2 Reyes 17:6 - Biblia Dc en Mixe de Quetzaltepec

⁶ E ma tyaxtujk jëmëjtpäjtnën ma ja Oseas yajkutukyën, ja Asiria yajkutujkpë jää ojts tmëmëtaknë ja Samaria ja'ay ets ja Israel ja'ayëty ets tyajnëjkxtaay ni'ëmukë jam Halah, ma ja Habor ja y'itjotmën, jam Gozán ma ja mëjnëë jyënäkyën, mëti'ipë nyiwantëpën ja Medos ja'ayëty.

Biblia Mixe de Quetzaltepec

⁶ E ma tyaxtujk jëmëjtpäjtnën ma ja Oseas yajkutukyën, ja Asiria yajkutujkpë jää ojts tmëmëtaknë ja Samaria ja'ay ets ja Israel ja'ayëty ets tyajnëjkxtaay ni'ëmukë jam Halah, ma ja Habor ja y'itjotmën, jam Gozán ma ja mëjnëë jyënäkyën, mëti'ipë nyiwantëpën ja Medos ja'ayëty.

2 Reyes 17:6 ပူးပေါင်းရင်းမြစ်များ

Génesis 10:2

Ya'atë ojts t'u'unk'aty t'ëna'k'aty yë Jafed mëti'ipë xyëëwajtën Gómer, Magog, Madai, Javán, Tubal, Mésec ets Tiras.

1 Reyes 8:46

Ko ënety pën mëtëkoyë, jä'ä ko aak tëkoopyë ja'ay y'ity ets mjoot'anpëkëty, xykyë'ëyakëty ma ja myëtsipëtyën ets ja myëtsip ëxëëk tyunëtëty, yajnëjkxëtëty tsumy matsy wiink naax wiink kajpn, ma ja mëtsip ja kyajpnën, ëkë ma ja kajpn tmëwinkon'atën,

2 Reyes 15:29

Ma ënety ja Peka yajkutukyën jam Israel, ënety jyä'äjty jam yë Tiglat-piléser, jampë yajkutukyën Asiria ets ojts tjä'äpëky Iión, Abel-bet-maacá, Janoa, Cedes, Hazor, Galaad, Galilea ets tëkokyë jënu'un ja Neftalí ja y'itjotmën ets ja ja'ayëty mëti'ipë ënety jam tsënaaytyëpën aakjam ojts tsumy matsy nyëjkxta'atë Asiria.

2 Reyes 17:23

Tä ja Wintsën ojts tim'ëxmajtsnë ja Israel kajpn, jëtu'un tä ënety të t'akäjpxyën mëët ja kyäjxynyajxpëtëjk, paaty ojts ja Israel ja'ayëty yajmënëjkxnëtë tsumy matsy jam Asiria, ma tyampaat yajpaatën.

2 Reyes 18:34

¿Maajën ja wyintsënëty ënät ja Hamat ets ja Arfad? ¿Maajën ja wyintsënëty ja Sefarvaim, Hená ets Ivá? ¿Ojts jëtää tyajtso'oky ja Samaria kajpnë?

2 Reyes 19:12

¿Tiosëm jëtää ojts tputëkë ja kajpn mëti'ipëjaty ja Asiria ja'ay nyitëjkëtyë, ëëts yë nteety n'apëty: tä yë Gozán kajpnën, Harán kajpnën, Résef kajpnën ets ja ja'ayëty jampë ijty yajpaatën Bet-edén, mëti'ipë jam tsënaaytyën Telasar?

2 Reyes 21:13

Tin jëtu'unës ja Jerusalén kajpn ntuna'any o'ktëy tä ja Samaria kajpn të ntunyësën, maas të nyajkëjxta'ayën ja Ahab ja y'u'unk y'ëna'k ets ja jyä'äy; jëtu'unës nyajwë'ëma'any ja naax kajpn pe'ety jaaxy, tä ja'ay yë texy tukpo'otyën wa'ats ets tjupy.

1 Crónicas 5:22

May ja mëtsip y'o'ktë jä'ä ko yë'ë Dios kë'ëm tim tsiptuun. Paatykyëjxm jam tsyënaaytyaknpëjktë mëti'ipë mëtaktën, koonëm ja wiink kajpn ojts ok myëmëta'ëkëtë.

1 Crónicas 5:26

Paatykyëjxm ja Wintsën nän kë'ëm ojts naskajpxë ets ja Pul wyinma'anypyaatëty, mëti'ipë Tiglat-piléser xyëëwajtypyën, ja Asiria yajkutujkpë ets tmëtsiptsoonëty ja Israel ja'ay; jëtu'un tyajnëjkxtaay tsumy matsy ja Rubén ja'ayëty, Gad ja'ayëty ets nikujkwä'kxy ja Manasés ja jyä'äy; jam ojts yajmënëjkxtë Halah, Habor, Hara ets ma ja Gozán mëjnëë jyënäkyën, ma tyampaat yajpaatën.

Esdras 6:2

e jam ma ja kyutujkëntëjkën ja Ecbatana, ma Media y'itjotmën, jam yajpaty tu'uk ja noky, ma tnimëtyä'äkyën ya'atë ja aaw ayuk:

Nehemías 9:32

Paaty ënät yam myaj'ënëëmë mijts Wintsën, ma myajTeety'äty myajTios'atyën, mëti'ipë mëjën, mëti'ipë maaytyääyëpën winë ets kutsë'ëkë; ma mijts xykyuuytyunyën ja m'aaw m'ayuk ets mtsojkën mja'awën, ja'atyëkoy ja nyëë pyokyëty ëëts ja n'ap n'okëty, ëëts ja nyajkutujkpëty, ja nkopktëjkëty, ja nteetyëjkëty ets ja nwinkajpxpëtëjkëty ets tëkokyë ja naax kajpn mëti'ipë ijty ënä'ämëtëpën Asiria ja'ayëty ets mëti'ipë tyampaatën.

Isaías 10:9

Ëjts aak tu'knaxës n'ixy myëjëty naax kajpn yë Calnó ets Carquemis, yë Hamat ets Arfad, yë Samaria ets Damaskë.

Isaías 13:17

Ntsipwinkajpxëjäämpyës yam yë Medë ja'ayëty, mëti'ipë ka'ap nëkooyë tmëmay tmëtajtën yë wit meeny, mëti'ipë ka'ap ja poop pujxn pu'ts pujxn tpajëtitën.

Isaías 17:4

Jä'ä xëëw ja Samaria nëjkx myëjaawkukëxë ma ënety ja Jacob ja jyotkujk'ajtën të tpaatyën, ja jyotkujk'ajtën jëtu'unyë nëjkx kyixy nyäxy.

Isaías 21:2

Mëk oy yajmëtoy mëti'ipës ja Wintsën të xytyuk'ëwaanën: Mëti'ipë ja myëku'uk kyë'ëyäjkpyën, tëë ja jëtu'un tuny; mëti'ipë yajkutëkoopyën winë, të ja jëtu'un tuny. Pëtë'ëk mijts Elám ets mijts Medë ja'ayëty, nëjkx mtsiptuntë. Ëjts ka'apës n'ëkupëkanë ets pën je'eyë nyikajpx nyimëtya'akëty.

Isaías 36:17

Ok nëjkx myajnëjkxëtë ma tu'uk ja kajpnën jëtu'unpë kyëxë'ëkyën tä mkajpnëtyën, ma y'ity wyintëyën yë tsajpmok ets tsatym. Jotkujk yë mtsajpkääky xyajkojtëty ets mkaytyëty m'uuktëty.

Isaías 36:19

¿Maaxën ënät yajpatëpë ja wyintsënëty, mëti'ipë tyijtëpën Hamat ets Arpad? ¿Maaxën ënety yajpatëpë ja wyintsënëty, Sefarvaim? ¿Näyajtso'okëtëp jëtää ko ja Samaria ets ja Asiria ja'ayëty ëxëëk tyunëtë?

Isaías 37:18

Wintsën, mëtëy yë'ë ko Asiria ja'ayëty tëë ja naax kajpn tyaj'akëkooytya'atë tëkokyë mëët y'itjot nyaaxjot,

Isaías 8:4

Jä'ä ko ka'anëm ënety kyajpxë'ëkynyëm ko nëjkx yajnitëkë yë Damaskë kajpn ets Samaria kajpn; tëkokyë mëti'ipë ënety jap kajpnjoty yajpatpën, ja Sirië yajkutujkpë nëjkx tmënëjkxta'ay.

Jeremias 50:17

Yë Israel kajpn jëtu'un tä tu'uk yë kupixyny tyëkoy'ityën mëti'ipë kaa papooyëpën. Yë'ë jëyëjp të myätsyë tä kaajën yë yajkutujkpë, Asiria ja'ay; ok yë Nabucodonosor, yë Babilonyë yajkutujkpë, mëti'ipë jëtu'un tä kaajën të tsyu'utsyën.

Daniel 5:28

PARSÍN: Yë yajkutujkpë kyutujkën tëë mäjtskpëky nyäwyä'kxyë, tu'kpëky yë'ë jyä'ä'atantëp yë Medos ja'ayëty ets Persas ja'ayës.

Oseas 1:4

Ënet yë Wintsën t'ënëmaay yë Oseas: Jezreel xytyijëty yë mmaank, jä'ä ko tyimpatyp ja xëëw po'o maas ntëytyuna'anyën yë Jehú yajkutujkpë yë y'u'unk y'ok mëët ko may të yaja'ay'ooky jam Jezreel, etsës nyaj'ätëkoyä'äny yë kutujktakn jam Israel.

Oseas 1:6

Ojts yë Gómer jatëkok wyi'imy u'unk mëët ets ojts tyajmëxu'unk'aty tu'uk yë y'u'unk to'oxytyëjkpë. Tä ja Dios t'ënëmaay yë Oseas: Lo-ruhamá xytyijëty yë mnëëx, jä'ä koos ka'apës yë Israel kyutujkëntakn nëk pa'ëyowanë ets ka'apës n'ëkmä'kxanë.

Oseas 1:9

Ënet ja Wintsën ojts tmëkäjpxy ja Oseas ets t'ënëmaay: Llamá Lo-ami xytyijëty yë mmaank, jä'ä ko miitsëty ka'ap n'ëkkajpn'ajtnëtë, etsës ka'apës ëjts miits xy'ëk'ëwtajnëtë.

Oseas 13:16

Yajtëytyunaanp yë Samaria kajpn ko të tkäjpxykyumëtoownaxy yë Wintsën. Yo'kpuxy y'o'kta'aja'antë, yë y'u'unk y'ëna'këty jëtu'unyë nyaaxkuwopëja'antë ets to'oxytyëjkëty mëti'ipë ënety u'unk mëëtëtyën nëjkxëp yë jyot y'ëwatsta'atë.

Oseas 8:8

Israel jëtu'un të jyäty tä jeexyë të yajjëënyën. Wiinkëtypë naax kajpn ka'ap mëj tyim'ixëtë,

Oseas 9:3

Wimpitäämpy yë Efraín jatëkok jap Egiptë ets jam Asiria jyë'kxäämpy yë ëxëëkpë jë'kxy pëky. Ka'ap y'ëktsëënëjanë jam ma Wintsën yë kyajpnën,

Amós 5:27

Paatykyëjxm n'ëxwojpta'aja'antë, tsumy matsy nyajnëjkxta'aja'antë wiink naax wiink kajpn, mwinaxtëp yë Damasco kajpn. Yë Wintsën jëtu'un ënaanp, yë Dios mëti'ipë maaytyääyëpën winë ets jëtu'un txëëwaty.

Amós 7:17

E yë Wintsën yë'ë ënaanp: Yë mto'oxytyëjk kajpnjoty nëjkx jyot nyini'kx tooky tyäky ets m'u'unk m'ëna'k ye'etyëjkpë to'oxytyëjk nëjkxëp kupuxy y'ooktë; yë mnaax mkam nëjkxëp yaj'ijxwa'kxtë ma ja'ayëtyën mëti'ipë wiink tios y'ëwtajtëpën ets Israel ja'ayëty tsum matsy nëjkx yajmënëjkxta'atë wiink naax wiink kajpn.

Deuteronomio 28:36

Yë Wintsën yë'ë nëjkx t'ëwa'atsy ets mijts tu'ukyë mëët myajkutujkpë myajmënëjkxnëtëty wiink naax wiink kajpn, ma ënety ka'ap nijëna'a të xy'ixy'ätyën ets ni m'ap m'ok ënety të tka'ixy'atë. Jam wiinkë'ëy wiink kajpn kwanë ko nëjkx ja wiink wintsën xy'ëwtajnë ets jä'ä xymyëmëtoownëty, mëti'ipë mëët y'oytyunyëtyën yë tsaa ets kepy.

Deuteronomio 28:64

Yë Wintsën jëtu'unyë nëjkx mwojpwa'kxëtë naaxwiinyëtë apëtsëmy. Jam wiink naax wiink kajpn wiink tios nëjkx xy'ëwtajnëtë. Jä'ä ja awinax mëti'ipë tsaa ets kepy mëët y'oytyunyëtyën; mëti'ipë ja m'ap m'ok ka'ap nijëna'a t'ixyajtën.

Deuteronomio 30:18

Tyam yajxon ntimtyukja'aymyätstë, ko miitsëty nëjkxëp m'o'kta'atë, ka'ap nëjkx ninu'un jam m'ëk poxnëtë ma ja it naaxwiinyëtën, mëti'ipë mnitsiptunantëpën ets xynyiwa'aka'antën, jä'ä jëtu'un ja jampë yajpaatyën nëë awinaxy, ma ja Jordán mëjnëëjën.