2 Reyes 17:7 - Biblia Dc en Mixe de Quetzaltepec

⁷ Yë Israel ja'ayëty paaty ojts jëtu'un jyatë kyëpätë jä'ä ko ojts ja Wyintsën tmëpokytyuntë, mëti'ipë jap Egiptë yajpëtsëëmëtën, ma ja faraón yajkutukyën; ojts t'ëwtajnëtë oynatii,

Biblia Mixe de Quetzaltepec

⁷ Yë Israel ja'ayëty paaty ojts jëtu'un jyatë kyëpätë jä'ä ko ojts ja Wyintsën tmëpokytyuntë, mëti'ipë jap Egiptë yajpëtsëëmëtën, ma ja faraón yajkutukyën; ojts t'ëwtajnëtë oynatii,

2 Reyes 17:7 ပူးပေါင်းရင်းမြစ်များ

1 Reyes 11:4

Ko ja Salomón ënety tëë myëjja'ayënë, ojts ja tyo'oxytyëjk tyukupëkyë ets t'ëwtatëty ja ka'apë jeexyë mëpaat t'ëwtatyën, e paaty jëtu'un jyäjty jä'ä ko ka'ap ënety ëmuumtu'ukjot të nyätyukë'ëtëkëty ja Wintsën, tä ja tyeety Davidjën.

1 Reyes 15:3

Abiam nän yë'ë poky ojts tuny mëti'ipë ja tyeey tyuunën, ma ënety ka'ap tyëkënëm yajkutujkpë, ja jyot wyinma'any ka'ap ojts mëtëy tyaj'ity ma Wintsënën ijxtëm ja David, ja y'aptëjk.

2 Reyes 16:2

Jä'ä ënety yë jyëmëjt i'px ko tyëjkëy yajkutujkpë jam Jerusalén ets ojts y'ëne'emy majkmokx tu'uk jëmëjt; yë tyu'unën kyäjxën ka'ap ojts oy ja Wintsën t'ixy, ka'ap tmëpaty ja y'apteety David,

2 Reyes 17:35

Ko ja Wintsën tuuny ja käjpxytyu'unën mëët yë'ëjëty, ojts tuk'ëne'emy: Këtii wiink tios xy'ëwtatëty ets xymyëjjawëtëty, ka'ap xymyo'otëty yë wyintsë'kën.

1 Crónicas 5:25

Je'eyëp ko yë'ëjëty ojts ja Tyios t'ixtijënëtë mëti'ipë ojts ja y'aptëjk t'ëwtatën, ojts wiink wintsën t'ëwtajtnëtë, mëti'ipë ja naax kajpn y'ëwtajtëpën mëti'ipë ja Wintsën yajkutëkooyën ma yë'ëjëtyën.

2 Crónicas 36:5

I'px mëkoxk ënety Joaquim jyëmëjt ko ojts tyëkë yajkutujkpë ets jä'ä ojts y'ëne'emy jam Jerusalén majktu'uk jëmëjt. Je'eyëp ko yë'ë ka'ap ojts oy winë tuny ma Wintsënën.

Nehemías 9:26

Je'eyëp ko yë'ëjëty ojts mkäjpxykyutëjyë ets ni'ikyë ojts je'eyë mkäjpxykyumëtoownajxënë ets ka'ap n'ëktuunëtë këwentë ja m'ënä'ämën mtëyajtën. Ja mtuunpë ets ja mja'ay mëti'ipë ja m'aaw m'ayuk jyanikäjpxypën je'eyë tyaj'o'k tyajtëkooytyë jä'ä ko ënety tyukwinmëtowëtë ja nyëë pyokyëty, tääts jëtu'un'äämpy myajjoot'anpëjkë mëjwiin këjää.

Salmos 78:12

Dios ojts yë myëj'ajtën tyaj'ixyë ma ja tyeety y'apetyën mëti'ipë ënety jam tsënaaytyëpën Zoan, ma ja Egiptë y'itjotmën.

Éxodo 20:2

Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënety mmëtuny m'ëyoyën.

Isaías 57:5

je'eyë xy'ixta'atë kepypya'tk mëjëtypë tääts jam m'ëtë'ëtstë m'ëna'antë tëkatsy, jap muum wokjoty m'u'unk mmëxu'unkpë xykyujëpijpnaxtë, jap muum tsaajutjoty xy'atijëtë.

Jeremias 10:5

Yë y'awinaxëty jëtu'un yaj'ixy tä kamwintëyën ma melón ja'ay tyaj'ityën; ka'ap kyäjpxy ets ka'ap ye'ey, kë'ëm muum ja'ay tmënëjkxy.

Ezequiel 39:24

Jëtu'unës ojts ntëytyuntë tä ënety pyaatëtën ets mëët ko ënety të kyäjpxykyumëtoownaxtë ets të nyäyaj'ëxëëkëtë, ënätës nmëjëkämkäktë.

Oseas 12:14

Yë Efraín ja'ayëty tëë yë Wintsën tyajjoot'anpëktë, tëë ma'atë. Paatykyëjxm yë Wintsën tyukumëtowa'anëtë mëët ko mëjpoky të tuntë ets kyë'ëmpoky ëxëëk tunanëtëp.

Oseas 4:12

Yë nnaax nkajpnës jam winë tyajtëy ma kyepy tyë'ëtsën; tam yë kyepy tkë'ëkap'aty mëti'ipë tyuknasja'apën. Tëës xy'ëxmajtsnë. Jëtu'un ijxtëm tu'uk yë to'oxytyëjkën mëti'ipë tyo'kpy yäjkpyën nyini'kx, näjyëtu'un miitsëty tëë mnäyajkënë ets xywyintsë'ëkëtëty wiink tiosëty.

Oseas 4:13

Jam muum tunkëjxm kopkëjxm jam nëjkx nyo'oktë xyamtë ets nëjkx tyaktë wyintsë'kën ets näjyëtu'un nyëjkxnë muum ma kepypya'tkën mëjpë, ma mëj xojën, ma mëj tsiinën. Paatykyëjxm yë mnëëxëty jyot nyini'kx të tooktë ets mxäkxyëty tëë tyajtëkoytyë pëjkën ukën wyintsë'kën.

Deuteronomio 31:29

Jä'ä ko wa'atsës nijawë, koos ënät n'o'knëty yajtëkoytyëp ënät ja jyot wyinma'anyëty ets t'ëxmajtsnëtëty ja n'aaw n'ayukës, mëti'ipë të ntuk'ënä'ämtënës tpanëjkxtëty. Ets nän ntimnyija'apës wa'ats, ko ënät jëtu'unpë ja winma'any tpaatëty, ëxëëk nëjkx tmëjat tmëkëpätë, mëët ko ja Wintsën ënety tkamëmëtowtë ets tkamëjpëjkta'aktë ets jëtu'un të tyajjoot'anpëktë.

Josue 23:16

Pën ka'ap xypyatuntë ja Wintsën ja kyäjpxytyu'unën. Ko miitsëty wiink tios xy'ëwtajnëtëty ets xywyinkoxtënaaynyëtëty, yë Wintsën mëj këjää nëjkx mtukjoot'anpëkëtë ets ka'ap mnimä'kxëtëty; wa'ats myajkutëkooytya'ajëtëty koonëm mkëxtëty yaa naaxwiiny naaxkëjxy ma ya'atë it naaxwiinyëtë të mo'ojëtën.

Jueces 6:10

Ets n'ënëmaaytyë koos ëjts jëtu'un Wintsën, mëti'ipë miits mTiosajtëpën ets ko këtii ninu'un xytyimtsë'ëkëtëty ja Amor ja'ayëty ja tyiosëty, mëti'ipë tsënaaytyëpën ma ja it naaxwiinyëtën ma miits tyam mtsëënëtën: E miitsëty ka'ap ojts ninu'un xytyimtuntë këwentë ijxtëm nja'ënëmaaytyën.