2 Reyes 17:8 - Biblia Dc en Mixe de Quetzaltepec

⁸ jëtu'un ojts winë tuunëtë tä ja naax kajpn ja jyot wyinma'anyëtyën ets ja tyu'unën kyajpxënëtyën mëti'ipë ënety ja Wintsën të t'ëxwojpta'ayën ma yë'ëjëtyën; jëtu'un tä ënety myinyën kuja'ay kukeetsy ma ja ënä'ämën kutujkënën mëti'ipë ja yajkutujkpë ja'ayëty yajwë'ëmtën.

Biblia Mixe de Quetzaltepec

⁸ jëtu'un ojts winë tuunëtë tä ja naax kajpn ja jyot wyinma'anyëtyën ets ja tyu'unën kyajpxënëtyën mëti'ipë ënäty ja Wintsën të t'ëxwojpta'ayën ma yë'ëjëtyën; jëtu'un tä ënäty myinyën kuja'ay kukeetsy ma ja ënä'ämën kutujkënën mëti'ipë ja yajkutujkpë ja'ayëty yajwë'ëmtën.

2 Reyes 17:8 ပူးပေါင်းရင်းမြစ်များ

2 Reyes 16:3

jëtu'un ojts winë ëxëëkjaty tuny tä ja wiinkëtypë yajkutujkpëtëjk y'ëtëtstën, ni'ikyë ojts tu'uk ja myaank tkë'ëyajknë ets wyintsë'kën'atëty, ëxëëkjaty winë tuuny tä ja naax kajpnën mëti'ipë ja Wintsën yajkutëkooyën ko ja Israel ja'ayëty jam jyajtë.

Deuteronomio 18:9

Ko ënety jam të mja'ajnëtë ma ja it naaxwiinyëtën mëti'ipë ja Wintsën mo'ojanëtëpën, këtii ja ëxëëkpë tu'unën kajpxën xytyuuntëpëty, tä ja ja'ayëtyën ma tampë ja naax kajpnëtyën.

Miqueas 6:16

Jä'ä ko mijts yë'ë të xypyanëjkxy ets të xytyuny ja Omri ja y'ënä'ämën ets ja Ahab ja jyiiky myëku'uk; jëtu'un winë të xytyuny tä yë'ëjëtyën. Paaty mijts ets mnaax mkajpn atsë'ëk ajawë jyata'antë ets je'eyë nëjkx yajnëxi'ik yajtukxi'iktë, ja nnaax nkajpnës ja tsyëtsyu'un jam nëjkx kyëtakta'ay ma mijtsën.

Oseas 5:11

Yë Efraín ëxëëk yajtuny, ka'ap yë myëk'ajtën yajwinkutsë'ëkë mëti'ipë ja paat'ajtëpën mëët ko yë'ë të tpanëjkxtëkë yë wiink tios.

Jeremias 10:2

Jëtu'un yë Wintsën y'ënä'äny: Këtii jëtu'un tii xytyunëty tä wiinkëtypë naax kajpnën.

Salmos 106:35

Ni'ikyë ojts mëët nyäxyëpiinënëtë ja ja'ayëty ka'apë ja Dios t'ëwtatën, ets ojts tyukjajtënëtë ja y'ëxëëktu'un y'ëxëëk kajpxënëty;

2 Reyes 21:2

Je'eyëp ko ja tyu'unën kyajpxën ka'ap ja Wintsën ojts oy t'ixy, jä'ä ko näjyëtu'un winë tuuny ëxëëkjaty tä ja kajpnëtyën mëti'ipë ënety ja Wintsën të t'ëxwopyën ko ja Israel ja'ayëty jam jyajtë:

2 Reyes 17:19

E ja Judá ja'ay nän kä'äpyëm ojts myäyë tpatuntëty ja Wintsën ja y'ënä'ämën tyiyajtën, jä'ä ojts tpanëjkxtë ja ëxëëktu'un ëxëëk kajpxën mëti'ipë ja Israel ja'ayëty tyuuntën.

2 Reyes 16:10

Ko ja yajkutujkpë Acaz ojts jam nyijkxy Damaskë ets mëët nyäpyaata'anyë ja Tiglat-piléser, ja Asiria yajkutujkpën, ënät t'ijxy ja wintsë'këntyakn. Ënet tuknikejxy tu'uk ja noky ma jap myinyën këxkeetsy wi'ix ja wintsë'këntyakn y'ixëtyën e yë'ëts yajnikojtu'utëp ja teety Urías,

1 Reyes 21:26

Ka'ap mëtëy tii t'ëktuunë, je'eyë të twinkoxtënaaynyë ja awinax ets ja tsaapotsy ka'apë jyuukyëtyën, jëtu'un tä ijty yë Amor ja'ayëty y'ëtë'ëtstën, mëti'ipë yë Wintsën y'ixkäjxtaayën ma ja Israel ja'ayëty jam nyajxtën.

1 Reyes 12:28

Ko ya'atë ja winma'any ojts yajxon tyajtëy tyajtëtä'äky, ënät ja yajkutujkpë ojts t'oytyuny mäjtsk yë tsajpkaa ayääkë, aak pu'ts pujxn mëët y'oytyunyëty ets t'ënëmaay ja naax kajpn: Miitsëty Israel ja'ayëty, tëë yowë m'ënu'kxënyëtë ko jam xëmë mnëjkxtë Jerusalén. Tyaa ja mwintsënëty, mëti'ipë ojts jap Egiptë mjuutëtën.

Ezequiel 5:6

E yë'ë je'eyë ja n'ënä'ämënës tkäjpxykyumëtoownajxnë ets o'ktëy ni'ik të y'ëtëtsnë këtiinëm jyëtu'un'atë ja kajpn mëti'ipë mëët nyätyu'kmëtsëpa'an'atëtën, jä'ä ko ka'ap ja n'ënä'ämënës ntëyajtënës tmëmëtowtë ets ka'ap tpatuntë ja n'aaw n'ayukës.

Éxodo 23:24

Këtii näjyëtu'un winë ëxëëkjaty xytyunëty ijxtëm yë'ëjëty y'ëtë'ëtstën y'ëna'antën. Këtii xywyinkoxtänëty mëti'ipë yë'ëjëty tyios'ajtëpën ets ni xykya'ëwtatëty, ni'ikyë mëpaat xytyukwop xytyukka'atsë yë nyaaxpotsyëty mëti'ipë y'ëwtajtëpën.

2 Reyes 17:40

E tääpë ja kajpn ka'ap ojts ninu'un jëtu'unpë ja aaw ayuk tmëjpëjkta'aktë, ni'ikyënëm ojts tpanëjkxtëkëtë ja ëxëëk në'ë ëxëëk tu'u, ëpëky näjyëtu'un t'ëwtajtë ja Wintsën ets ja wiink tios. Ja y'u'unk y'ëna'këty näjyëtu'un winë tuuntë tä ja y'ap y'okëtyën, tyampaat je'eyëm jëtu'un tyajtu'uye'eytyë.