2 Reyes 18:1 - Biblia Dc en Mixe de Quetzaltepec

¹ Ma ënety mëtëkëëk jëmëjt yajkutukyën yë Oseas, yë myaank yë Elá, mëti'ipë jam ënä'ämpën Israel, jää ojts tyëkë yajkutujkpë yë Ezequías, yë myaank yë Acaz jam Judá.

Biblia Mixe de Quetzaltepec

¹ Ma ënäty mëtëkëëk jëmëjt yajkutukyën yë Oseas, yë myaank yë Elá, mëti'ipë jam ënä'ämpën Israel, jää ojts tyëkë yajkutujkpë yë Ezequías, yë myaank yë Acaz jam Judá.

2 Reyes 18:1 ပူးပေါင်းရင်းမြစ်များ

2 Crónicas 28:27

Ko ojts y'o'knë jam nyaaxtëjkëy ma Jerusalén kajpnën, je'eyëp ko ka'ap jyamëty ma nyaaxtëkëtën ja yajkutujkpëtëjk mëti'ipë oy të tyuntën jam Israel. Yë'ë kutëjkëyë myaank Ezequías ma ja kutujktaknën.

2 Reyes 16:20

Ko ojts y'o'knë jam tyajnaaxtëjkëtyë ma ja David ja kyajpnën, ma jam yajpaatën ja y'aptëjk. Yë'ë kutëjkëyë ma ja kutujktaknën ja myaank Ezequías.

2 Reyes 18:9

Ma ënety mëmajktaxk jëmëjt yajkutukyën yë Ezequías, ja mëwëxtujkpë ja yajkutujkpë, ma ja Oseas yajkutujktsoonyën, yë myaank yë Elá, mëti'ipë jam yajkutujkën Israel; jää ojts yë Salmanasar, ja Asiria yajkutujkpë tyajnatuky yë Samaria kajpn ets tnitëjkëy,

2 Reyes 16:2

Jä'ä ënety yë jyëmëjt i'px ko tyëjkëy yajkutujkpë jam Jerusalén ets ojts y'ëne'emy majkmokx tu'uk jëmëjt; yë tyu'unën kyäjxën ka'ap ojts oy ja Wintsën t'ixy, ka'ap tmëpaty ja y'apteety David,

2 Reyes 15:30

Ënet ja Oseas, yë myaank yë Elá, tnikäjpxytyu'unëy yë Peka, yë myaank yë Remalías, ojts tnipëtë'ëky ets tyaj'o'ky. Ko y'o'ky tääts ojts yë'ë tkutëkë, ma ënety më'i'px jëmëjt tyunyën ja Jotam, yë myaank yë Uzías.

2 Reyes 17:1

Ma ënety myajkmäjtsk jëmëjtpetyën, ma yajkutukyën ja Acaz, jam Judá; jää ojts tyëkë yajkutujkpë yë Oseas, myaank yë Elá jam Israel ets taxtujk jëmëjt jam yajkutujky Samaria.

2 Crónicas 29:1

I'px mëkoxk ënety yë Ezequías jyëmëjt ko ojts tyëkë yajkutujkpë ets i'pxtaxtujk jëmëjt yajkutujky jam Jerusalén. Abí ijty ja tyaak xyëëwajtyp, yë'ë Zacarías yë nyëëx.

Miqueas 1:1

Ya'atë aaw'ajtp ayuk'ajtp, mëti'ipë ojts yë Wintsën tuknikexyën yë Miqueas mëti'ipë jam Moréset kukajpn'ajtpën ets mëti'ipë ojts tuknijawën kuma'ayjoty wi'ix jyata'any kyëpäta'anyën yë Samaria kajpn ets Jerusalén kajpn, ma ënety yajkutuktë ja Jotam, Ahaz ets Ezequías jam Judá.

2 Crónicas 29:29

Ko jyëjpkuwatsëy tä ja yajkutujkpë mëët ja tyuunpëtëjk tyëjkëtyë kajpxtakpë, tja'awëkyëta'aktë ja Wintsën ja y'oyjyot y'oywyinma'any.