2 Reyes 18:28 - Biblia Dc en Mixe de Quetzaltepec

²⁸ Ënet ja tsiptuunpë ojts janty mëk tpa'tkäjpxy ja ja'ay ets y'ënäny: Mëtoow'itë yajxon wi'ix ja Asiria yajkutujkpë y'ënä'änyën:

Biblia Mixe de Quetzaltepec

²⁸ Ënät ja tsiptuunpë ojts janty mëk tpa'tkäjpxy ja ja'ay ets y'ënäny: Mëtoow'itë yajxon wi'ix ja Asiria yajkutujkpë y'ënä'änyën:

2 Reyes 18:28 ပူးပေါင်းရင်းမြစ်များ

Apocalipsis 19:6

Tääts nmëtooyës ijxtëm ja mayjyä'äy kyajpxtën, ijxtëm ja mëjnëë y'iitsy kyomyën ets ijxtëm ja ënääwën y'ënä'änyën: Tukxoontä'äky mëjjawë yë Dios yë xyëëw nyaxëty, jä'äkyëjxm ko yajkutujktsoony, ja Wintsën Mëti'ipë Maaytyääyëpën Winë.

Ezequiel 29:3

Jëtu'un xy'ënëëmëty: Jëtu'un yë Wintsën y'ënä'äny: Ëjts mmëtsipës yam n'awinpity ma mijtsën yajkutujkpë, mëti'ipë jap Egiptë ënä'ämpën, jëtu'un mijts tä tu'uk mëjnëë jëyujkën, jap mkë'ëmnëëjoty mko'knë ets m'ëna'any: Nilë, mëjnëë, ëjts yë njä'ä, ëjts të nyajkojy.

Salmos 47:2

Jä'ä ko yë Wintsën, Ni'ik Këjxmëpë, atsë'ëk ajawë yë'ë, yajkutujkpë y'ity naaxwiinyëtë apëtsëmy.

Esdras 7:12

Tyam ja yajkutujkpë Artajerjes tkajpxpo'kxy ja teety Esdras, yaj'ijxpëjkpë, mëti'ipë nyija'apën ja ënä'ämën tëyajtën ja Wintsën ja jyä'äy tsajpjotmëpë yajpaatyën.

2 Crónicas 32:18

Ja Senaquerib ja jyä'äyëty nëkooyë janty mëk y'ënaankëtaktë ets nyätyijyë ja ja'ay t'ëtsë'ëkëja'antë mëti'ipë jam këwent'ajtëpën potsykyëpajkm, hebreo ayuk ojts tukmëkajpxtë ets jeexyë ja ja'ay tsyë'ëkëtë.

2 Reyes 18:19

Tääts ja Asiria ja'ay y'ënëmaayëtë: Jëtu'un yë Ezequías xy'ënëëmëtëty, ko ya'atë aaw ayuk yë'ë kyejxyp yë Asiria yajkutujkpë: ¿Pën mijts mtyäty tyukjotkujk'ajtyp?

2 Reyes 18:17

Ok ojts yë Asiria yajkutujkpë tkexy yë tsyiptuunpë wintsën mëj'äämpyë ets myëkutuunk ets tu'uk mëj wintsën jam ma ja Ezequías yajpaatyën ets jam tsyo'ontë Laquis jyajtë Jerusalén ets tnitëkëja'antë. Ko tmëwinkoontë ja Jerusalén kajpn, jam jyajtaktë ma ja nëë nyipetyën kajpnëkëjxm, ma ja tu'ujën mëti'ipë nëjkxpën ma witpujtaknën.

2 Reyes 18:27

E ja Asiria tsiptuunpë ënät y'ënäny: Ka'ap yë'ëkyëjxmëty yë mwintsën ets ka'ap myiits'atë yë Asiria yajkutujkpë të xytyukmëkäxëtës ya'atë ënä'ämën; yë'ë jëtu'un të yajtuknikäxtë yë ja'ayëty tampë potsykyëjxm kyu'ijnaxtën ets tmëtowtëty ko pyätyp ja xëëw po'o jëna'a nëjkx yë kyë'ëmtë'ëny tjë'kxtë ets kyë'ëmta'atsy t'uuktë.

2 Reyes 18:29

Këtii nëkoo Ezequías mnätyukwin'ëënëtëty, yë'ë ka'ap myäyëtëty myajtso'okëtëty.