2 Reyes 18:18 - Biblia Dc en Mixe de Quetzaltepec

¹⁸ Ënet ojts tmëkajpxtë ja Judá yajkutujkpë, tääts pyëtsëëmtë ja Eliaquim, yë myaank yë Hilquías, mëti'ipë ënety ja kutujkëntëjk kyëwent'ajtypyën ets ja Sebná, mëti'ipë jääpyën ets Joah, yë myaank yë Asaf, mëti'ipë mëët ja yajkutujkpë tyunyën mëti'ipë jyääpyë'ajtypyën ets mëët myëtyaktë ja Asiria ja'ayëty.

Biblia Mixe de Quetzaltepec

¹⁸ Ënät ojts tmëkajpxtë ja Judá yajkutujkpë, tääts pyëtsëëmtë ja Eliaquim, yë myaank yë Hilquías, mëti'ipë ënäty ja kutujkëntëjk kyëwent'ajtypyën ets ja Sebná, mëti'ipë jääpyën ets Joah, yë myaank yë Asaf, mëti'ipë mëët ja yajkutujkpë tyunyën mëti'ipë jyääpyë'ajtypyën ets mëët myëtyaktë ja Asiria ja'ayëty.

2 Reyes 18:18 ပူးပေါင်းရင်းမြစ်များ

2 Reyes 19:2

Tääts tkejxy ja Eliaquim mëti'ipë kutujkëntëjk kyëwent'ajtypyën, ja Sebná mëti'ipë ja noky myëët'ajtypyën ma jap winë këxja'ay myinyën ets ja teetytyëjkëty mëti'ipë mëjja'ayëtyën ets ja wyit tuktëjkëtyë ja këëtsëtypë ets ja xa'kwit ets ojts tninëjkxtë ja Jeséas käjpxynyajxpë, yë Amós yë myaank,

Isaías 37:2

Tä tkejxy ja Eliaquim mëti'ipë wiinkëëpy kujkëëpyën ma ja kutujkëntëjkën, ja Sebná mëti'ipë kujääpyën ets ja teetytyëjkëty, mëjja'aytyëjkëty ojts ja wyit tuktëjkëtya'atë mëti'ipë kuumpën u'kxpën mëët ja amay jotmay ets ojts ninëjkxtë ja käjpxynyajxpë Jeséas, yë Amós yë myaank,

Isaías 36:22

Ënet ja Eliaquim mëti'ipë akëëpy kujkëëpyën ma ja yajkutujkpën ets ja Sebná mëti'ipë kujääpyën ets ja Joah mëti'ipë ja yajkutujkpë jyääpyë'ajtypyën, tkë'tstaaytyë ja wyit tyujkxy ets ojts tninëjkxtë ja Ezequías ets tukmëmëtya'aka'antë wi'ix ënety ja Asiria ja'ay të y'ënä'änyën, mëti'ipë tsiptuunpëtëjk nyiwintsën'ajtypyën.

Isaías 36:3

Jam nyimiinëtë ja Eliaquim, Hilquías yë y'u'unk mëti'ipë jap wiinkëëpy kujkëëpyën ma ja yajkutujktaknën ets Sebná mëti'ipë ijty winë kyujääpyën ets Joah, yë Asaf yë myaank mëti'ipë ijty ja yajkutujkpë jyääpyë'ajtypyën.

2 Crónicas 34:8

Ma myajkmokx tëkëëk jëmëjtpetyën, ma ënety yajkutukyën yë Josías, ko ojts tyajwatsta'ay ja naax kajpn ets ja tsajptëjk. Ënet tkexy yë Safán, Asalías myaank; ja Amasías mëti'ipë jam kutuunk'ajtpën Jerusalén mëët ja jyääpyë Joah, Joacaz yë myaank, ets tkoj'oyëtëty ja tsajptëjk.

1 Reyes 4:3

Elihóref ets yu Ahías, yë y'ëna'k yë Sisá, ja ja'ayëty mëti'ipë jyääywyë'ëmtën winë; Josafat, yë myaank yë Ahilut, yë'ë ojts y'ity jääpyë ma ja yajkutujkpën;

2 Samuel 20:24

Yë Adoram, yë'ë ojts yajtuknipëky ets yajja'aytyunëty ma ja atsipë ja tuunkën, yë'ë jääpyë ijt yë Josafat, yë myaank yë Ahilut.

2 Reyes 18:26

Tääts ja Eliaquim, Sebná ets ja Joah t'ëtsoowtë ja Asiria tsiptuunpë: Tun yë mëyajtën harameo ayuk tukmëkajpxtëkës, ëëtsëty wa'ats nja'akyukëtëty, këtiis xymyëkajpxtë mëët yë hebreo ayuk jä'ä ko yë ja'ayëty mëti'ipë jam potsykyëjxm ku'ijxnajxtëpën wa'ats jam tmëtowtë.

2 Reyes 18:37

Ënet ja Eliaquim, mëti'ipë kyëwent'ajtypyën ja kutujkëntëjk; ja Sebná, mëti'ipë ja noky myëët'ajtypyën ma jap winë kuja'ay myinyën ets ja Joah mëti'ipë ja yajkutujkpë jyääpyë'ajtypyën ja wyit tkë'tstaaytyë mëët ja monyëtukyë ets ojts tninëjkxtë ja Ezequías, tääts tukmëmëtyaktaaytyë tä ënety ja Asiria ja'ay, tsiptuunpë wintsën të y'ënä'änyën.

Isaías 33:7

Mëtoow'it wi'ix ya'axtën jyoktën ja jotmëkja'aytyëjk jap tu'u akë'p ets wi'ix jyë'ëtën ya'axtën ja ja'ayëty mëti'ipë aaw ayuk myënëjkxtëpën ets jeexyë ja tsip yajkajpx'oyë.