo mnikäjpxyp mnimëtyäkpy ets xywyinkäjpxy xyjyëjpkäjpxy amëj akëjxm? Yë'ë të xykyamëj'ixy ja mëti'ipë kënu'kxy mëj Wintsënën, mëti'ipë y'ëwtajtëpën ja Israel ja'ayëty.

2 Reyes 19:10

ets t'ënëmaay: Yë mWintsën jëtu'un m'ënë'ëmxëty ko ka'apës yë mnaax mkajpn xymyäyëty këtiijë, je'eyëp ko tyam mijts yajxon n'ënëëmë ko këtii xymyëpëjkëty yë y'aaw y'ayuk.

2 Reyes 18:29

Këtii nëkoo Ezequías mnätyukwin'ëënëtëty, yë'ë ka'ap myäyëtëty myajtso'okëtëty.

2 Reyes 18:31

këtii xymyëpëktëty. Yë Asiria yajkutujkpë paatyës të xykyexy ets miits n'ënëëmëtëty ets xytyuntëty tu'uk yë näykyajpx'oyë mëët yë'ë ets m'ëna'antëty ko ka'ap ntsiptuna'antë ets tu'k'ëtëyë je'eyë jam mtimnyäykyuwanëtëty ma Asiria ja'ayëtyën; jëtu'un ja mkam mtu'ujëty je'eyëm xymyëët'atëty ets xyjyë'kxtëty xypyëktëty ja mëti'ipë të xypyän të xykyojtën.

2 Reyes 19:6

ets ja Jeséas y'ënëmaayëtë: Jëtu'un xy'ëtsowtëty ja mwintsënëty ko yë Wintsën jëtu'un y'ënä'äny: këtii nëkoo xytsyë'ëkëty xyjyawëty ja aaw ayuk mëti'ipë Asiria tsiptuunpë të tkäjpxyën, maas ëjts nëkoo je'eyë të xynyi'ojën ets të xykyajpxpaatyën.

Salmos 3:3

E mijts, Wintsën, mijtsës xy'akëëytyujkp xy'axajtujkp; mijtsës xytyukpatp ja mëj'ajt oyajtën ets mijtsës jatëkok xyajjotkujktakp.

Salmos 42:4

Koos jëtu'unpë nmëmay nmëtajy, japës ntimjyawë pyëjkë'ëky njootjotyës. Je'eyës njaakja'amyetsy ko ijty mëët yë mayjyä'äy nnëjkxyës jam tsajptëkotm, maas ijty ëjts jëyëjp nëjkxyën akujk jotkujk ets nyajnaxtës ja kukajpxën ja'awëkyëtakën. Mëj ja xëëw ijty tyunyë.